Dec 14, 2021 9:42 PM - The Canadian Press

ਵਾਈਟ ਰੌਕ ਦੇ ਪੀਸ ਆਰਚ ਹਸਪਤਾਲ ਵਿੱਚ ਫਰੇਜ਼ਰ ਹੈਲਥ ਵੱਲੋਂ ਇੱਕ ਨਵੀਂ ਓਵਰਡੋਜ਼ ਪ੍ਰਿਵੈਂਸ਼ਨ ਸਾਈਟ ਖੋਲ੍ਹੀ ਗਈ ਹੈ।
ਹੈਲਥ ਅਥਾਰਿਟੀ ਦਾ ਕਹਿਣਾ ਹੈ ਕਿ ਸਾਈਟ ਵੱਲੋਂ ਲੋਕਾਂ ਨੂੰ ਇੱਕ ਸੁਰੱਖਿਅਤ ਮਾਹੌਲ ਪ੍ਰਦਾਨ ਕੀਤਾ ਜਾਵੇਗਾ।
ਇਸ ਮਾਹੌਲ 'ਚ ਉਨ੍ਹਾਂ ਨੂੰ ਟਰੇਂਡ ਮੈਡਿਕਲ ਸਟਾਫ਼ ਵੱਲੋਂ ਮੌਨੀਟਰ ਕੀਤਾ ਜਾ ਸਕੇਗਾ ਤਾਂ ਜੋ ਉਹ ਸੀਮਤ ਮਾਤਰਾ ਅਤੇ ਸਹੀ ਢੰਗ ਨਾਲ ਆਪਣੇ ਸਬਸਟੈਂਸ ਹਾਸਿਲ ਕਰ ਸਕਣ।
ਇਸ ਦੌਰਾਨ ਲੋਕਾਂ ਨੂੰ ਓਵਰਡੋਜ਼ ਪ੍ਰਿਵੈਂਸ਼ਨ ਸੰਬੰਧੀ ਵੀ ਸਿੱਖਿਅਤ ਕੀਤਾ ਜਾਵੇਗਾ।
ਇਸ ਦੇ ਨਾਲ ਹੀ ਨੈਲੋਕਸੋਨ ਨੂੰ ਘਰ 'ਚ ਲਏ ਜਾਣ ਦੀ ਟਰੇਨਿੰਗ ਵੀ ਦਿੱਤੀ ਜਾਵੇਗੀ।
ਇਹ ਫਰੇਜ਼ਰ ਹੈਲਥ 'ਚ ਇਸ ਪ੍ਰਕਾਰ ਦੀ 6ਵੀਂ ਪ੍ਰਿਵੈਂਸ਼ਨ ਸਾਈਟ ਹੈ ਪਰ ਵਾਈਟ ਰੌਕ 'ਚ ਇਹ ਪਹਿਲੀ ਪ੍ਰਿਵੈਂਸ਼ਨ ਸਾਈਟ ਹੈ।




