15.38C Vancouver 15.38C VancouverJul 2, 2021 8:55 PM -
ਵਿਕਟੋਰੀਆ 'ਚ ਪੁਲਿਸ ਵੱਲੋਂ ਇੱਕ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਦੌਰਾਨ ਕੈਪਟਨ ਜੇਮਸ ਕੁੱਕ ਦੇ ਬੁੱਤ ਨੂੰ ਪੱਟ ਸੁੱਟਿਆ ਗਿਆ।
ਇਸ ਬੁੱਤ ਨੂੰ ਪੱਟ ਕੇ ਹਾਰਬਰ 'ਚ ਸੁੱਟ ਦਿੱਤਾ ਗਿਆ।
ਸੋਸ਼ਲ ਮੀਡੀਆ 'ਚ ਇਸ ਘਟਨਾ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓ ਉਜਾਗਰ ਹੋਏ ਹਨ ਜਿਸ 'ਚ ਬੀ.ਸੀ. ਲੈਜਿਸਲੇਚਰ ਦੇ ਕੋਲ ਸਥਿਤ ਇਸ ਬੁੱਤ ਨੂੰ ਪੁੱਟਦੇ ਵੇਖਿਆ ਜਾ ਸਕਦਾ ਹੈ।
ਪੂਰੀ ਘਟਨਾ ਰਾਤ ਕਰੀਬ 8.30 ਵਜੇ ਵਾਪਰੀ।
ਕੈਨੇਡਾ ਡੇ ਮੌਕੇ ਵਾਪਰੀ ਇਸ ਘਟਨਾ ਸੰਬੰਧੀ ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਕਈ ਸ਼ੱਕੀਆਂ ਬਾਰੇ ਪਤਾ ਲੱਗਿਆ ਹੈ।
ਇਸ ਬੁੱਤ ਵਾਲੀ ਜਗ੍ਹਾ 'ਤੇ ਇੱਕ ਲੱਕੜ ਦੀ ਤਖਤੀ ਨਾਲ ਬਣੀ ਲਾਲ ਪੋਸ਼ਾਕ ਨੂੰ ਸਥਾਪਿਤ ਕਰ ਦਿੱਤਾ ਗਿਆ ਜਿਸ ਨੂੰ ਕਿ ਲਾਪਤਾ ਅਤੇ ਕਤਲ ਕੀਤੀਆਂ ਗਈਆਂ ਇੰਡੀਜਨਸ ਔਰਤਾਂ ਦਾ ਚਿੰਨ ਮੰਨਿਆ ਜਾਂਦਾ ਹੈ।
ਇਸ ਬੁੱਤ ਦੇ ਬੇਸ 'ਤੇ ਹੱਥਾਂ ਦੇ ਲਾਲ ਚਿੰਨ ਲਗਾ ਦਿੱਤੇ ਗਏ।
