ਅਮਰੀਕਾ ਦੇ ਰੱਖਿਆ ਸਕੱਤਰ ਨੇ ਕਿਹਾ ਕਿ ਇਰਾਕ ਤੋਂ ਫ਼ੌਜਾਂ ਵਾਪਸ ਬੁਲਾਉਣ ਬਾਰੇ ਕੋਈ ਫ਼ੈਸਲਾ ਨਹੀਂ

ਅਮਰੀਕਾ ਦੇ ਰੱਖਿਆ ਸਕੱਤਰ ਮਾਰਕ ਐਸਪਰ ਨੇ ਕਿਹਾ ਹੈ ਕਿ ਇਰਾਕ ਦੇ ਗੁਆਂਢੀ ਮੁਲਕ ਇਰਾਨ ਨਾਲ ਵਧੇ ਹੋਏ ਤਣਾਅ ਦੇ ਚਲਦੇ ਅਮਰੀਕਾ ਨੇ ਇਰਾਕ ਤੋਂ ਆਪਣੀਆਂ ਫ਼ੌਜਾਂ ਕੱਢਣ ਬਾਰੇ “ਕੋਈ ਫ਼ੈਸਲਾ ਨਹੀਂ ਕੀਤਾ” ਹੈ।

ਇਸ ਤੋਂ ਪਹਿਲਾਂ ਅਮਰੀਕੀ ਫ਼ੌਜ ਦੇ ਜਰਨੈਲ ਦੀ ਇੱਕ ਚਿੱਠੀ ਸਾਹਮਣੇ ਆਈ ਸੀ ਜਿਸ ਵਿੱਚ ਅਜਿਹੇ ਸੰਕੇਤ ਸਨ ਕਿ ਬੀਤੇ ਵੀਕਐਂਡ ਇਰਾਕ ਦੀ ਸੰਸਦ ਵਿੱਚ ਅਮਰੀਕੀ ਫ਼ੌਜਾਂ ਬਾਰੇ ਪਾਸ ਕੀਤੇ ਮਤੇ ਕਾਰਣ ਅਮਰੀਕੀ ਫ਼ੌਜਾਂ ਨੂੰ ਇਰਾਕ ਵਿੱਚੋਂ ਨਿਕਲਣ ਦੇ ਹੁਕਮ ਦੇ ਦਿੱਤੇ ਗਏ ਹਨ।

ਐਸਪਰ ਨੇ ਕਿਹਾ, “ਇਰਾਕ ਛੱਡਣ ਬਾਰੇ ਕਿਸੇ ਤਰ੍ਹਾਂ ਦਾ ਕੋਈ ਵੀ ਫ਼ੈਸਲਾ ਨਹੀਂ ਕੀਤਾ ਗਿਆ ਹੈ।”