14.83C Vancouver 14.83C VancouverJul 9, 2026 2:41 PM - Connect Newsroom - Ramandeep Kaur with files from The Canadian Press
ਵੈਨਕੂਵਰ ਪੁਲਿਸ ਨੇ ਇੱਕ ਬਜ਼ੁਰਗ ਮਹਿਲਾ ਨਾਲ ਹੋਈ ਡਿਸਟ੍ਰੈਕਸ਼ਨ ਚੋਰੀ ਦੀ ਘਟਨਾ ਦੇ ਸਬੰਧ ਵਿਚ ਜਾਂਚ ਲਈ ਇੱਕ ਗ੍ਰੇਅ ਰੰਗ ਦੀ ਟੇਸਲਾ ਕਾਰ ਦੀ ਫੁਟੇਜ ਜਾਰੀ ਕੀਤੀ ਹੈ।ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ 23 ਜੂਨ ਨੂੰ ਹੋਈ ਇਸ ਟਾਰਗੇਟਡ ਘਟਨਾ ਦੀ ਟੇਸਲਾ ਨੇ ਵੀਡੀਓ ਰਿਕਾਰਡ ਕੀਤੀ ਹੋ ਸਕਦੀ ਹੈ।
ਪੁਲਿਸ ਅਨੁਸਾਰ, ਇਹ ਘਟਨਾ ਦੁਪਹਿਰ 12:30 ਤੋਂ 1:30 ਵਜੇ ਵਿਚਕਾਰ ਲਿਲੂਟ ਸਟ੍ਰੀਟ ਦੇ 500-ਬਲੌਕ ਵਿਚ ਵਾਪਰੀ ਸੀ, ਜਿੱਥੇ ਇੱਕ 73 ਸਾਲਾ ਬਜ਼ੁਰਗ ਮਹਿਲਾ ਦਾ ਧਿਆਨ ਭਟਕਾ ਕੇ ਉਸ ਦਾ ਕੀਮਤੀ ਹਾਰ ਚੋਰੀ ਕਰ ਲਿਆ ਗਿਆ। ਪੁਲਿਸ ਦਾ ਮੰਨਣਾ ਹੈ ਕਿ ਉਸ ਸਮੇਂ ਉੱਥੇ ਮੌਜੂਦ ਟੈਸਲਾ ਕਾਰ ਦੇ ਕੈਮਰਿਆਂ ਵਿਚ ਇਸ ਘਟਨਾ ਦੀ ਮਹੱਤਵਪੂਰਨ ਫੁਟੇਜ ਰਿਕਾਰਡ ਹੋਈ ਹੋ ਸਕਦੀ ਹੈ ਅਤੇ ਕਾਰ ਡਰਾਈਵਰ ਖੁਦ ਵੀ ਇਸ ਦਾ ਗਵਾਹ ਹੋ ਸਕਦਾ ਹੈ।
ਕਾਂਸਟੇਬਲ ਮੇਗਨ ਲੂਈ ਨੇ ਦੱਸਿਆ ਕਿ ਹਾਲ ਹੀ ਦੇ ਮਹੀਨਿਆਂ ਵਿਚ ਬਜ਼ੁਰਗਾਂ ਨੂੰ ਨਿਸ਼ਾਨਾ ਬਣਾ ਕੇ ਉਨ੍ਹਾਂ ਦੇ ਪਰਿਵਾਰਕ ਗਹਿਣੇ ਚੋਰੀ ਕਰਨ ਦੇ ਕਈ ਮਾਮਲੇ ਸਾਹਮਣੇ ਆਏ ਹਨ ਅਤੇ ਪੁਲਿਸ ਇਸ ਮਾਮਲੇ ਦੇ ਸ਼ੱਕੀਆਂ ਤੱਕ ਪਹੁੰਚਣ ਲਈ ਕੰਮ ਕਰ ਰਹੀ ਹੈ।
