9.1C Vancouver 9.1C VancouverAug 16, 2021 9:14 AM -
ਕੇਂਦਰ ਸਰਕਾਰ ਮੁਤਾਬਕ, ਅੱਜ ਸੋਮਵਾਰ ਨੂੰ ਭਾਰਤ ਦਾ ਕੋਵਿਡ-19 ਟੀਕਾਕਰਣ ਵਧ ਕੇ 54.58 ਕਰੋੜ ਹੋ ਗਿਆ ਹੈ।
ਸਿਹਤ ਅਤੇ ਪਰਿਵਾਰ ਭਲਾਈ ਮਹਿਕਮੇ ਵੱਲੋਂ ਜਾਰੀ ਕੀਤੇ ਗਏ ਅੰਕੜਿਆਂ ਮੁਤਾਬਕ, 61,54,235 ਸੈਸ਼ਨਾਂ ਵਿੱਚ ਟੀਕਿਆਂ ਦੀਆਂ 54,58,57,108 ਖ਼ੁਰਾਕਾਂ ਲਾਈਆਂ ਜਾ ਚੁੱਕੀਆਂ ਹਨ, ਜਿਨ੍ਹਾਂ ਵਿੱਚੋਂ 17,43,114 ਖ਼ੁਰਾਕਾਂ ਬੀਤੇ 24 ਘੰਟਿਆਂ ਦੌਰਾਨ ਲਾਈਆਂ ਗਈਆਂ ਹਨ।
ਮੁਲਕ ਵਿੱਚ ਕੋਵਿਡ ਤੋਂ ਠੀਕ ਹੋਏ ਮਰੀਜ਼ਾਂ ਦੀ ਦਰ 97.48 ਫ਼ੀਸਦ ਹੈ ਅਤੇ ਇਨ੍ਹਾਂ ਵਿੱਚੋਂ ਮਹਾਮਾਰੀ ਦੀ ਸ਼ੁਰੂਆਤ ਤੋਂ ਲਾਗ ਲੱਗਣ ਵਾਲੇ ਲੋਕਾਂ ਵਿੱਚੋਂ, 3,14,11,924 ਪਹਿਲਾਂ ਤੋਂ ਹੀ ਕੋਵਿਡ-19 ਤੋਂ ਠੀਕ ਹੋ ਚੁੱਕੇ ਹਨ ਅਤੇ ਬੀਤੇ 24 ਘੰਟਿਆਂ ਦੌਰਾਨ 35,909 ਮਰੀਜ਼ ਇਸ ਤੋਂ ਤੰਦਰੁਸਤ ਹੋਏ ਹਨ।
ਅੰਕੜਿਆਂ ਮੁਤਾਬਕ, 32,937 ਮਾਮਲੇ, ਬੀਤੇ 24 ਘੰਟਿਆਂ ਵਿੱਚ ਮਿਲੇ ਹਨ ਅਤੇ ਇਸ ਵੇਲੇ ਮੁਲਕ ਵਿੱਚ ਸਰਗਰਮ ਮਾਲੀਆਂ ਦੀ ਗਿਣਤੀ 3,81,947 ਹੈ।
ਇਸ ਵੇਲੇ ਕੁਲ ਪੌਜ਼ਿਟਿਵ ਮਾਮਲਿਆਂ ਵਿੱਚੋਂ ਸਰਗਰਮ ਮਾਮਲੇ 1.18 ਫ਼ੀਸਦ ਹਨ।
ਅੱਜ ਸੋਮਵਾਰ ਨੂੰ ਮੁਲਕ ਦੀ ਰੋਜ਼ਾਨਾ ਦੀ ਪੌਜ਼ਿਟਿਵਿਟੀ ਦਰ 2.79 ਫ਼ੀਸਦ ਦਰਜ ਕੀਤੀ ਗਈ ਅਤੇ ਇਹ ਬੀਤੇ 21 ਦਿਨਾਂ ਵਿੱਚ 3 ਫ਼ੀਸਦ ਤੋਂ ਵੀ ਘੱਟ ਹੈ।
