20.97C Vancouver 20.97C VancouverOct 20, 2020 11:20 PM -
ਮੇਲਾਨੀਆ ਟ੍ਰੰਪ ਦੀ ਚੋਣ ਪ੍ਰਚਾਰ 'ਚ ਵਾਪਸੀ ਨੂੰ ਅਜੇ ਸਮਾਂ ਲੱਗੇਗਾ।
ਉਨ੍ਹਾਂ ਦੇ ਚੀਫ਼ ਆਫ ਸਟਾਫ਼ 'ਸਟੈਫਨੀ ਗ੍ਰੀਸ਼ਮ' ਦਾ ਕਹਿਣਾ ਹੈ ਕਿ ਮੇਲਾਨੀਆ ਕੋਵਿਡ-19 ਤੋਂ ਰਿਕਵਰ ਕਰਨ ਤੋਂ ਬਾਅਦ, ਪਹਿਲਾਂ ਤੋਂ ਬਿਹਤਰ ਮਹਿਸੂਸ ਕਰ ਰਹੀ ਹਨ, ਪਰ ਅਜੇ ਵੀ ਉਨ੍ਹਾਂ ਨੂੰ ਖੰਘ ਪ੍ਰੇਸ਼ਾਨ ਕਰ ਰਹੀ ਹੈ।
ਗ੍ਰੀਸ਼ਮ ਨੇ ਕਿਹਾ ਕਿ ਮੇਲਾਨੀਆ ਨੇ ਫੈਸਲਾ ਕੀਤਾ ਹੈ ਕਿ ਉਹ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੇ ਨਾਲ ਮੰਗਲਵਾਰ ਸ਼ਾਮ ਦੀ ਪੈਂਸਿਲਵੇਨੀਆ ਦੀ ਪ੍ਰਚਾਰ ਰੈਲੀ ਦਾ ਹਿੱਸਾ ਨਹੀਂ ਬਣਨਗੇ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਅਜਿਹਾ ਸਿਰਫ ਸਾਵਧਾਨੀ ਵਰਤਦੇ ਹੋਏ ਕੀਤਾ ਜਾ ਰਿਹਾ ਹੈ।
ਯਾਦ ਰਹੇ ਮੇਲਾਨੀਆ ਟ੍ਰੰਪ ਦੀ ਆਖਰੀ ਪਬਲਿਕ ਅਪੀਅਰੈਂਸ 29 ਸਿਤੰਬਰ ਨੂੰ ਓਹਾਇਓ 'ਚ ਹੋਈ ਸੀ, ਜਿਸ ਤੋਂ ਬਾਅਦ ਉਹ ਵਾਇਰਸ ਤੋਂ ਸੰਕ੍ਰਮਿਤ ਹੋਣ ਤੋਂ ਬਾਅਦ, ਪ੍ਰਚਾਰ ਤੋਂ ਦੂਰ ਰਹੀ ਹਨ।
ਬੀਤੇ ਹਫ਼ਤੇ ਉਨ੍ਹਾਂ ਦੀ ਰਿਕਵਰੀ ਦਾ ਐਲਾਨ ਕੀਤਾ ਗਿਆ ਸੀ।
