10.28C Vancouver 10.28C VancouverFeb 24, 2020 5:28 PM -
ਕੋਵਿੱਡ-19 ਵਾਇਰਸ ਹੁਣ ਚੀਨ ਤੋਂ ਬਾਹਰ, ਯੂਰੋਪ ਅਤੇ ਮਿਡਲ ਈਸਟ ਵਿੱਚ ਵੀ ਫੈਲਦਾ ਨਜ਼ਰ ਆ ਰਿਹਾ ਹੈ।
ਇਟਲੀ ਦੇ ਵਿੱਚ ਵਾਇਰਸ ਦੇ ਡਰ ਨਾਲ ਸੜਕਾਂ ਤੇ ਨਾਕੇ ਲਾਏ ਗਏ ਹਨ, ਕਈ ਸਾਕਰ ਮੈਚ ਰੱਦ ਕਰ ਦਿੱਤੇ ਗਏ ਹਨ ਅਤੇ ਪਬਲਿਕ ਵਾਸਤੇ ਵੱਡਾ ਆਕਰਸ਼ਣ ਬਣਦੀਆਂ ਥਾਵਾਂ ਨੂੰ ਵੀ ਬੰਦ ਕਰ ਦਿੱਤਾ ਗਿਆ ਹੈ।
ਅਧਿਕਾਰੀਆਂ ਮੁਤਾਬਕ ਵਾਇਰਸ ਨਾਲ ਇਟਲੀ ਵਿੱਚ 219 ਵਿਅਕਤੀ ਪੀੜਤ ਹਨ ਅਤੇ 5 ਜਾਨਾਂ ਜਾ ਚੁੱਕੀਆਂ ਹਨ।
ਇਰਾਨ ਵਿੱਚ ਵੀ ਵਾਇਰਸ ਦੇ ਦਰਜਨਾਂ ਕੇਸ ਉਭਰ ਕੇ ਸਾਹਮਣੇ ਆਏ ਹੈ ਅਤੇ ਇਸ ਦੇ ਇਰਾਕ, ਕੁਵੈਤ, ਬਾਹਰੇਨ ਅਤੇ ਅਫ਼ਗਾਨਿਸਤਾਨ ਵਿੱਚ ਵੀ ਫੈਲਣ ਦਾ ਅੰਦਾਜ਼ਾ ਹੈ।
ਦੱਖਣ ਕੋਰੀਆ ਵਿੱਚ ਵੀ 800 ਦੇ ਕਰੀਬ ਵਿਅਕਤੀ ਵਾਇਰਸ ਤੋਂ ਪੀੜਤ ਪਾਏ ਜਾ ਚੁੱਕੇ ਹਨ।
ਵਰਲਡ ਹੈਲਥ ਆਰਗਨਾਈਜ਼ੇਸ਼ਨ ਵੱਲੋਂ ਇਸ ਗੱਲ ਨੂੰ ਲੈ ਕੇ ਚਿੰਤਾ ਜਤਾਈ ਜਾ ਰਹੀ ਹੈ ਕਿ ਇਹ ਵਾਇਰਸ ਕਿੰਨੀ ਤੇਜ਼ੀ ਨਾਲ ਵੱਖ ਵੱਖ ਮੁਲਕਾਂ ਵਿੱਚ ਫੈਲ ਸਕਦਾ ਹੈ।
