6.74C Vancouver 6.74C VancouverMar 5, 2020 7:24 PM -
ਟਰਾਂਸ ਮਾਊਨਟੇਨ ਪਾਈਪਲਾਈਨ ਦੇ ਵਿਸਤਾਰ ਦੇ ਰਸਤੇ ਵਿੱਚੋਂ ਇੱਕ ਹੋਰ ਕਾਨੂੰਨੀ ਰੁਕਾਵਟ ਹੱਟ ਗਈ ਹੈ।
ਸੁਪਰੀਮ ਕੋਰਟ ਆਫ ਕੈਨੇਡਾ ਨੇ ਪਾਈਪਲਾਈਨ ਦੇ ਵਿਸਤਾਰ ਦੇ ਸਿਲਸਿਲੇ ਵਿੱਚ ਬ੍ਰਿਟਿਸ਼ ਕੋਲੰਬੀਆ ਦੀਆਂ ਵਾਤਾਵਰਣ ਅਤੇ ਇੰਡੀਜੀਨਸ ਸੰਸਥਾਵਾਂ ਵੱਲੋਂ ਦਿੱਤੀਆਂ ਪੰਜ ਚੁਣੌਤੀਆਂ ਨੂੰ ਸੁਣਨ ਤੋਂ ਇਨਕਾਰ ਕਰ ਦਿੱਤਾ ਹੈ।
ਇਨ੍ਹਾਂ ਵਿੱਚੋਂ ਪਾਈਪਲਾਈਨ ਦਾ ਵਿਰੋਧ ਕਰ ਰਹੀਆਂ ਕੁਝ ਸੰਸਥਾਵਾਂ ਦਾ ਕਹਿਣਾ ਸੀ ਕਿ ਜੂਨ 2019 ਵਿੱਚ ਪਾਈਪਲਾਈਨ ਦੇ ਵਿਸਤਾਰ ਨੂੰ ਹਰੀ ਝੰਡੀ ਦੇਣ ਤੋਂ ਪਹਿਲਾਂ ਲਿਬਰਲ ਕੈਬਨਿਟ ਨੇ ਇਸ ਦੇ ਜਨ ਜੀਵਨ ਉੱਤੇ ਹੋਣ ਵਾਲੇ ਪ੍ਰਭਾਵ ਨੂੰ ਨਜ਼ਰਅੰਦਾਜ਼ ਕੀਤਾ ਅਤੇ ਇੰਡੀਜੀਨਸ ਲੋਕਾਂ ਦੇ ਨਾਲ ਇਸ ਸਬੰਧ ਵਿੱਚ ਵਿਚਾਰ ਮਸ਼ਵਰਾ ਨਹੀਂ ਕੀਤਾ ਗਿਆ।
ਫੈਡਰਲ ਕੋਰਟ ਆਫ ਅਪੀਲ ਵੱਲੋਂ ਪਿਛਲੇ ਮਹੀਨੇ ਇੰਡੀਜੀਨਸ ਭਾਈਚਾਰਿਆਂ ਦੀ ਉਸ ਅਪੀਲ ਨੂੰ ਨਾਂਮਨਜ਼ੂਰ ਕਰ ਦਿੱਤਾ ਸੀ ਜਿਸ ਵਿੱਚ ਉਨ੍ਹਾਂ ਵੱਲੋਂ ਸਰਕਾਰ ਉੱਤੇ ਫਰਸਟ ਨੇਸ਼ਨਜ਼ ਨਾਲ ਵਿਚਾਰ ਮਸ਼ਵਰੇ ਨਾ ਕਰਨ ਦਾ ਇਲਜ਼ਾਮ ਲਾਇਆ ਗਿਆ ਸੀ।
ਅਦਾਲਤ ਨੇ ਆਪਣੇ ਫੈਸਲੇ ਦੇ ਕਾਰਨ ਸਾਂਝੇ ਨਹੀਂ ਕੀਤੇ।
