11.53C Vancouver 11.53C VancouverNov 18, 2020 10:26 PM -
ਔਂਟੈਰੀਓ ਦੀ ਸਿਹਤ ਮੰਤਰੀ ਕ੍ਰਿਸਟੀਨ ਐਲੀਅਟ ਨੇ ਅੱਜ ਕਿਹਾ ਕਿ ਜਨਵਰੀ ਤੱਕ ਹੀ ਕੈਨੇਡਾ 'ਚ ਕੋਵਿਡ-19 ਦੀਆਂ ਲੱਖਾਂ ਡੋਜ਼ ਦੀ ਸਪਲਾਈ ਸ਼ੁਰੂ ਹੋ ਸਕਦੀ ਹੈ।
ਕ੍ਰਿਸਟੀਨ ਐਲੀਅਟ ਨੇ ਕਵਸਚਨ ਪੀਰੀਅਡ ਦੌਰਾਨ ਕਿਹਾ ਕਿ ਫਾਈਜ਼ਰ ਦੀ ਵੈਕਸੀਨ ਦੀਆਂ 4 ਮਿਲੀਆਂ ਡੋਜ਼, ਜਨਵਰੀ ਅਤੇ ਮਾਰਚ ਵਿਚਾਲੇ ਮਿਲਣ ਦੀ ਆਸ ਹੈ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ ਮੌਡਰਨਾ ਦੀ 2 ਮਿਲੀਅਨ ਡੋਜ਼ ਦੀ ਸਪਲਾਈ ਦੀ ਵੀ ਉਮੀਦ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਫਾਈਜ਼ਰ ਦੀ ਵੈਕਸੀਨ ਦੀਆਂ 1.6 ਮਿਲੀਅਨ ਡੋਜ਼ ਅਤੇ ਮੌਡਰਨਾ ਦੀ ਵੈਕਸੀਨ ਦੀਆਂ 8,00,000 ਡੋਜ਼, ਔਂਟੈਰੀਓ ਕੋਲ ਪਹੁੰਚਣਗੀਆਂ।
ਪੈਟੀ ਹਾਏਡੂ ਨੇ ਕਿਹਾ, ਵੈਕਸੀਨ ਦੀਆਂ ਡੋਜ਼ ਹਾਸਿਲ ਕਰਨ ਦੇ ਕੈਨੇਡਾ ਦੇ ਮੌਕੇ ਕਰਦੇ ਹਨ "ਬੇਹੱਦ ਉਤਸ਼ਾਹਿਤ"
ਅੱਜ ਫੈਡਰਲ ਸਿਹਤ ਮੰਤਰੀ ਪੈਟੀ ਹਾਏਡੂ ਨੂੰ ਔਂਟੈਰੀਓ ਦੀ ਸਿਹਤ ਮੰਤਰੀ ਵੱਲੋਂ ਦਿੱਤੇ ਗਏ ਵੈਕਸੀਨ ਸੰਬੰਧੀ ਡੋਜ਼ ਦੇ ਤਰੀਕਾਂ ਅਤੇ ਉਪਲਬਧਤਾ ਦੇ ਅੰਕੜਿਆਂ ਬਾਰੇ ਸਵਾਲ ਕੀਤੇ ਗਏ।
ਪੈਟੀ ਹਾਏਡੂ ਨੇ ਕਿਸੇ ਗਿਣਤੀ ਦੀ ਪੁਸ਼ਟੀ ਨਹੀਂ ਕੀਤੀ ਅਤੇ ਕਿਹਾ ਕਿ ਇਹ ਬੇਹੱਦ ਉਤਸ਼ਾਹਿਤ ਕਰਨ ਵਾਲੀ ਖਬਰ ਹੈ ਕਿ ਕੈਨੇਡਾ ਕੋਲ ਦੋਵਾਂ ਕੰਪਨੀਆਂ ਤੋਂ ਕਈ ਮਿਲੀਅਨ ਡੋਜ਼ ਪਹੁੰਚ ਰਹੀਆਂ ਹਨ।
ਉਨ੍ਹਾਂ ਪੱਤਰਕਾਰਾਂ ਨੂੰ ਕਿਹਾ ਕਿ ਵੈਕਸੀਨ ਦੀ ਵੰਢ ਤੱਕ ਪਹੁੰਚਣ ਤੋਂ ਪਹਿਲਾਂ, ਕਈ ਕਦਮ ਚੁੱਕਣ ਦੀ ਲੋੜ ਹੋਵੇਗੀ।
ਉਨ੍ਹਾਂ ਇਹ ਵੀ ਕਿਹਾ ਕਿ ਹੈਲਥ ਕੈਨੇਡਾ ਵੱਲੋਂ ਦੋਵਾਂ ਵੈਕਸੀਨਸ ਦਾ ਸੁਰੱਖਿਆ ਸੰਬੰਧੀ ਰੈਗੂਲੇਟਰੀ ਰੀਵਿਊ ਕਰਨਾ ਵੀ ਜ਼ਰੂਰੀ ਹੋਵੇਗਾ।
