15.33C Vancouver 15.33C VancouverJun 15, 2022 9:46 PM - Connect News
ਵੈਨਕੂਵਰ 'ਚ ਇੱਕ ਟਿਮ ਹੌਰਟਨਸ ਰੈਸਟੂਰੈਂਟ ਵਿੱਚ ਵਾਪਰੀ ਚਾਕੂ ਨਾਲ ਹਮਲੇ ਦੀ ਵਾਰਦਾਤ 'ਚ ਦੋਸ਼ੀ ਨੂੰ ਸਜਾ ਸੁਣਾਈ ਗਈ ਹੈ।
ਪੂਰੀ ਵਾਰਦਾਤ ਕੈਮਰੇ 'ਚ ਕੈਦ ਹੋ ਗਈ ਸੀ।
ਇਸ ਮਾਮਲੇ 'ਚ 28 ਸਾਲਾ ਡੇਵਿਡ ਰਿਚਰਡ ਮੌਰਿਨ ਨੇ ਦੋਸ਼ ਕਬੂਲੇ ਹਨ।
ਬੁੱਧਵਾਰ ਨੂੰ ਦੋਸ਼ੀ ਨੂੰ 3 ਸਾਲ ਦੀ ਕੈਦ ਦੀ ਸਜਾ ਸੁਣਾਈ ਗਈ।
ਇਸ ਵਿਅਕਤੀ 'ਤੇ ਐਗਰਾਵੇਟਿਡ ਅਸਾਲਟ 'ਤੇ ਦੋਸ਼ ਲੱਗੇ ਸਨ।
ਹਾਰਬਰ ਸੈਂਟਰ ਮੌਲ ਕੋਲ ਸਥਿਤ ਕੌਫੀ ਸਟੋਰ 'ਤੇ ਇੱਕ ਆਦਮੀ 'ਤੇ ਹਮਲਾ ਕਰ ਦਿੱਤਾ ਗਿਆ ਸੀ।
22 ਜਨਵਰੀ ਨੂੰ ਵਾਪਰੀ ਵਾਰਦਾਤ ਦਾ ਵੀਡੀਓ ਵੀ ਜਾਰੀ ਕੀਤਾ ਗਿਆ ਸੀ ਅਤੇ ਪੁਲਿਸ ਅਨੁਸਾਰ ਇਹ ਹਮਲਾ ਅਚਾਨਕ ਕਰ ਦਿੱਤਾ ਗਿਆ ਸੀ।
ਹਮਲੇ ਮੌਕੇ ਪੀੜਤ ਦੀ ਹਮਲਾਵਰ ਵੱਲ ਪਿੱਠ ਸੀ ਅਤੇ ਉਹ ਆਪਣਾ ਬਚਾਅ ਕਰਨ 'ਚ ਅਸਮਰੱਥ ਸੀ।
ਘਟਨਾ ਦਾ ਵੀਡੀਓ ਜਾਰੀ ਹੋਣ ਮੌਕੇ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ ਅਤੇ ਵੈਬਸਾਈਟ 'ਤੇ ਵੀ ਵੀਡੀਓ ਅਤੇ ਖਬਰ ਸਾਂਝੀ ਕੀਤੀ ਗਈ ਸੀ।
