17.8C Vancouver 17.8C VancouverJun 21, 2022 7:11 PM - Connect News
ਮੈਟਰੋ ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਆਦਮੀ 'ਤੇ ਮਲਟੀ-ਜਿਉਰਿਸਡਿਕਸ਼ਨਲ ਜਿਨਸੀ ਹਮਲਿਆਂ ਦੇ ਮਾਮਲੇ 'ਚ ਦੋਸ਼ ਲੱਗੇ ਹਨ।
ਪੁਲਿਸ ਦਾ ਮੰਨਣਾ ਹੈ ਕਿ ਇੱਕੋ ਆਦਮੀ ਨੇ 7 ਜਿਨਸੀ ਹਮਲਿਆਂ ਨੂੰ ਅੰਜਾਮ ਦਿੱਤਾ।
ਇਹ ਸਾਰੇ ਮਾਮਲੇ 3 ਦਿਨਾਂ ਵਿਚਾਲੇ ਵਾਪਰੇ ਦੱਸੇ ਗਏ ਹਨ।
5 ਔਰਤਾਂ ਨੇ ਬਰਨਬੀ 'ਚ ਮੈਟਰੋਟਾਊਨ ਇਲਾਕੇ 'ਚ ਗਰੋਪਿੰਗ ਦੀ ਸ਼ਿਕਾਇਤ ਦਰਜ ਕਰਵਾਈ ਸੀ।
ਇਨ੍ਹਾਂ 5 ਔਰਤਾਂ ਦਾ ਕਹਿਣਾ ਸੀ ਕਿ ਘਟਨਾ ਨੂੰ ਕਿਸੇ ਅਣਜਾਣ ਵਿਅਕਤੀ ਨੇ ਅੰਜਾਮ ਦਿੱਤਾ ਸੀ।
ਮਾਮਲੇ 31 ਮਾਰਚ ਤੋਂ 2 ਅਪ੍ਰੈਲ ਵਿਚਾਲੇ ਵਾਪਰੇ ਸਨ। ਉਸੇ ਸਮੇਂ ਦੌਰਾਨ ਵੈਨਕੂਵਰ 'ਚ 2 ਜਿਨਸੀ ਹਮਲੇ ਵਾਪਰੇ ਦੱਸੇ ਗਏ ਸਨ ਅਤੇ ਇੱਕ ਇਨਡੀਸੈਂਟ ਐਕਟ ਵੀ ਰਿਪੋਰਟ ਹੋਇਆ ਸੀ।
ਦੋਵਾਂ ਸ਼ਿਹਰਾਂ ਦੀ ਪੁਲਿਸ ਅਤੇ ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਨੇ ਇਸ ਮਾਮਲੇ 'ਚ ਜਾਂਚ ਕੀਤੀ।
ਇੱਕ ਸ਼ੱਕੀ ਦੀ ਪਛਾਣ ਕਰ ਉਸ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਕਿ ਪੁਲਿਸ ਨੇ ਸ਼ੱਕੀ ਤਕ ਪਹੁੰਚ ਕਿਵੇਂ ਕੀਤੀ।
ਸ਼ੱਕੀ ਦੀ ਉਮਰ 27 ਸਾਲ ਅਤੇ ਉਸ ਦਾ ਨਾਮ ਹੇਡਨ ਮੈਕਕੌਰਿਸਟਨ ਦੱਸਿਆ ਗਿਆ ਹੈ।
ਸ਼ੱਕੀ 'ਤੇ ਜਿਨਸੀ ਹਮਲੇ ਦੇ 7 ਦੋਸ਼, ਹਮਲੇ ਦਾ ਇੱਕ ਦੋਸ਼, ਇਨਡੀਸੈਂਟ ਐਕਟ ਦਾ ਇੱਕ ਦੋਸ਼ ਅਤੇ ਚੋਰੀ ਦੇ 2 ਦੋਸ਼ ਲੱਗੇ ਹਨ।
ਸ਼ੱਕੀ ਨੂੰ ਪੁਲਿਸ ਹਿਰਾਸਤ 'ਚ ਰੱਖਿਆ ਗਿਆ ਹੈ।
