16.05C Vancouver 16.05C VancouverApr 9, 2026 6:32 PM - Connect Newsroom - Jasmine Singh with files from The Canadian Press
ਈਸਟ ਵੈਨਕੂਵਰ ਵਿਚ ਇੱਕੋ ਪਰਿਵਾਰ ਦੇ ਚਾਰ ਜੀਆਂ ਨੂੰ ਅਗਵਾ ਕਰਨ ਅਤੇ ਬੰਧਕ ਬਣਾਉਣ ਦੇ ਮਾਮਲੇ ਵਿਚ 4 ਨੌਜਵਾਨਾਂ ਨੂੰ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ। ਪੁਲਿਸ ਮੁਤਾਬਕ, 11 ਮਾਰਚ 2023 ਨੂੰ ਪਰਿਵਾਰ ਨੂੰ ਉਨ੍ਹਾਂ ਦੇ ਘਰੋਂ ਅਗਵਾ ਕਰਕੇ ਸ਼ਹਿਰ ਤੋਂ ਬਾਹਰ ਲਿਜਾਇਆ ਗਿਆ ਸੀ ਅਤੇ ਕੁਝ ਸਮੇਂ ਤੱਕ ਬੰਧਕ ਬਣਾ ਕੇ ਰੱਖਿਆ ਗਿਆ ਸੀ।
ਕਾਂਸਟੇਬਲ ਡੈਰੇਨ ਵੋਂਗ ਮੁਤਾਬਕ, ਇਹ ਜਾਂਚ ਇੱਕ ਸਾਲ ਤੱਕ ਚੱਲੀ ਅਤੇ ਸੱਤ ਵੱਖ-ਵੱਖ ਕ੍ਰਾਈਮ ਸੀਨ ਤੋਂ ਸਬੂਤ ਇਕੱਠੇ ਕੀਤੇ ਗਏ, ਜਿਹਨਾਂ ਦੇ ਆਧਾਰ 'ਤੇ ਦੋਸ਼ੀ ਕਰਾਰ ਦਿੱਤੇ ਗਏ ਤਿੰਨ ਸ਼ੱਕੀ ਇਸ ਵੇਲੇ ਪੁਲਿਸ ਹਿਰਾਸਤ ਵਿਚ ਹਨ। ਅਦਾਲਤ ਵੱਲੋਂ ਸਜ਼ਾ ਸੁਣਾਏ ਜਾਣ ਦੀ ਤਾਰੀਖ਼ ਨਿਰਧਾਰਤ ਕਰਨ ਲਈ ਇਹਨਾਂ ਤਿੰਨਾ ਦੀ ਅਗਲੀ ਪੇਸ਼ੀ 6 ਮਈ ਨੂੰ ਹੋਵੇਗੀ। ਇਹ ਸਾਰੇ 21 ਤੋਂ 23 ਸਾਲ ਦੇ ਹਨ, ਜਿਹਨਾਂ ਨੇ ਕਿਡਨੈਪਿੰਗ ਅਤੇ ਘਰ ਵਿਚ ਜ਼ਬਰਦਸਤੀ ਦਾਖਲ ਹੋਣ ਦੇ ਦੋਸ਼ ਕਬੂਲ ਕੀਤੇ ਹਨ।
ਇਸ ਮਾਮਲੇ ਵਿਚ ਇੱਕ 17 ਸਾਲਾ ਨੌਜਵਾਨ ਨੇ 2024 ਵਿਚ ਹੀ ਆਪਣਾ ਗੁਨਾਹ ਕਬੂਲ ਕਰ ਲਿਆ ਸੀ ਅਤੇ ਆਪਣੀ ਸਜ਼ਾ ਪੂਰੀ ਕਰ ਚੁੱਕਾ ਹੈ। ਪੁਲਿਸ ਵਲੋਂ ਇਹਨਾਂ ਦੀ ਪਛਾਣ ਇਬਰਾਹਿਮ-ਹੁਸੈਨ, ਸਿਜੁਓਲਾ ਓਬਟੂਸਾ ਅਤੇ ਡੂਓਥ ਟੇਕੈਨ ਗਰਕੌਥ ਵਜੋਂ ਦੱਸੀ ਗਈ ਹੈ।
