ਵੈਨਕੂਵਰ ਡਾਊਨਟਾਊਨ 'ਚ ਇੱਕ ਪਾਰਕ ਨੂੰ ਟੈਂਪਰੇਰੀ ਪੱਧਰ 'ਤੇ ਬੰਦ ਕਰਨ ਦੇ ਨਿਰਦੇਸ਼

ਵੈਨਕੂਵਰ ਦੇ ਡਾਊਨਟਾਊਨ ਇਲਾਕੇ 'ਚ ਇੱਕ ਪਾਰਕ ਦੇ ਹਿੱਸੇ ਨੂੰ ਟੈਂਪਰੇਰੀ ਪੱਧਰ 'ਤੇ ਬੰਦ ਕੀਤਾ ਜਾ ਰਿਹਾ ਹੈ।

ਸਟਾਫ਼ ਵੱਲੋਂ ਟੈਂਟ ਅਤੇ ਹੋਰ ਸਟਰਕਚਰ ਹਟਾਏ ਜਾ ਰਹੇ ਹਨ।

ਇਸ ਇਲਾਕੇ 'ਚ ਸਥਿਤ ਕਰੈਬ ਪਾਰਕ (CRAB park) ਵਿੱਚ ਇੱਕ ਕਨੂੰਨ ਦੀ ਪਾਲਣਾ ਕਰਦੇ ਹੋਏ ਇਸ ਜਗ੍ਹਾ ਸਟਾਫ਼ ਵੱਲੋਂ ਕਾਰਵਾਈ ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।

ਇਹ ਪਾਰਕ ਵੈਨਕੂਵਰ ਹਾਰਬਰ ਵਾਟਰਫਰੰਟ ਦੇ ਇਲਾਕੇ 'ਚ ਡਾਊਨਟਾਊਨ ਈਸਟਸਾਈਡ ਕੋਲ ਸਥਿਤ ਹੈ।

ਪਾਰਕਸ ਬੋਰਡ ਦੇ ਜਨਰਲ ਮੈਨੇਜਰ ਡੌਨੀ ਰੋਸਾ ਦਾ ਕਹਿਣਾ ਹੈ ਕਿ ਪਾਰਕ ਤੋਂ ਕੁਝ ਲੋਕਾਂ ਨੂੰ ਹਟਾਇਆ ਗਿਆ ਹੈ ਪਰ ਕਰੀਬ 45 ਲੋਕ ਹਟਣ ਤੋਂ ਇਨਕਾਰ ਕਰ ਰਹੇ ਹਨ।

ਰੋਸਾ ਨੇ ਦੱਸਿਆ ਕਿ ਪਾਰਕ ਨੂੰ ਛੱਡ ਰਹੇ ਲੋਕਾਂ ਕੋਲ ਰਹਿਣ ਲਈ ਇੰਡੋਰ ਥਾਵਾਂ ਦੀ ਆਪਸ਼ਨ ਹੈ ਅਤੇ ਇਹਨਾਂ ਲੋਕਾਂ ਨੂੰ ਪਾਰਕ ਖਾਲੀ ਕਰਨ ਲਈ ਵੀਰਵਾਰ ਸਵੇਰ 10 ਵਜੇ ਤਕ ਦਾ ਸਮਾਂ ਦਿੱਤਾ ਗਿਆ ਹੈ।

ਵੈਨਕੂਵਰ ਪਾਰਕ ਬੋਰਡ ਦਾ ਟਵੀਟ:

The GM of the Vancouver Board of Parks and Recreation has issued an order to temporarily close the southwest portion of CRAB Park for remediation. The order takes effect on Sept. 9 at 10am and is pursuant to the Parks Control By-law.

https://tinyurl.com/k88x3ks