27.77C Vancouver 27.77C VancouverJun 2, 2020 3:37 PM -
ਅਮਰੀਕਾ ਦੇ ਵੱਖ ਵੱਖ ਸ਼ਹਿਰਾਂ ਵਿੱਚ ਰੋਸ ਦਾ ਪ੍ਰਗਟਾਵਾ ਕਰ ਰਹੇ ਮੁਜ਼ਾਹਰਾਕਾਰੀਆਂ ਵੱਲੋਂ ਹਿੰਸਾ ਅਤੇ ਤੋੜ ਭੰਨ ਦਾ ਸਿਲਸਿਲਾ ਸੱਤਵੇਂ ਦਿਨ ਵੀ ਜਾਰੀ ਰਿਹਾ ਜਿਸ ਦੌਰਾਨ ਕਈ ਪੁਲੀਸ ਅਫਸਰ ਵੀ ਗੋਲੀ ਦਾ ਨਿਸ਼ਾਨਾ ਬਣੇ।
ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਪ੍ਰਦਰਸ਼ਨਕਾਰੀਆਂ ਖਿਲਾਫ਼ ਮਿਲਟਰੀ ਦੀ ਵਰਤੋਂ ਦੀ ਧਮਕੀ ਦਿੱਤੀ ਜਾ ਰਹੀ ਹੈ।
ਜੌਰਜ ਫਲੌਇਡ ਦੀ ਮਿੰਨੀਐੱਪਲਸ ਵਿਖੇ ਪੁਲਿਸ ਦੀ ਹਿਰਾਸਤ ਵਿੱਚ ਹੋਈ ਮੌਤ ਦੇ ਵਿਰੋਧ ਵਿੱਚ ਦੇਸ਼ ਭਰ ਵਿੱਚ ਰੋਸ ਮੁਜ਼ਾਹਰੇ ਹੋ ਰਹੇ ਹਨ, ਜਿਸ ਦੌਰਾਨ 5,600 ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲਿਆ ਜਾ ਚੁੱਕਿਆ ਹੈ ਅਤੇ 9 ਵਿਅਕਤੀ ਮਾਰੇ ਗਏ ਹਨ।
ਟਰੰਪ ਮੁਤਾਬਕ ਜੇ ਵੱਖ ਵੱਖ ਰਾਜਾਂ ਨੇ ਮੁਜ਼ਾਹਰਿਆਂ ਉੱਤੇ ਕਾਬੂ ਨਹੀਂ ਪਾਇਆ ਤਾਂ ਮਿਲਟਰੀ ਬੁਲਾਈ ਜਾਵੇਗੀ।
ਟਰੰਪ ਨੇ ਕੱਲ੍ਹ ਕਿਹਾ ਕਿ ਉਨ੍ਹਾਂ ਨੇ ਵੱਖ ਵੱਖ ਰਾਜਾਂ ਦੇ ਗਵਰਨਰਾਂ ਨੂੰ ਨੈਸ਼ਨਲ ਗਾਰਡ ਦਾ ਸਹਿਯੋਗ ਲੈਣ ਦੀ ਸਿਫਾਰਿਸ਼ ਕੀਤੀ ਹੈ।
ਰਾਸ਼ਟਰਪਤੀ ਮੁਤਾਬਕ ਜੇ ਗਵਰਨਰ ਸਥਿਤੀ ਉੱਤੇ ਕਾਬੂ ਪਾਉਣ ਵਿੱਚ ਅਸਮਰਥ ਹੁੰਦੇ ਹਨ ਤਾਂ ਯੂਨਾਈਟਿਡ ਸਟੇਟਸ ਮਿਲਟਰੀ ਤੈਨਾਤ ਕਰਨ ਨਾਲ ਇਸ ਸਮਸਿਆ ਦਾ ਹੱਲ ਜਲਦੀ ਮਿਲ ਸਕਦਾ ਹੈ।
