20.61C Vancouver 20.61C VancouverOct 22, 2020 9:28 PM -
ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਟਿਨ ਨੇ ਕਿਹਾ ਹੈ ਕਿ ਫ਼ਿਲਹਾਲ ਰੂਸ ਅਤੇ ਚੀਨ ਦੀ ਮਿਲਟਰੀ ਅਲਾਇੰਸ ਦੀ ਲੋੜ ਨਹੀਂ ਹੈ।
ਪਰ ਉਨ੍ਹਾਂ ਕਿਹਾ ਕਿ ਭਵਿੱਖ 'ਚ ਅਜਿਹਾ ਹੋ ਸਕਦਾ ਹੈ।
ਪੁਟਿਨ ਨੂੰ ਅੰਤਰਰਾਸ਼ਟਰੀ ਵਿਦੇਸ਼ ਨੀਤੀ ਮਾਹਿਰਾਂ ਨਾਲ ਇੱਕ ਵੀਡੀਓ ਕਾਨਫਰੰਸ ਦੌਰਾਨ ਪੁੱਛਿਆ ਗਿਆ ਸੀ ਕਿ ਮਾਸਕੋ ਅਤੇ ਬੀਜਿੰਗ ਵਿਚਾਲੇ ਯੂਨੀਅਨ ਦੇ ਆਸਾਰ ਬਣ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਸਿਧਾਂਤਕ ਤੌਰ 'ਤੇ ਅਜਿਹਾ ਹੋ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਰੂਸ ਅਤੇ ਚੀਨ ਦਾ ਰਣਨੀਤਕ ਗਠਜੋੜ ਬਣ ਸਕਦਾ ਹੈ, ਪਰ ਫ਼ਿਲਹਾਲ ਮਿਲਟਰੀ ਅਲਾਇੰਸ ਸਥਾਪਿਤ ਕਰਨ ਬਾਰੇ ਕੋਈ ਗੱਲਬਾਤ ਨਹੀਂ ਹੋਈ ਹੈ।
ਪੁਟਿਨ ਨੇ ਦੱਸਿਆ ਕਿ ਰੂਸ ਵੱਲੋਂ ਚੀਨ ਨਾਲ ਕੁਝ ਬੇਹੱਦ ਸੰਵੇਦਨਸ਼ੀਲ ਮਿਲਟਰੀ ਟੈਕਨੌਲੋਜੀ ਸਾਂਝੀ ਕੀਤੀ ਗਈ ਹੈ, ਜਿਸ ਨਾਲ ਚੀਨ ਦੀ ਡਿਫੈਂਸ ਕਸ਼ਮਤਾ 'ਚ ਵਾਧਾ ਹੋਇਆ ਹੈ।
ਉਨ੍ਹਾਂ ਇਸ ਦੇ ਵੇਰਵੇ ਸਾਂਝੇ ਨਹੀਂ ਕੀਤੇ ਅਤੇ ਕਿਹਾ ਕਿ ਇਹ ਜਾਣਕਾਰੀ ਸੰਵੇਦਨਸ਼ੀਲ ਹੈ।
