15.9C Vancouver 15.9C VancouverMay 29, 2020 8:31 PM -
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਦੇਸ਼ ਦੀ ਜੀ.ਡੀ.ਪੀ. (ਗ੍ਰਾਸ ਡੋਮੈਸਟਿਕ ਪ੍ਰੋਡਕਟ) 'ਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਤਾਜ਼ਾ ਅੰਕੜੇ ਸਾਲ 2009 ਤੋਂ ਹੁਣ ਤੱਕ ਦੇ ਸਭ ਤੋਂ ਵੱਡੀ ਗਿਰਾਵਟ ਦਰਜ ਕਰਨ ਵਾਲੇ ਦੱਸੇ ਗਏ ਹਨ।
ਸਾਲ ਦੇ ਪਹਿਲੇ ਕੁਆਟਰ ਦੇ ਅੰਕੜੇ ਸਾਂਝੇ ਕੀਤੇ ਗਏ ਹਨ। ਕੋਵਿਡ-19 ਪੈਂਡੇਮਿਕ ਦਰਮਿਆਨ ਦੇਸ਼ ਦੇ ਬਹੁਤੇ ਵਪਾਰਾਂ ਦੇ ਦਰਵਾਜ਼ੇ ਬੰਦ ਕਰ ਦਿੱਤੇ ਗਏ ਸਨ।
ਵੱਡੀ ਗਿਣਤੀ 'ਚ ਵਰਕਰਾਂ ਨੂੰ ਵੀ ਲੇਆਫ ਕੀਤਾ ਗਿਆ ਸੀ। ਸਾਲ ਦੇ ਪਹਿਲੇ ਤਿੰਨ ਮਹੀਨਿਆਂ ਦਰਮਿਆਨ, ਇਕਾਨਮੀ 'ਚ ਸਾਲਾਨਾ 8.2% ਦੀ ਦਰ 'ਤੇ ਗਿਰਾਵਟ ਦਰਜ ਕੀਤੀ ਗਈ ਹੈ।
ਮਾਰਚ ਮਹੀਨੇ 'ਚ ਜੀ.ਡੀ.ਪੀ. 'ਚ 7.2% ਦੀ ਦਰ 'ਤੇ ਗਿਰਾਵਟ ਦਰਜ ਕੀਤੀ ਗਈ ਸੀ।
ਹਾਲਾਂਕਿ ਬੀ.ਐਮ.ਓ. ਚੀਫ ਇਕਾਨਮਿਸਟ, ਡਗਲਸ ਪੋਰਟਰ ਦਾ ਕਹਿਣਾ ਹੈ ਕਿ ਆਸਾਰ ਹਨ ਕਿ ਇਹ ਅੰਕੜੇ ਕੋਵਿਡ-19 ਦਰਮਿਆਨ ਦੇ ਦੇਸ਼ ਦੇ ਹਰ ਨਾਗਰਿਕ ਦੇ ਤਜਰਬੇ ਸਾਂਝੇ ਨਹੀਂ ਕਰਦੇ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਆਉਂਦੇ ਅੰਕੜੇ ਇਸ ਤੋਂ ਵੀ ਵਧੇਰੇ ਨਿਰਾਸ਼ਾਜਨਕ ਰਹਿ ਸਕਦੇ ਹਨ, ਜਦ ਪੈਂਡੇਮਿਕ ਦੇ ਹੋਰ ਗੰਭੀਰ ਨਤੀਜੇ ਸਾਹਮਣੇ ਆਉਣੇ ਸ਼ੁਰੂ ਹੋ ਜਾਣਗੇ।
