15.85C Vancouver 15.85C VancouverApr 12, 2021 9:23 PM -
ਹੌਂਗ ਕੌਂਗ 'ਚ ਇੱਕ ਜੱਜ ਨੇ ਵੁਆਵੇ ਅਤੇ ਐਚ.ਐਸ.ਬੀ.ਸੀ. ਵਿਚਾਲੇ ਦੇ ਇੱਕ ਡਾਕਿਊਮੈਂਟ ਸ਼ੇਅਰਿੰਗ ਐਗਰੀਮੈਂਟ ਨੂੰ ਸਾਂਝਾ ਕੀਤੇ ਜਾਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ।
ਇਸ ਕਰਾਰ ਦਾ ਮੰਗ ਵੰਜੋ ਦੇ ਐਕਸਟ੍ਰਾਡਿਸ਼ਨ ਮਾਮਲੇ 'ਚ ਅਸਰ ਪੈ ਸਕਦਾ ਹੈ।
ਵੁਆਵੇ ਦੀ ਚੀਫ਼ ਫਾਈਨੈਂਸ਼ੀਅਲ ਅਫ਼ਸਰ, ਮੰਗ ਵੰਜੋ ਨੂੰ ਵੈਨਕੂਵਰ 'ਚ ਦਿਸੰਬਰ 2018 'ਚ ਹੋਈ ਗ੍ਰਿਫਤਾਰੀ ਤੋਂ ਬਾਅਦ ਜ਼ਮਾਨਤ ਮਿਲੀ ਹੋਈ ਹੈ ਅਤੇ ਉਨ੍ਹਾਂ ਨੂੰ ਆਸ ਹੈ ਕਿ ਇਹਨਾਂ ਦਸਤਾਵੇਜ਼ਾਂ ਨਾਲ ਉਸ ਦੀ ਅਮਰੀਕਾ ਨੂੰ ਸਪੁਰਦਗੀ ਰੋਕੀ ਜਾ ਸਕੇਗੀ।
ਇੱਕ ਬ੍ਰਿਟਿਸ਼ ਕੋਰਟ ਦੀ ਪਹਿਲਾਂ ਦੀ ਰੂਲਿੰਗ 'ਚ ਐਚ.ਐਸ.ਬੀ.ਸੀ. ਨੂੰ ਮੰਗ ਵੰਜੋ ਦੀ ਲੀਗਲ ਟੀਮ ਨਾਲ ਦਸਤਾਵੇਜ਼ ਸਾਂਝੇ ਕਰਨ ਤੋਂ ਰੋਕਿਆ ਗਿਆ ਸੀ ਪਰ ਵੁਆਵੇ ਦਾ ਕਹਿਣਾ ਹੈ ਕਿ ਹੌਂਗ ਕੌਂਗ ਕੋਰਟ ਨੇ ਹੁਣ ਇਸ ਦੀ ਇਜਾਜ਼ਤ ਦੇ ਦਿੱਤੀ ਹੈ।
ਹਾਲਾਂਕਿ ਕੰਪਨੀ ਨੇ ਇਹ ਸਪਸ਼ਟ ਨਹੀਂ ਕੀਤਾ ਹੈ ਕਿ ਇਸ 'ਚ ਕਿਹੜੇ ਦਸਤਾਵੇਜ਼ ਸ਼ਾਮਿਲ ਹਨ।
ਮੰਗ ਵੰਜੋ ਦੇ ਵਕੀਲ ਕਹਿੰਦੇ ਰਹੇ ਹਨ ਕਿ ਅਮਰੀਕਾ ਦੀ ਮੰਗ ਵੰਜੋ ਦੀ ਸਪੁਰਦਗੀ ਹਾਸਿਲ ਕਰਨ ਲਈ ਕੋਈ ਜੁਰਿਸਡਿਕਸ਼ਨ ਨਹੀਂ ਹੈ ਅਤੇ ਮਾਮਲੇ 'ਚ ਫਾਈਨਲ ਸੁਣਵਾਈ ਅਗਲੇ ਹੀ ਮਹੀਨੇ ਹੋ ਸਕਦੀ ਹੈ।
