9.74C Vancouver 9.74C VancouverSep 26, 2025 1:06 PM - The Associated Press
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ 1 ਅਕਤੂਬਰ ਤੋਂ ਕਈ ਸ਼੍ਰੇਣੀਆਂ ਦੇ ਸਾਮਾਨਾਂ 'ਤੇ ਨਵੇਂ ਟੈਰਿਫ ਦਾ ਐਲਾਨ ਕੀਤਾ, ਜੋ ਕੈਨੇਡਾ ਅਤੇ ਭਾਰਤ ਵਰਗੇ ਦੇਸ਼ਾਂ ਤੋਂ ਇੰਪੋਰਟ ਨੂੰ ਪ੍ਰਭਾਵਿਤ ਕਰਨਗੇ। ਟਰੰਪ ਵਲੋਂ ਬ੍ਰਾਂਡਡ ਅਤੇ ਪੇਟੈਂਟ ਦਵਾਈਆਂ 'ਤੇ 100 ਫੀਸਦੀ ਟੈਰਿਫ ਲਗਾਇਆ ਗਿਆ ਹੈ, ਇਹ ਟੈਰਿਫ ਉਨ੍ਹਾਂ ਕੰਪਨੀਆਂ 'ਤੇ ਨਹੀਂ ਲਗਾਇਆ ਜਾਵੇਗਾ ਜੋ ਅਮਰੀਕਾ ਵਿਚ ਹੀ ਦਵਾਈਆਂ ਬਣਾਉਣ ਲਈ ਆਪਣੇ ਪਲਾਂਟ ਲਗਾ ਰਹੀਆਂ ਹਨ।
ਇਸ ਤੋਂ ਇਲਾਵਾ ਰਸੋਈ ਦੀਆਂ ਕੈਬਿਨੇਟਾਂ ਅਤੇ ਬਾਥਰੂਮ ਦੀਆਂ ਵੈਨਿਟੀਜ਼ 'ਤੇ 50 ਫੀਸਦੀ ਅਤੇ ਅਪਹੋਲਸਟਰਡ ਫਰਨੀਚਰ 30 ਫੀਸਦੀ ਟੈਰਿਫ ਲਗਾਇਆ ਗਿਆ ਹੈ। ਬੁੱਧਵਾਰ ਤੋਂ ਭਾਰੀ ਟਰੱਕਾਂ 'ਤੇ ਵੀ 25 ਫੀਸਦੀ ਟੈਰਿਫ ਲੱਗੇਗਾ।
ਵਾਧੂ ਟੈਰਿਫ ਨਾਲ ਅਮਰੀਕਾ ਵਿਚ ਮਹਿੰਗਾਈ ਹੋਰ ਵਧਣ ਦਾ ਦਾ ਜੋਖਮ ਹੈ, ਜਿਸ ਦੇ ਨਾਲ ਹੀ ਆਰਥਿਕਤਾ ਦੀ ਰਫ਼ਤਾਰ ਵੀ ਸਲੌ ਹੋ ਸਕਦੀ ਹੈ। ਫੈਡਰਲ ਰਿਜ਼ਰਵ ਗਵਰਨਰ ਜੇਰੋਮ ਪਾਵੇਲ ਨੇ ਹਾਲ ਹੀ ਵਿਚ ਇੱਕ ਪ੍ਰੈੱਸ ਕਾਨਫਰੰਸ ਵਿਚ ਇਹ ਚਿਤਾਵਨੀ ਦਿੱਤੀ ਸੀ,ਉਨ੍ਹਾਂ ਦਾ ਕਹਿਣਾ ਸੀ ਕਿ ਅਸੀਂ ਵਸਤੂਆਂ ਦੀਆਂ ਕੀਮਤਾਂ ਨੂੰ ਉੱਚ ਮਹਿੰਗਾਈ ਵਿਚ ਬਦਲਦੇ ਦੇਖਣਾ ਸ਼ੁਰੂ ਕਰ ਦਿੱਤਾ ਹੈ।
