27.76C Vancouver 27.76C VancouverJun 4, 2020 7:36 PM -
ਅਮਰੀਕਾ 'ਚ ਪੁਲਿਸ ਹਿਰਾਸਤ ਦੇ ਵਿੱਚ ਮਾਰੇ ਗਏ ਜਾਰਜ ਫਲਾਇਡ ਨੂੰ ਅੱਜ ਯਾਦ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਦੀ ਯਾਦ 'ਚ ਮੀਨੀਆਪੌਲਿਸ 'ਚ ਇੱਕ 'ਮੈਮੋਰੀਅਲ' ਦਾ ਪ੍ਰਬੰਧ ਕੀਤਾ ਗਿਆ। ਤਿੰਨ ਮੈਮੋਰੀਅਲਜ਼ ਦੀ ਲੜੀ 'ਚ ਇਹ ਪਹਿਲਾ ਮੈਮੋਰੀਅਲ ਹੈ।
ਇਸ ਦਾ ਪ੍ਰਬੰਧ ਨਾਰਥ ਸੈਂਟਰਲ ਯੂਨੀਵਰਸਿਟੀ 'ਚ ਕੀਤਾ ਗਿਆ।
ਇੱਕ ਗੋਲਡਨ ਤਾਬੂਤ (ਕੈਸਕੇਟ) 'ਚ ਜਾਰਜ ਫਲਾਇਡ ਦਾ ਸ਼ਰੀਰ ਰੱਖਿਆ ਗਿਆ।
ਇਸ ਤਾਬੂਤ 'ਤੇ ਫੁੱਲ ਰੱਖੇ ਗਏ ਸਨ ਅਤੇ ਨਾਲ ਹੀ ਜਾਰਜ ਫਲਾਇਡ ਦੀਆਂ ਤਸਵੀਰਾਂ ਦਰਸ਼ਾਈਆਂ ਗਈਆਂ ਸਨ।
ਮੈਮੋਰੀਅਲ ਦੇ ਪ੍ਰਬੰਧਕਾਂ ਅਤੇ ਹੋਰ ਲੋਕਾਂ ਦਾ ਕਹਿਣਾ ਸੀ ਕਿ ਇਸ ਮੈਮੋਰੀਅਲ ਜ਼ਰੀਏ ਫਲਾਇਡ ਦੇ ਜੀਵਨ 'ਚ ਉਨ੍ਹਾਂ ਦੇ ਆਦਰਸ਼ਾਂ ਨੂੰ ਸਮਝਣ ਦੀ ਕੋਸ਼ਿਸ਼ ਕੀਤੀ ਜਾਵੇ।
ਇਸ ਦੌਰਾਨ ਨੌਰਥ ਸੈਂਟਰਲ ਯੂਨੀਵਰਸਿਟੀ ਦੇ ਪ੍ਰਧਾਨ ਨੇ ਪ੍ਰਾਰਥਨਾ ਕੀਤੀ।
ਫਿਰ ਜਾਰਜ ਫਲਾਇਡ ਦੇ ਪਰਿਵਾਰਿਕ ਮੈਂਬਰਾਂ ਨੇ ਉਨ੍ਹਾਂ ਦੀਆਂ ਗੱਲਾਂ ਸਭ ਨਾਲ ਸਾਂਝੀਆਂ ਕਰਦੇ ਹੋਏ ਮਾਮਲੇ 'ਚ ਨਿਆਂ ਦੀ ਮੰਗ ਕੀਤੀ।
ਫਲਾਇਡ ਪਰਿਵਾਰ ਦੇ ਵਕੀਲ ਬੈਂਜਾਮਿਨ ਕਰੰਪ ਨੇ ਵੀ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਨਸਲਵਾਦੀ ਘਟਨਾਵਾਂ 'ਤੇ ਰੋਕ ਲਗਾਉਣ ਲਈ ਕਦਮ ਚੁੱਕੇ ਜਾਣ। ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਨਮ ਅੱਖਾਂ ਨਾਲ ਜਾਰਜ ਫਲਾਇਡ ਨੂੰ ਯਾਦ ਕੀਤਾ ਗਿਆ।
