Canada’s Inflation Rises to 3.1%, Raising Prospects of Interest Rate Hike by Year-End

Oct 19, 2026 6:22 PM - Connect Newsroom - Ramandeep Kaur with files from The Canadian Press

ਕੈਨੇਡਾ ’ਚ ਮਹਿੰਗਾਈ ਦਰ 3.1% ’ਤੇ ਪੁੱਜੀ, ਸਾਲ ਦੇ ਅੰਤ ਤੱਕ ਵਿਆਜ ਦਰਾਂ ਵਧਣ ਦੇ ਆਸਾਰ

Share On

canadas-inflation-rises-to-3-1-raising-prospects-of-interest-rate-hike-by-year-end

Canada’s inflation rises to 3.1%, raising the possibility of an interest rate hike by the end of 2026. (Photo: The Canadian Press)

ਕੈਨੇਡਾ ਦੇ ਸਤੰਬਰ ਮਹੀਨੇ ਦੀ ਮਹਿੰਗਾਈ ਦੇ ਅੰਕੜੇ ਸਾਹਮਣੇ ਆਉਣ ਤੋਂ ਬਾਅਦ ਅਰਥਸ਼ਾਸਤਰੀਆਂ ਦਾ ਮੰਨਣਾ ਹੈ ਕਿ ਸੈਂਟਰਲ ਬੈਂਕ ਵੱਲੋਂ ਸਾਲ 2026 ਦੇ ਅੰਤ ਤੱਕ ਵਿਆਜ ਦਰਾਂ ਵਿਚ ਵਾਧਾ ਕੀਤਾ ਜਾ ਸਕਦਾ ਹੈ। ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਜਾਰੀ ਰਿਪੋਰਟ ਮੁਤਾਬਕ, ਤੇਲ ਅਤੇ ਗੈਸ ਦੀਆਂ ਉੱਚੀਆਂ ਕੀਮਤਾਂ ਕਾਰਨ ਸਾਲਾਨਾ ਮਹਿੰਗਾਈ ਦਰ ਵਧ ਕੇ 3.1 ਫੀਸਦੀ 'ਤੇ ਪਹੁੰਚ ਗਈ ਹੈ, ਜੋ ਕਿ ਬੈਂਕ ਦੇ 1 ਤੋਂ 3 ਫੀਸਦੀ ਦੇ ਟਾਰਗੇਟ ਦਾਇਰੇ ਤੋਂ ਉੱਪਰ ਹੈ।

ਹਾਲਾਂਕਿ, ਮੂਲ ਮਹਿੰਗਾਈ ਘੱਟ ਰਹੀ ਹੈ, ਜਿਸ ਨਾਲ ਬੈਂਕ ਨੂੰ ਕੁਝ ਰਾਹਤ ਜ਼ਰੂਰ ਮਿਲੀ ਹੈ ਪਰ ਅਮਰੀਕਾ ਨਾਲ ਚੱਲ ਰਹੇ ਵਪਾਰਕ ਤਣਾਅ ਅਤੇ ਮਿਡਲ ਈਸਟ ਸੰਕਟ ਕਾਰਨ ਮਹਿੰਗਾਈ ਵਧਣ ਦੀਆਂ ਸੰਭਾਵਨਾਵਾਂ ਜਤਾਈਆਂ ਜਾ ਰਹੀਆਂ ਹਨ।

KPMG ਕੈਨੇਡਾ ਮੁਤਾਬਕ, ਬੈਂਕ ਔਫ ਕੈਨੇਡਾ ਅਕਤੂਬਰ ਦੇ ਅਖੀਰ ਵਿਚ ਹੋਣ ਵਾਲੀ ਬੈਠਕ ਵਿਚ ਵਿਆਜ ਦਰਾਂ ਨੂੰ ਸਥਿਰ ਰੱਖੇਗਾ ਅਤੇ ਦਸੰਬਰ ਤੱਕ ਇਸ ਵਿਚ ਵਾਧਾ ਹੋ ਸਕਦਾ ਹੈ। ਇਸ ਤੋਂ ਪਹਿਲਾਂ ਪਿਛਲੀਆਂ ਲਗਾਤਾਰ ਸੱਤ ਬੈਠਕਾਂ ਤੋਂ ਸੈਂਟਰਲ ਬੈਂਕ ਨੇ ਆਪਣੀ ਬੈਂਚਮਾਰਕ ਦਰ ਨੂੰ 2.25 ਫੀਸਦੀ 'ਤੇ ਸਥਿਰ ਰੱਖਿਆ ਹੋਇਆ ਹੈ।

ਕੈਨੇਡਾ ਦੀ ਸਾਲਾਨਾ ਮਹਿੰਗਾਈ ਦਰ ਸਤੰਬਰ ਵਿਚ ਵੱਧ ਕੇ 3.1 ਫੀਸਦੀ ਹੋ ਗਈ ਹੈ, ਜਿਸ ਨਾਲ ਇਹ ਬੈਂਕ ਔਫ ਕੈਨੇਡਾ ਦੇ ਟੀਚੇ ਤਿੰਨ ਫੀਸਦੀ ਦੀ ਉੱਪਰਲੀ ਸੀਮਾ ਤੋਂ ਥੋੜ੍ਹੀ ਉੱਪਰ ਚਲੀ ਗਈ ਹੈ। ਅਗਸਤ ਵਿਚ ਇਹ ਤਿੰਨ ਫੀਸਦੀ 'ਤੇ ਹੀ ਸਥਿਰ ਰਹੀ ਸੀ। ਸੋਮਵਾਰ ਨੂੰ ਸਟੈਟਿਸਟਿਕਸ ਵਿਭਾਗ ਵਲੋਂ ਜਾਰੀ ਰਿਪੋਰਟ ਮੁਤਾਬਕ, ਪੈਟਰੋਲ ਅਤੇ ਡੀਜ਼ਲ ਦੀਆਂ ਵਧੀਆਂ ਕੀਮਤਾਂ ਨੇ ਪਿਛਲੇ ਮਹੀਨੇ ਮਹਿੰਗਾਈ ਦਰ ਨੂੰ ਵਧਾਉਣ ਵਿਚ ਪ੍ਰਮੁੱਖ ਯੋਗਦਾਨ ਪਾਇਆ।