14.01C Vancouver 14.01C VancouverJun 20, 2025 7:10 PM - Connect Newsroom
ਫਰੇਜ਼ਰ ਅਤੇ ਥੌਂਪਸਨ ਕੈਨਿਯਨਜ਼ ਤੋਂ ਹੋ ਕੇ ਹਾਈਵੇ 1 'ਤੇ ਚੱਲਣ ਵਾਲੇ ਡਰਾਈਵਰਾਂ ਲਈ ਮਹੱਤਵਪੂਰਨ ਖ਼ਬਰ ਹੈ। ਲਿਟਨ ਤੋਂ 14 ਕਿਲੋਮੀਟਰ ਈਸਟ ਵਿਚ ਟੈਂਕ ਹਿੱਲ ਵਿਖੇ ਸੀਪੀਕੇਸੀ ਰੇਲਵੇ ਦੀ ਮੁੱਖ ਲਾਈਨ ਉੱਪਰ ਬਣਾਏ ਜਾ ਰਹੇ ਪੁਲ 'ਤੇ ਡੈੱਕ ਕੰਕਰੀਟ ਸਥਾਪਿਤ ਕੀਤਾ ਜਾਣਾ ਹੈ, ਜਿਸ ਦੇ ਚੱਲਦੇ ਹਾਈਵੇ-1 ਇੱਥੇ 23 ਜੂਨ ਦੀ ਅੱਧੀ ਰਾਤ ਤੋਂ 24 ਜੂਨ ਦੀ ਸਵੇਰ 9 ਵਜੇ ਤੱਕ ਦੋਵੇਂ ਦਿਸ਼ਾਵਾਂ ਵਿਚ ਬੰਦ ਰਹੇਗਾ।
ਆਵਾਜਾਈ ਮੰਤਰਾਲਾ ਦਾ ਕਹਿਣਾ ਹੈ ਕਿ ਡਰਾਈਵਰਾਂ ਨੂੰ ਬਦਲਵੇਂ ਰਸਤੇ ਬਾਰੇ ਜਾਣਕਾਰੀ ਦੇਣ ਲਈ ਲਿਟਨ ਅਤੇ ਸਪੈਂਸ ਬ੍ਰਿਜ ਕੋਲ ਚੈਕਪੁਆਇੰਟਸ ਦੀ ਤਾਇਨਾਤੀ ਕੀਤੀ ਜਾ ਰਹੀ ਹੈ।
ਉਥੇ ਹੀ, ਲੋਕ ਟ੍ਰੈਫਿਕ ਲਈ ਗਲੈਡਵਿਨ ਖੇਤਰ ਅਤੇ ਨਿਕੋਮੇਨ ਰਿਵਰ ਰੋਡ ਓਪਨ ਰਹਿਣਗੇ, ਜਦੋਂ ਕਿ ਬਾਕੀ ਸਾਰੇ ਟ੍ਰੈਫਿਕ ਨੂੰ ਹਾਈਵੇਅ 12, ਹਾਈਵੇਅ 5 ਅਤੇ ਹਾਈਵੇਅ 97ਡੀ ਜ਼ਰੀਏ ਰੂਟ ਲੈਣਾ ਹੋਵੇਗਾ। ਅੰਦਰੂਨੀ ਅਤੇ ਲੋਅਰ ਮੇਨਲੈਂਡ ਵਿਚਕਾਰ ਯਾਤਰਾ ਕਰਨ ਵਾਲੇ ਡਰਾਈਵਰ alternative routes ਦੇ ਤੌਰ 'ਤੇ ਹਾਈਵੇਅ 3 ਜਾਂ ਹਾਈਵੇਅ 5 ਦਾ ਇਸਤੇਮਾਲ ਕਰ ਸਕਦੇ ਹਨ।
