20.08C Vancouver 20.08C VancouverAug 15, 2025 7:20 PM - The Canadian Press
ਵੈਨਕੂਵਰ ਆਈਲੈਂਡ ਵਿਚ ਬਲ ਰਹੀ ਸਭ ਤੋਂ ਵੱਡੀ ਜੰਗਲ ਅੱਗ ਨੂੰ ਲੈ ਕੇ ਅਲਬਰਨੀ-ਕਲੇਯੋਕੋਟ ਖੇਤਰੀ ਜ਼ਿਲ੍ਹੇ ਦਾ ਕਹਿਣਾ ਹੈ ਕਿ ਫਾਇਰਫਾਈਟਰਜ਼ ਨੇ ਮੀਂਹ ਨਾਲ ਸਥਾਨਕ ਤੌਰ 'ਤੇ ਹਵਾ ਦੀ ਗੁਣਵੱਤਾ ਵਿਚ ਸੁਧਾਰ ਹੋਣ ਦੀ ਉਮੀਦ ਜਤਾਈ ਹੈ ਪਰ ਕਿਹਾ ਹੈ ਕਿ ਇਹ ਸੁਧਾਰ ਬਣਿਆ ਰਹੇਗਾ ਇਸ ਬਾਰੇ ਕਹਿਣਾ ਮੁਸ਼ਕਲ ਹੈ।
ਵੈਸਟ ਸੈਂਟਰਲ ਖੇਤਰ ਵੈਨਕੂਵਰ ਆਈਲੈਂਡ ਦੇ ਈਸਟ ਕੋਸਟ ਅਤੇ ਮੇਨਲੈਂਡ ਦੇ ਸਨਸ਼ਾਈਨ ਕੋਸਟ ਦੇ ਕੁਝ ਹਿੱਸਿਆਂ ਨਾਲ ਹਵਾ ਦੀ ਗੁਣਵੱਤਾ ਚਿਤਾਵਨੀ ਹੇਠ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਮੁਤਾਬਕ, ਪੋਰਟ ਐਲਬਰਨੀ ਕੋਲ ਮਾਊਂਟ ਅੰਡਰਵੁੱਡ ਵਾਈਲਡਫਾਇਰ 34 ਵਰਗ ਕਿਲੋਮੀਟਰ ਵਿਚ ਹੈ ਅਤੇ ਇਸ ਦੀ ਅੱਗੇ ਦੀ ਹੁਣ ਤੱਕ ਸਥਿਤੀ ਸਪੱਸ਼ਟ ਨਹੀਂ ਹੈ।
ਇਸ ਅੱਗ ਕਾਰਨ ਬੈਮਫੀਲਡ ਤੱਕ ਬਿਜਲੀ ਪ੍ਰਭਾਵਿਤ ਹੈ ਅਤੇ ਮੁੱਖ ਸੜਕ ਦੀ ਪਹੁੰਚ ਕੱਟ ਗਈ ਹੈ ਤੇ ਪਾਰਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਉਸ ਵਲੋਂ ਪੈਸੀਫਿਕ ਰਿਮ ਨੈਸ਼ਨਲ ਪਾਰਕ ਰਿਜ਼ਰਵ ਵਿਚ ਪ੍ਰਸਿੱਧ ਵੈਸਟ ਕੋਸਟ ਟ੍ਰੇਲ ਲਈ ਵਿਜ਼ਟ ਨੂੰ ਸੀਮਤ ਕੀਤਾ ਜਾ ਰਿਹਾ ਹੈ। ਉਥੇ ਹੀ, ਪੋਰਟ ਐਲਬਰਨੀ ਸਿਟੀ ਨੇ ਧੂੰਏ ਅਤੇ ਹੀਟ ਤੋਂ ਬਚਣ ਵਾਸਤੇ ਲੋਕਾਂ ਲਈ ਇੱਕ ਰਾਹਤ ਕੇਂਦਰ ਖੋਲ੍ਹਿਆ ਹੈ।
