ਬੀ.ਸੀ. ਆ ਰਹੇ ਲੋਕਾਂ ਲਈ ਸੈਲਫ ਆਈਸੋਲੇਸ਼ਨ ਪਲੈਨ ਪੇਸ਼ ਕਰਨਾ ਬਣਾਇਆ ਲਾਜ਼ਮੀ

ਅੱਜ ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਇੱਕ ਨਿਊਜ ਕਾਨਫਰੰਸ ਦਾ ਸੰਬੋਧਨ ਕੀਤਾ।

ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਹਫ਼ਤਿਆਂ ਵਿੱਚ ਬੀ.ਸੀ. ਆਉਣ ਵਾਲੇ ਅੰਤਰਰਾਸ਼ਟਰੀ ਯਾਤਰੀਆਂ ਲਈ ਸੂਬਾਈ ਅਤੇ ਫੈਡਰਲ ਅਧਿਕਾਰੀਆਂ ਨੂੰ ਖੁਦ ਨੂੰ ਇਕੱਲਿਆਂ ਰੱਖਣ ਸੰਬੰਧੀ ਪਲੈਨ (self-isolation plan) ਪੇਸ਼ ਕਰਨਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।

ਵਿਕਟੋਰੀਆ ਵਿੱਚ ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਆਉਣ ਵਾਲਿਆਂ ਨੂੰ ਕਸਟਮਸ ਪਾਸ ਕਰਨ ਤੋਂ ਪਹਿਲਾਂ ਖੁਦ ਨੂੰ ਇਕੱਲਿਆਂ ਰੱਖਣ ਸੰਬੰਧੀ ਪਲੈਨ ਪੇਸ਼ ਕਰਨਾ ਹੋਵੇਗਾ, ਜੋ ਸਪਸ਼ਟ ਕਰੇ ਕਿ ਆਉਣ ਵਾਲਾ ਯਾਤਰੀ ਕਿਸ ਤਰ੍ਹਾਂ ਕੁਆਰੰਟੀਨ ਐਕਟ ਅਧੀਨ 14 ਦਿਨ ਲਈ ਖੁਦ ਨੂੰ ਇਕੱਲਾ ਕਰੇਗਾ ਅਤੇ ਇਹ ਪਲੈਨ ਇੱਕ ਕਾਨੂੰਨੀ ਦਸਤਾਵੇਜ਼ ਮੰਨਿਆ ਜਾਵੇਗਾ।

ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਜਿਨ੍ਹਾਂ ਯਾਤਰੀਆਂ ਕੋਲ ਪਲੈਨ ਨਹੀਂ ਹੋਵੇਗਾ ਜਾਂ ਜਿਨ੍ਹਾਂ ਦੇ ਪਲੈਨ ਨੂੰ ਅਧਿਕਾਰੀਆਂ ਵੱਲੋਂ ਮਨਜ਼ੂਰੀ ਨਹੀਂ ਦਿੱਤੀ ਜਾਵੇਗੀ, ਉਨ੍ਹਾਂ ਯਾਤਰੀਆਂ ਨੂੰ ਕੁਆਰੰਟੀਨ ਸਾਈਟਸ 'ਤੇ ਭੇਜ ਦਿੱਤਾ ਜਾਵੇਗਾ।

ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਗਰਮ ਇਲਾਕਿਆਂ ਤੋਂ ਘੁੰਮ ਫਿਰ ਕੇ ਅਤੇ ਰਿਪੈਟਰੀਏਸ਼ਨ ਫਲਾਈਟਸ ਰਾਹੀਂ ਕੈਨੇਡਾ ਵਾਪਸ ਆਉਣ ਵਾਲੇ ਕਈ ਲੋਕ ਬੀ.ਸੀ. ਆ ਰਹੇ ਹਨ ਅਤੇ ਉਨ੍ਹਾਂ ਨੂੰ ਵੀ ਕੋਵਿਡ-19 ਨਾਲ ਨਜਿੱਠਣ ਲਈ ਬੀ.ਸੀ. ਦੀਆਂ ਕੋਸ਼ਿਸ਼ਾਂ ਵਿੱਚ ਆਪਣੀਆਂ ਜ਼ਿੰਮੇਵਾਰੀਆਂ ਨਿਭਾਉਣੀਆਂ ਚਾਹੀਦੀਆਂ ਹਨ।