27.4C Vancouver 27.4C VancouverApr 16, 2026 6:22 PM - Connect Newsroom - Ramandeep Kaur
ਸਰੀ ਵਿਚ ਇੱਕ ਟ੍ਰੈਫਿਕ ਸਟੌਪ ਦੌਰਾਨ ਕੰਬਾਈਨ ਫੋਰਸ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਦੀ ਟੀਮ ਨੇ ਫੈਂਟਾਨਿਲ, ਕੋਕੀਨ ਅਤੇ ਮੇਥਾਮਫੇਟਾਮਾਈਨ ਸਮੇਤ 3.5 ਕਿਲੋਗ੍ਰਾਮ ਨਸ਼ਾ ਬਰਾਮਦ ਕਰਨ ਦੇ ਮਾਮਲੇ ਵਿਚ ਹਾਲ ਹੀ ਵਿਚ ਇੱਕ ਇੰਟਰਨੈਸ਼ਨਲ ਸਟੂਡੈਂਟ ਸਮੇਤ ਦੋ ਲੋਕਾਂ ਨੂੰ ਗ੍ਰਿਫਤਾਰ ਕਰਨ ਦੀ ਕਾਰਵਾਈ ਕੀਤੀ ਹੈ।
CFSEU ਦੀ ਸਾਰਜੈਂਟ ਸਰਬਜੀਤ ਕੌਰ ਸੰਘਾ ਮੁਤਾਬਕ, ਸਰੀ ਵਿਚ 24 ਮਾਰਚ, 2026 ਨੂੰ ਔਫੀਸਰ ਵਲੋਂ ਇੱਕ proactive traffic stop conduct ਕੀਤਾ ਗਿਆ ਸੀ, ਇਸ ਦੌਰਾਨ ਦੋ ਲੋਕ ਗ੍ਰਿਫਤਾਰ ਕੀਤੇ ਗਏ, ਜਿਹਨਾਂ ਇੱਕ ਆਪਣੇ ਸਟੱਡੀ ਪਰਮਿਟ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕਰਦਾ ਪਾਇਆ ਗਿਆ, ਜੋ ਹੁਣ ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਦੇ ਇਮੀਗ੍ਰੇਸ਼ਨ ਹੋਲਡਿੰਗ ਸੈਂਟਰ ਵਿਚ ਹਿਰਾਸਤ ਵਿਚ ਹੈ।
ਉਥੇ ਹੀ, ਦੂਜੇ ਵਿਅਕਤੀ ਨੂੰ ਸਪੀਡਿੰਡ ਲਈ ਟਿਕਟ ਦਿੱਤੀ ਗਈ ਅਤੇ ਉਸ ਦੇ ਡਰਾਈਵਿੰਗ 'ਤੇ ਸੱਤ ਮਹੀਨਿਆਂ ਦੀ ਪਾਬੰਦੀ ਲਗਾਈ ਗਈ ਹੈ। ਸਾਰਜੈਂਟ ਸਰਬਜੀਤ ਸੰਘਾ ਮੁਤਾਬਕ, ਇਸ ਮਾਮਲੇ ਦੀ ਜਾਂਚ ਅਜੇ ਵੀ ਜਾਰੀ ਹੈ ਅਤੇ ਜਲਦੀ ਹੀ ਚਾਰਜਿਜ਼ ਲਗਾਏ ਜਾਣ ਦੀ ਉਮੀਦ ਹੈ।
