20.91C Vancouver 20.91C VancouverMay 17, 2021 3:37 PM -
ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ, ਸੋਮਵਾਰ ਨੂੰ ਨਾਰਦਾ ਘੁਟਾਲੇ ਦੇ ਸਬੰਧ ਵਿੱਚ ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਦੇ ਮੰਤਰੀਆਂ, ਫਿਰਹਾਦ ਹਕੀਮ, ਸੁਬਰਤ ਮੁਖਰਜੀ, ਅਤੇ ਵਿਧਾਇਕ ਮਦਨ ਮਿੱਤਰਾ ਨੂੰ ਸੀ.ਬੀ.ਆਈ ਵੱਲੋਂ ਗ੍ਰਿਫ਼ਤਾਰ ਕੀਤੇ ਜਾਣ ਤੋਂ ਤੁਰੰਤ ਬਾਅਦ ਕੇਂਦਰੀ ਜਾਂਚ ਬਿਊਰੋ (ਸੀ.ਬੀ.ਆਈ) ਦੇ ਦਫ਼ਤਰ ਪਹੁੰਚੀ।
ਟੀਐਮਸੀ ਦੇ ਸੰਸਦ ਮੈਂਬਰ ਕਲਿਆਣ ਬੈਨਰਜੀ, ਸਾਬਕਾ ਮੇਅਰ ਸੋਵਨ ਚੈਟਰਜੀ ਦੀ ਪਤਨੀ ਰਤਨਾ ਅਤੇ ਸੰਸਦ ਮੈਂਬਰ ਸਾਂਤਨੂ ਸੇਨ ਵੀ ਸੀ.ਬੀ.ਆਈ ਦਫ਼ਤਰ ਪਹੁੰਚੇ।
ਇਸ ਤੋਂ ਪਹਿਲਾਂ ਅੱਜ ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਦੇ ਮੰਤਰੀਆਂ ਫਿਰਹਾਦ ਹਕੀਮ, ਸੁਬਰਤਾ ਮੁਖਰਜੀ, ਵਿਧਾਇਕ ਮਦਨ ਮਿੱਤਰਾ ਨੂੰ ਨਾਰਦ ਘੁਟਾਲੇ ਦੇ ਸਬੰਧ ਵਿੱਚ ਸੀ.ਬੀ.ਆਈ. ਦੇ ਦਫ਼ਤਰ ਲਿਆਂਦਾ ਗਿਆ ਸੀ।
ਟੀਐਮਸੀ ਨੇਤਾਵਾਂ ਦੇ ਨਾਲ ਕੋਲਕਾਤਾ ਦੇ ਸਾਬਕਾ ਮੇਅਰ ਸੋਵਨ ਚੈਟਰਜੀ ਨੂੰ ਵੀ ਸੀ.ਬੀ.ਆਈ. ਦਫ਼ਤਰ ਲਿਆਂਦਾ ਗਿਆ।
ਇਸ ਤੋਂ ਪਹਿਲਾਂ 10 ਮਈ ਨੂੰ ਪੱਛਮੀ ਬੰਗਾਲ ਦੇ ਰਾਜਪਾਲ ਜਗਦੀਪ ਧਨਖੜ ਨੇ ਸੀ.ਬੀ.ਆਈ. ਵੱਲੋਂ ਜਾਂਚ ਕੀਤੇ ਜਾ ਰਹੇ ਨਾਰਦ ਘੁਟਾਲੇ ਵਿੱਚ ਫਿਰਹਾਦ ਹਕੀਮ, ਸੁਬਰਤ ਮੁਖਰਜੀ, ਮਦਨ ਮਿੱਤਰਾ ਅਤੇ ਸੋਵਨ ਚੈਟਰਜੀ 'ਤੇ ਮੁਕੱਦਮਾ ਚਲਾਉਣ ਦੀ ਮਨਜ਼ੂਰੀ ਦਿੱਤੀ ਸੀ।
ਰਾਜ ਭਵਨ ਅਨੁਸਾਰ, ਸੀ.ਬੀ.ਆਈ. ਨੇ ਪੱਛਮੀ ਬੰਗਾਲ ਦੇ ਰਾਜਪਾਲ ਨੂੰ ਬੇਨਤੀ ਕੀਤੀ ਸੀ ਅਤੇ ਇਸ ਮਾਮਲੇ ਨੂੰ ਢੁੱਕਵੇਂ ਸਾਰੇ ਦਸਤਾਵੇਜ਼ ਪ੍ਰਦਾਨ ਕੀਤੇ ਸਨ।
ਨਾਰਦ ਘੁਟਾਲੇ ਨੇ 2014 ਵਿੱਚ ਰਾਸ਼ਟਰੀ ਸੁਰਖੀਆਂ ਬਟੋਰੀਆਂ ਸਨ ਜਦੋਂ ਪੱਤਰਕਾਰ ਮੈਥਿਊ ਸੈਮੂਅਲ ਨੇ ਕੋਲਕਾਤਾ ਵਿੱਚ ਸਟਿੰਗ ਆਪਰੇਸ਼ਨ ਕੀਤਾ ਸੀ। ਕਥਿਤ ਸਟਿੰਗ ਆਪਰੇਸ਼ਨ ਵੀਡੀਓ ਵਿੱਚ, ਟੀਐਮਸੀ ਨੇਤਾ ਪੈਸੇ ਲੈਂਦੇ ਵੇਖੇ ਗਏ ਸਨ। ਵੀਡੀਓ ਵਿੱਚ ਇੱਕ ਪੁਲਿਸ ਅਧਿਕਾਰੀ ਵੀ ਨਜ਼ਰ ਆਇਆ ਸੀ।
