13.34C Vancouver 13.34C VancouverJan 27, 2020 3:28 PM -
18 ਵਾਰ ਐਨਬੀਏ ਆਲ ਸਟਾਰ (NBA all star) ਰਹਿ ਚੁੱਕੇ ਜਿਨ੍ਹਾਂ ਨੇ ਲਾਸਏਂਜਲਸ ਲੇਕਰਸ (Los Angeles Lakers) ਨਾਲ ਦੋ ਦਹਾਕੇ ਦੇ ਖੇਡ ਸਫ਼ਰ ਦੌਰਾਨ 5 ਚੈਂਪੀਅਨਸ਼ਿਪ ਜਿੱਤੀਆਂ, ਮਸ਼ਹੂਰ ਬਾਸਕਿਟਬਾਲ ਖਿਡਾਰੀ ਕੋਬੀ ਬ੍ਰਾਇੰਟ (Koby Bryant) ਦੀ ਐਤਵਾਰ ਨੂੰ ਹੈਲੀਕਾਪਟਰ ਹਾਦਸਾਗ੍ਰਸਤ ਹੋ ਜਾਣ ਕਾਰਨ ਮੌਤ ਹੋ ਗਈ।
ਆਪਣੀ ਪੀੜ੍ਹੀ ਦੇ ਬਿਹਤਰੀਨ ਬਾਸਕਿਟਬਾਲ ਖਿਡਾਰੀਆਂ ਵਿੱਚੋਂ ਗਿਣੇ ਜਾਣ ਵਾਲੇ, ਬ੍ਰਾਇੰਟ 41 ਸਾਲ ਦੇ ਸਨ।
ਬ੍ਰਾਇੰਟ ਦੀ 13 ਸਾਲਾ ਬੇਟੀ ਜਿਆਨਾ ਵੀ ਇਸ ਦੁਰਘਟਨਾ ਵਿੱਚ ਮਾਰੀ ਗਈ।
ਇਹ ਹਾਦਸਾ ਲਾਸਐਂਜਲਸ ਤੋਂ ਤਕਰੀਬਨ 50 ਕਿਲੋਮੀਟਰ ਦੀ ਦੂਰੀ ਤੇ ਐਤਵਾਰ ਸਵੇਰ 10 ਵਜੇ ਦੇ ਕਰੀਬ ਵਾਪਰਿਆ।
ਲਾਸਏਂਜਲਸ ਕਾਊਂਟੀ ਸ਼ੈਰਿਫ ਡਿਪਾਰਟਮੈਂਟ (Los Angeles County Sheriff’s Department) ਮੁਤਾਬਕ, ਹਾਦਸੇ ਦੇ ਵਕਤ ਹੈਲੀਕਾਪਟਰ ਵਿੱਚ 9 ਵਿਅਕਤੀ ਸਵਾਰ ਸਨ ਅਤੇ ਸਾਰੇ ਇਸ ਦੁਰਘਟਨਾ ਵਿੱਚ ਮਾਰੇ ਗਏ ਹਨ।
ਹੋਰ ਮ੍ਰਿਤਕਾਂ ਵਿੱਚ ਆਰੇਂਜ ਕੋਸਟ ਕਾਲਜ (Orange Coast College) ਵਿੱਚ ਬੇਸਬਾਲ ਦੇ ਹੈੱਡ ਕੋਚ ਜੌਹਨ ਆਲਟੋਬੈਲੀ (John Altobelli), ਉਨ੍ਹਾਂ ਦੀ ਪਤਨੀ ਕੈਰੀ (Kerri) ਅਤੇ ਬੇਟੀ ਅਲਿਸਾ (Alyssa) ਵੀ ਸ਼ਾਮਲ ਸਨ।
ਯੂ.ਐਸ. ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫ਼ਟੀ ਬੋਰਡ (U.S.National Transportation Safety Board) ਦੇ ਜਾਂਚ ਕਰਤਾਵਾਂ ਵੱਲੋਂ ਹਾਦਸੇ ਦੇ ਕਾਰਨਾਂ ਦੀ ਪੜਤਾਲ ਕੀਤੀ ਜਾ ਰਹੀ ਹੈ ਅਤੇ ਇਸ ਸੰਬੰਧ ਵਿੱਚ ਰਿਪੋਰਟ ਅਗਲੇ 10 ਦਿਨਾਂ ਵਿੱਚ ਆ ਜਾਣ ਦੀ ਉਮੀਦ ਹੈ।
ਮੁੱਢਲੀ ਜਾਣਕਾਰੀ ਅਨੁਸਾਰ ਜੱਦ ਹੈਲੀਕਾਪਟਰ ਨੇ ਉਡਾਣ ਭਰੀ ਤਾਂ ਕਾਫੀ ਧੁੰਦ ਸੀ।
ਜ਼ਮੀਨ ਦਾ ਕਾਫੀ ਹਿੱਸਾ ਉੱਚਾ ਨੀਵਾਂ ਤੇ ਪਥਰੀਲਾ ਹੋਣ ਕਾਰਣ ਵੀ ਜਾਂਚਕਰਤਾਵਾਂ ਨੂੰ ਕਈ ਮੁਸ਼ਕਿਲਾਂ ਦਾ ਸਾਮਣਾ ਕਰਨਾ ਪੈ ਰਿਹਾ ਹੈ।
