13.91C Vancouver 13.91C VancouverOct 28, 2020 10:43 PM -
ਅਮਰੀਕਾ 'ਚ ਡੈਮੋਕ੍ਰੈਟਿਕ ਰਾਸ਼ਟਰਪਤੀ ਉਮੀਦਵਾਰ ਜੋ ਬਾਈਡਨ ਨੇ ਅੱਜ ਡੈਲਾਵੇਅਰ 'ਚ ਵਿਲਮਿੰਗਟਨ 'ਚ ਵੋਟ ਕੀਤਾ।
ਇਸ ਤੋਂ ਬਾਅਦ ਉਨ੍ਹਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ, ਫਿਲਾਡੈਲਫੀਆ 'ਚ ਪੁਲਿਸ ਸ਼ੂਟਿੰਗ ਦੌਰਾਨ ਹੋਈ 'ਵਾਲਟਰ ਵਾਲੇਸ ਜੂਨੀਅਰ' ਨਾਮ ਦੇ ਯੁਵਕ ਦੀ ਮੌਤ ਦੇ ਮਾਮਲੇ 'ਚ ਗੱਲਬਾਤ ਕੀਤੀ।
ਉਨ੍ਹਾਂ ਕਿਹਾ ਕਿ ਉਹ ਵਾਅਦਾ ਕਰਦੇ ਹਨ ਕਿ ਜੇਕਰ ਉਹ ਰਾਸ਼ਟਰਪਤੀ ਬਣੇ ਤਾਂ ਅਜਿਹੇ ਮਾਮਲੇ ਨੂੰ ਰੋਕਣ 'ਤੇ ਕੰਮ ਕਰਨਗੇ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਘਟਨਾ ਨੂੰ ਲੁੱਟ-ਕਸੁੱਟ ਅਤੇ ਹਿੰਸਾ ਦੇ ਲਈ ਬਹਾਨਾ ਨਹੀਂ ਬਣਾਇਆ ਜਾ ਸਕਦਾ।
ਉਨ੍ਹਾਂ ਕਿਹਾ ਕਿ ਸਿਆਹ ਰੰਗ ਦੇ ਵਿਅਕਤੀ ਦੀ ਪੁਲਿਸ ਸ਼ੂਟਿੰਗ 'ਚ ਹੋਈ ਮੌਤ ਦੇ ਮਾਮਲੇ 'ਚ ਪ੍ਰਦਰਸ਼ਨ ਕਰਨਾ ਜਾਇਜ਼ ਹੈ, ਪਰ ਇਸ 'ਚ ਹਿੰਸਾ ਅਤੇ ਲੁੱਟ-ਕਸੁੱਟ ਲਈ ਜਗ੍ਹਾ ਨਹੀਂ ਹੈ।
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਫਿਲਾਡੈਲਫੀਆ 'ਚ ਹੋਈਆਂ ਪੁਲਿਸ ਤੇ ਪ੍ਰਦਰਸ਼ਨਕਾਰੀਆਂ ਦੀਆਂ ਝੜਪਾਂ 'ਤੇ ਟਿੱਪਣੀ ਕੀਤੀ ਹੈ।
ਉਨ੍ਹਾਂ ਨੇਵਾਦਾ ਅਤੇ ਐਰੀਜ਼ੋਨਾ 'ਚ ਰੈਲੀਆਂ ਦੌਰਾਨ ਗੱਲਬਾਤ ਕਰਦਿਆਂ ਕਿਹਾ ਕਿ ਲਗਾਤਾਰ ਅਜਿਹਾ ਹੋਣ ਨਹੀਂ ਦਿੱਤਾ ਜਾ ਸਕਦਾ।
ਉਨ੍ਹਾਂ ਡੈਮੋਕ੍ਰੈਟਸ 'ਤੇ ਵੀ ਨਿਸ਼ਾਨਾ ਸਾਧਿਆ ਅਤੇ ਕਿਹਾ ਕਿ ਇਹ ਘਟਨਾ ਡੈਮੋਕ੍ਰੈਟਸ ਦੇ ਸੂਬੇ ਤੇ ਸ਼ਹਿਰ 'ਚ ਵਾਪਰੀ ਹੈ।
ਫਿਲਾਡੈਲਫੀਆ 'ਚ ਪੁਲਿਸ ਸ਼ੂਟਿੰਗ ਦੌਰਾਨ ਹੋਈ 'ਵਾਲਟਰ ਵਾਲੇਸ ਜੂਨੀਅਰ' ਨਾਮ ਦੇ ਸਿਆਹ ਰੰਗ ਦੇ ਯੁਵਕ ਦੀ ਮੌਤ ਦੇ ਮਾਮਲੇ 'ਚ ਗੱਲਬਾਤ ਕਰਦਿਆਂ ਇਹ ਟਿੱਪਣੀ ਕੀਤੀ ਗਈ।
