15.85C Vancouver 15.85C VancouverOct 30, 2020 12:26 AM -
ਫਰਾਂਸ 'ਚ ਅੱਜ ਵਾਪਰੇ ਜਾਨਲੇਵਾ ਅੱਤਵਾਦੀ ਹਮਲੇ 'ਚ ਹਮਲਾਵਰ ਦੀ ਪਛਾਣ ਸਾਂਝੀ ਕੀਤੀ ਗਈ ਹੈ।
ਇਸ ਹਮਲੇ ਪਿੱਛੇ ਇੱਕ ਯੁਵਾ ਟੁਨੀਸ਼ਿਅਨ ਵਿਅਕਤੀ ਨੂੰ ਜ਼ਿੰਮੇਵਾਰ ਦੱਸਿਆ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਹੈ ਕਿ ਹਮਲਾਵਰ ਨੇ ਜਦ ਘਟਨਾ ਨੂੰ ਅੰਜਾਮ ਦਿੱਤਾ ਤਾਂ ਉਸ ਨੇ ਹੱਥ 'ਚ ਇੱਕ ਧਾਰਮਿਕ ਗ੍ਰੰਥ ਦੀ ਕਾਪੀ ਫੜੀ ਹੋਈ ਸੀ।
ਹਮਲਾਵਰ ਪੁਲਿਸ ਦੀ ਕਾਰਵਾਈ 'ਚ ਗੰਭੀਰ ਜ਼ਖਮੀ ਹੋਇਆ ਦੱਸਿਆ ਗਿਆ ਹੈ।
ਫਰਾਂਸ ਦੇ ਸ਼ਹਿਰ ਨੀਸ 'ਚ ਇੱਕ ਚਰਚ ਵਿੱਚ ਚਾਕੂ ਨਾਲ ਕੀਤੇ ਗਏ ਹਮਲੇ 'ਚ ਇੱਕ ਵਿਅਕਤੀ ਨੇ ਤਿੰਨ ਲੋਕਾਂ ਦਾ ਕਤਲ ਕਰ ਦਿੱਤਾ।
ਵੀਰਵਾਰ ਦੇ ਇਸ ਹਮਲੇ ਤੋਂ ਬਾਅਦ ਸਰਕਾਰ ਨੇ ਫਰਾਂਸ 'ਚ 'ਐਲਰਟ ਸਟੇਟਸ' ਨੂੰ ਸਭ ਤੋਂ ਉੱਚੇ ਪੱਧਰ 'ਤੇ ਰੱਖ ਦਿੱਤਾ ਹੈ।
ਇਸ ਤੋਂ ਕੁਝ ਸਮੇਂ ਬਾਅਦ, ਫਰਾਂਸ 'ਚ ਕੋਰੋਨਾ ਵਾਇਰਸ ਕਾਰਨ ਲੌਕਡਾਊਨ ਵੀ ਐਲਾਨ ਦਿੱਤਾ ਗਿਆ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮੁਸਲਿਮ ਕੱਟੜਪੰਥੀਆਂ ਵੱਲੋਂ ਬੀਤੇ ਫਰਾਂਸ 'ਚ ਬੀਤੇ ਦੋ ਮਹੀਨਿਆਂ 'ਚ ਕੀਤਾ ਗਿਆ ਇਹ ਤੀਜਾ ਹਮਲਾ ਹੈ।
ਕੁਝ ਦਿਨ ਪਹਿਲਾਂ ਫਰਾਂਸ 'ਚ ਇੱਕ ਅਧਿਆਪਕ ਦੀ ਗਰਦਨ ਵੱਢ ਦਿੱਤੀ ਗਈ ਸੀ।
ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੂਅਲ ਮੈਕਰੌਨ ਦਾ ਕਹਿਣਾ ਹੈ ਕਿ ਤੁਰੰਤ ਪ੍ਰਭਾਵ ਨਾਲ ਸਕੂਲਾਂ ਅਤੇ ਧਾਰਮਿਕ ਥਾਵਾਂ 'ਤੇ ਸਿਪਾਹੀਆਂ ਦੀ ਗਿਣਤੀ ਨੂੰ 3,000 ਤੋਂ 7,000 'ਤੇ ਪਹੁੰਚਾਇਆ ਜਾ ਰਿਹਾ ਹੈ।
ਇੱਕ ਅਖਬਾਰ ਦੇ ਵਿੱਚ ਪ੍ਰੌਫਿਟ ਮੁਹੰਮਦ ਦੇ ਕੁਝ ਕੈਰੀਕੇਚਰ, ਰੀਪਬਲਿਸ਼ ਕੀਤੇ ਜਾਣ ਤੋਂ ਬਾਅਦ, ਬੀਤੇ ਕੁਝ ਮਹੀਨਿਆਂ 'ਚ ਇਸ ਸੰਬੰਧੀ ਗੁੱਸੇ 'ਚ ਵਾਧਾ ਹੋਇਆ ਹੈ।
