16.85C Vancouver 16.85C VancouverFeb 11, 2020 8:22 PM -
ਹੁਣ ਤੱਕ ਕੋਰੋਨਾਵਾਇਰਸ ਦੇ ਨਾਮ ਨਾਲ ਜਾਣੀ ਜਾ ਰਹੀ ਸਾਹ ਦੀ ਬਿਮਾਰੀ, ਨੂੰ ਇੱਕ ਨਵਾਂ ਨਾਮ ਮਿਲ ਗਿਆ ਹੈ।
ਇਸ ਬਿਮਾਰੀ ਦਾ ਅਧਿਕਾਰਿਕ ਨਾਮ 'COVID-19' ਰੱਖ ਦੇਣ ਦਾ ਐਲਾਨ ਕੀਤਾ ਗਿਆ ਹੈ।
ਇਹ ਐਲਾਨ ਵਰਲਡ ਹੈਲਥ ਔਰਗੇਨਾਈਜੇਸ਼ਨ ਵੱਲੋਂ ਕੀਤਾ ਗਿਆ ਹੈ।
ਮੰਗਲਵਾਰ ਨੂੰ ਜਿਨੀਵਾ 'ਚ WHO ਦੇ ਪ੍ਰਧਾਨ ਨੇ ਇਸਦੇ ਅਧਿਕਾਰਿਕ ਨਾਮ ਦਾ ਐਲਾਨ ਕੀਤਾ।
ਹਾਲਾਂਕਿ ਇਸਦੇ ਮਤਲਬ ਨੂੰ ਸਮਝਣਾ ਮੁਸ਼ਕਿਲ ਨਹੀਂ ਹੈ।
ਕੋਵਿਡ (COVID) ਦੇ ਵਿੱਚ 'ਕੋ' ਦਾ ਅਰਥ ਹੈ ਕੋਰੋਨਾ, ਜਦਕਿ ਇਸਦੇ ਅੱਗੇ ਆਉਣ ਵਾਲੇ 'ਵੀ' ਦਾ ਅਰਥ ਹੈ ਵਾਇਰਸ।
ਆਖਿਰ ਦੇ ਵਿੱਚ ਆਉਣ ਵਾਲੇ 'ਡੀ' ਨੂੰ ਡਿਜੀਜ ਯਾਨੀ ਕਿ ਬਿਮਾਰੀ ਦੇ ਲਈ ਵਰਤਿਆ ਗਿਆ ਹੈ।
ਇਸੇ ਤਰ੍ਹਾਂ ਇਸਦੇ ਅੱਗੇ ਵਰਤੇ ਜਾਣ ਵਾਲੇ 19 ਦਾ ਅਰਥ ਹੈ ਕਿ, ਇਸ ਬਿਮਾਰੀ ਨੇ ਸਾਲ 2019 'ਚ ਦਸਤਕ ਦਿੱਤੀ ਸੀ।
ਤਾਂ ਇਸੇ ਕਾਰਨ ਹੁਣ ਇਸ ਬਿਮਾਰੀ ਦਾ ਅਧਿਕਾਰਿਕ ਨਾਮ, ਕੋਰੋਨਾਵਾਇਰਸ ਦੀ ਜਗ੍ਹਾ ਕੋਵਿਡ-19 ਰੱਖ ਦਿੱਤਾ ਗਿਆ ਹੈ।
ਯਾਦ ਰਹੇ ਨਵੇਂ ਜਾਰੀ ਅੰਕੜਿਆਂ ਅਨੁਸਾਰ ਇਸ ਬਿਮਾਰੀ ਕਾਰਨ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ ਇੱਕ ਹਜ਼ਾਰ ਦੇ ਪਾਰ ਪਹੁੰਚ ਗਈ ਹੈ।
