6.43C Vancouver 6.43C VancouverSep 2, 2025 7:09 PM - Connect Newsroom
ਬੀ.ਸੀ. ਦੇ ਉੱਤਰ-ਪੂਰਬੀ ਸ਼ਹਿਰ ਫੋਰਟ ਸੇਂਟ ਜੌਨ ਵਿਚ 28 ਸਾਲਾ ਲੜਕੀ ਨੂੰ ਇੱਕ ਵਿਅਕਤੀ 'ਤੇ ਚਾਕੂ ਨਾਲ ਹਮਲਾ ਕਰਨ ਦੇ ਦੋਸ਼ ਵਿਚ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ।
ਪੁਲਿਸ ਨੇ ਕਿਹਾ ਕਿ ਕੈਲਾ ਬ੍ਰੀਜ਼ ਟਰੂਡੋ ਨੇ ਇੱਕ ਪਾਰਕਿੰਗ ਲੋਟ ਵਿਚ ਇਹ ਵਾਰਦਾਤ ਕੀਤੀ। ਫੋਰਟ ਸੇਂਟ ਜੌਨ ਆਰ.ਸੀ.ਐਮ.ਪੀ. ਮੁਤਾਬਕ, 28 ਅਗਸਤ ਨੂੰ ਦੁਪਹਿਰ ਲਗਭਗ 1:46 ਵਜੇ ਪੁਲਿਸ ਨੂੰ ਸ਼ਹਿਰ ਦੇ 99 ਐਵੇਨਿਊ ਅਤੇ 100 ਸਟ੍ਰੀਟ ਦੇ ਨੇੜੇ ਇੱਕ ਪਾਰਕਿੰਗ ਵਿਚ ਇੱਕ ਪੁਰਸ਼ ਦੀ ਛਾਤੀ ਵਿਚ ਚਾਕੂ ਮਾਰੇ ਜਾਣ ਦੀ ਰਿਪੋਰਟ ਮਿਲੀ ਸੀ ਜਿਸ ਦੇ ਸਬੰਧ ਵਿਚ ਮਹਿਲਾ ਸ਼ੱਕੀ ਦੀ ਗ੍ਰਿਫਤਾਰੀ ਕੀਤੀ ਗਈ।
ਪੁਲਿਸ ਨੇ ਕਿਹਾ ਕਿ ਪੀੜਤ ਨੂੰ ਹਸਪਤਾਲ ਲਿਜਾਣ ਸਮੇਂ ਗੈਰ-ਜਾਨਲੇਵਾ ਸੱਟਾਂ ਸਨ ਅਤੇ ਇਹ ਵੀ ਦੱਸਿਆ ਕਿ ਕੈਲਾ ਬ੍ਰੀਜ਼ ਟਰੂਡੋ ਨੂੰ ਜ਼ਮਾਨਤ ਦੀ ਸੁਣਵਾਈ ਤੱਕ ਹਿਰਾਸਤ ਵਿਚ ਰੱਖਿਆ ਗਿਆ। ਉਸ 'ਤੇ ਹਥਿਆਰ ਨਾਲ ਹਮਲਾ ਕਰਨ, ਸਰੀਰਕ ਨੁਕਸਾਨ ਪਹੁੰਚਾਉਣ ਅਤੇ ਖਤਰਨਾਕ ਉਦੇਸ਼ ਨਾਲ ਹਥਿਆਰ ਰੱਖਣ ਦੇ ਚਾਰਜਿਜ਼ ਲਗਾਏ ਗਏ ਹਨ।
ਕਾਂਸਟੇਬਲ ਕ੍ਰਿਸਟੀਅਨ ਡ੍ਰੇਅਰ ਨੇ ਕਿਹਾ ਕਿ ਇਹ ਦੋਵੇਂ ਇੱਕ-ਦੂਜੇ ਨੂੰ ਜਾਣਦੇ ਸਨ। ਉਨ੍ਹਾਂ ਕਿਹਾ ਕਿ ਘਟਨਾ ਦੇ ਹਾਲਾਤ ਬਹੁਤ ਚਿੰਤਾਜਨਕ ਹਨ ਪਰ ਇਸ ਬਾਰੇ ਵੇਰਵੇ ਨਹੀਂ ਦਿੱਤੇ।
