8.49C Vancouver 8.49C VancouverJun 3, 2020 10:15 PM -
ਜਾਰਜ ਫਲਾਇਡ ਦੀ ਧੌਣ 'ਤੇ ਗੋਡਾ ਰੱਖਣ ਵਾਲੇ ਅਫ਼ਸਰ 'ਤੇ ਹੁਣ ਸੈਕਿੰਡ-ਡਿਗਰੀ ਕਤਲ ਦੇ ਦੋਸ਼ ਲਗਾਏ ਗਏ ਹਨ।
ਅਮਰੀਕਾ 'ਚ ਜਾਰਜ ਫਲਾਇਡ ਦੇ ਕਤਲ ਮਾਮਲੇ 'ਚ ਹੁਣ ਪੁਲਿਸ ਅਫ਼ਸਰਾਂ 'ਤੇ ਲੱਗੇ ਇਲਜ਼ਾਮਾਂ 'ਚ ਵਾਧਾ ਕੀਤਾ ਗਿਆ ਹੈ।
ਖਾਸ ਗੱਲ ਇਹ ਹੈ ਕਿ ਮੁੱਖ ਦੋਸ਼ੀ ਮੰਨੀ ਜਾ ਰਹੇ ਅਫ਼ਸਰ ਤੋਂ ਅਲਾਵਾ ਮੌਕੇ 'ਤੇ ਮੌਜੂਦ ਬਾਕੀ ਦੇ ਤਿੰਨਾਂ ਅਫ਼ਸਰਾਂ 'ਤੇ ਵੀ ਇਲਜ਼ਾਮ ਤੈਅ ਕੀਤੇ ਗਏ ਹਨ।
ਮੀਨੇਸੋਟਾ ਅਟੌਰਨੀ ਜਨਰਲ ਕੀਥ ਐਲੀਸਨ ਨੇ ਬਾਕੀ ਅਧਿਕਾਰੀਆਂ ਦੀ ਮੌਜੂਦਗੀ 'ਚ ਇੱਕ ਨਿਊਜ਼ ਕਾਨਫਰੰਸ ਕਰ ਇਸ ਸੰਬੰਧੀ ਜਾਣਕਾਰੀ ਦਿੱਤੀ। ਮੌਕੇ 'ਤੇ ਮੌਜੂਦ ਬਾਕੀ ਦੇ ਤਿੰਨਾਂ ਅਫ਼ਸਰਾਂ 'ਤੇ ਵੀ ਇਲਜ਼ਾਮ ਲੱਗੇ ਹਨ।
ਬਾਕੀ ਦੇ ਤਿੰਨਾਂ ਅਫ਼ਸਰਾਂ 'ਤੇ ਏਡਿੰਗ ਅਤੇ ਅਬੈਟਿੰਗ (aiding and abetting second degree murder) ਦੇ ਇਲਜ਼ਾਮ ਲੱਗੇ ਹਨ।
ਡੈਰਿਕ ਚੌਵਿਨ ਨਾਮ ਦੇ ਅਫ਼ਸਰ 'ਤੇ ਪਹਿਲਾਂ ਥਰਡ-ਡਿਗਰੀ ਕਤਲ ਅਤੇ ਸੈਕਿੰਡ ਡਿਗਰੀ ਮੈਨਸਲਾਟਰ (third-degree murder and second-degree manslaughter) ਦੇ ਇਲਜ਼ਾਮ ਲੱਗੇ ਸਨ।
ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਬਾਕੀ ਦੇ ਤਿੰਨਾਂ ਅਫ਼ਸਰਾਂ ਦੇ ਨਾਮ - ਥੌਮਸ ਲੇਨ, ਜੇ. ਕੁਐਂਗ, ਤੋਉ ਥਾਓ।
ਯਾਦ ਰਹੇ ਅੱਜ ਹੀ ਫਲਾਇਡ ਪਰਿਵਾਰ ਦੇ ਮੈਂਬਰਾਂ ਨੇ ਚਾਰੇ ਪੁਲਿਸ ਅਫ਼ਸਰਾਂ ਦੀ ਗ੍ਰਿਫਤਾਰੀ ਦੀ ਮੰਗ ਕੀਤੀ ਹੈ।
ਫਲਾਇਡ ਪਰਿਵਾਰ ਨੇ ਅੱਜ ਮੀਨੀਆਪੌਲਿਸ 'ਚ ਉਸ ਜਗ੍ਹਾ ਤੱਕ ਪਹੁੰਚ ਕੀਤੀ, ਜਿੱਥੇ ਜਾਰਜ ਫਲਾਇਡ ਦੀ ਗ੍ਰਿਫਤਾਰੀ ਦੀ ਕੋਸ਼ਿਸ਼ ਦੇ ਦੌਰਾਨ ਸਾਰੀ ਘਟਨਾ ਵਾਪਰੀ ਸੀ।
ਕੀ ਹੈ ਪੂਰਾ ਮਾਮਲਾ ?
ਯਾਦ ਰਹੇ ਲੋਕਾਂ ਵੱਲੋਂ ਜਾਰਜ ਫਲਾਇਡ ਨਾਮ ਦੇ ਵਿਅਕਤੀ ਦੀ ਮੌਤ ਦੇ ਮਾਮਲੇ 'ਚ ਲਗਾਤਾਰ ਪ੍ਰਦਰਸ਼ਨ ਜਾਰੀ ਰਹੇ ਹਨ।
ਕਈ ਮੌਕਿਆਂ 'ਤੇ ਪ੍ਰਦਰਸ਼ਨਾਂ ਨੇ ਹਿੰਸਕ ਰੂਪ ਧਾਰ ਲਿਆ ਸੀ।
ਮੈਮੋਰੀਅਲ ਡੇਅ (25 ਮਈ) ਮੌਕੇ ਇੱਕ ਅਫ਼ਸਰ ਨੇ ਕਿਸੇ ਮਾਮਲੇ ਸੰਬੰਧੀ ਜਾਰਜ ਫਲਾਇਡ ਨੂੰ ਕਾਬੂ ਕੀਤਾ ਸੀ, ਅਤੇ ਬਾਅਦ ਵਿੱਚ ਇੱਕ ਵੀਡੀਓ ਸਾਹਮਣੇ ਆਇਆ ਜਿਸ ਦੌਰਾਨ, ਅਫ਼ਸਰ ਨੇ ਆਪਣਾ ਗੋਡਾ, ਪੀੜਤ ਦੀ ਧੌਣ 'ਤੇ ਕਰੀਬ 8 ਮਿੰਟਾਂ ਤੱਕ ਦੱਬ ਕੇ ਰੱਖਿਆ, ਜਿਸ ਦੌਰਾਨ ਪੀੜਤ ਵਾਰ-ਵਾਰ ਕਹਿੰਦਾ ਰਿਹਾ ਕਿ ਉਸ ਨੂੰ ਸਾਹ ਨਹੀਂ ਆ ਰਿਹਾ ਹੈ।
ਪੀੜਤ ਨੇ ਦਮ ਤੋੜ ਦਿੱਤਾ ਸੀ। ਮਾਮਲੇ ਸੰਬੰਧੀ 4 ਅਫ਼ਸਰਾਂ ਨੂੰ ਫੋਰਸ ਤੋਂ ਕੱਢ ਦਿੱਤਾ ਗਿਆ ਸੀ, ਅਤੇ ਬਾਅਦ ਵਿੱਚ ਪ੍ਰਦਰਸ਼ਨਾਂ ਤੋਂ ਬਾਅਦ ਇਨ੍ਹਾਂ ਵਿੱਚੋਂ ਇੱਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
