9.64C Vancouver 9.64C VancouverMar 19, 2020 3:13 PM -
ਇੱਕ ਸਮੁੰਦਰੀ ਜਹਾਜ਼ ਜਿਸ ਤੇ ਸਵਾਰ ਕਈ ਯਾਤਰੀ ਕੋਵਿੱਡ-19 ਤੋਂ ਪੀੜਤ ਹਨ ਅਤੇ ਜਿਸ ਉੱਤੇ ਦਰਜਨਾਂ ਕਨੇਡੀਅਨ ਮੁਸਾਫ਼ਰ ਸਵਾਰ ਹਨ, ਅੱਜ ਫਰਾਂਸ ਦੇ ਸ਼ਹਿਰ ਮਾਰਸੇਹ (Marseille) ਪਹੁੰਚ ਗਿਆ ਹੈ।
ਗਲੋਬਲ ਅਫੇਅਰਜ਼ ਕੈਨੇਡਾ ਮੁਤਾਬਕ ਕੋਸਟਾ ਲੁਮੀਨੋਸਾ ਨਾਂ ਦੇ ਇਸ ਜਹਾਜ਼ ਉੱਤੇ ਘੱਟ ਤੋਂ ਘੱਟ 77 ਕਨੇਡੀਅਨ ਨਾਗਰਿਕ ਮੌਜੂਦ ਹਨ।
ਇਸ ਸਮੁੰਦਰੀ ਜਹਾਜ਼ ਤੇ ਕੁੱਲ 1400 ਯਾਤਰੀ ਸਵਾਰ ਹਨ।
ਫਰਾਂਸ ਨੇ ਇਸ ਜਹਾਜ਼ ਨੂੰ 4 ਦਿਨਾਂ ਲਈ ਬਹੁਤ ਸਖ਼ਤ ਸ਼ਰਤਾਂ ਅਧੀਨ ਆਪਣੀ ਇੱਕ ਬੰਦਰਗਾਹ ਤੇ ਖੜ੍ਹੇ ਹੋਣ ਦੀ ਮੰਜ਼ੂਰੀ ਦਿੱਤੀ ਹੈ।
ਇਹ ਗੱਲ ਫਿਲਹਾਲ ਸਪੱਸ਼ਟ ਨਹੀਂ ਹੈ ਕਿ ਸ਼ਿੱਪ ਉੱਤੇ ਮੌਜੂਦ ਮੁਸਾਫ਼ਰਾਂ ਨੂੰ ਉਤਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ ਜਾਂ ਨਹੀਂ।
ਫਰਾਂਸ ਦੇ ਵਿੱਚ ਕਰੋਨਾਵਾਇਰਸ ਦੇ ਫੈਲਾਅ ਉੱਤੇ ਠੱਲ੍ਹ ਪਾਉਣ ਵਾਸਤੇ ਅੱਜਕਲ ਸਖਤ ਕਦਮ ਚੁੱਕੇ ਜਾ ਰਹੇ ਹਨ।
ਗਲੋਬਲ ਅਫੇਅਰਜ਼ ਕੈਨੇਡਾ ਮੁਤਾਬਕ ਉਨ੍ਹਾਂ ਦੇ ਅਧਿਕਾਰੀ ਕਨੇਡੀਅਨ ਮੁਸਾਫਰਾਂ ਨੂੰ ਸਹਿਯੋਗ ਪ੍ਰਦਾਨ ਕਰਨ ਵਾਸਤੇ ਤਿਆਰ ਹਨ।
