21.12C Vancouver 21.12C VancouverJul 27, 2020 3:43 PM -
ਦੁਨੀਆਂ ਦੀ ਸਭ ਤੋਂ ਵੱਡੀ ਕੋਵਿਡ-19 ਵੈਕਸੀਨ ਸਟੱਡੀ ਵਿੱਚ ਨਿਊ ਯੌਰਕ ਦੇ ਬਿੰਗਹੈਮਟਨ ਦੀ ਨਰਸ ਵੀ ਸ਼ਾਮਲ ਹੈ।
ਇਸ ਵੈਕਸੀਨ ਨੂੰ 30,000 ਵੌਲਿਨਟੀਅਰਾਂ ਉੱਤੇ ਅਜ਼ਮਾਇਆ ਜਾਵੇਗਾ ਅਤੇ ਇਸ ਪ੍ਰਕਿਰਿਆ ਦੀ ਸ਼ੁਰੂਆਤ ਸੋਮਵਾਰ ਨੂੰ ਕੀਤੀ ਗਈ।
ਮੈਲਿਸਾ ਹਾਰਟਿੰਗ ਦਾ ਕਹਿਣਾ ਹੈ ਕਿ ਉਸ ਦੇ ਪਰਿਵਾਰ ਦੇ ਕਈ ਮੈਂਬਰ ਫਰੰਟ ਲਾਈਨ ਨੌਕਰੀਆਂ ਵਿੱਚ ਹਨ ਅਤੇ ਉਨ੍ਹਾਂ ਨੂੰ ਵਾਇਰਸ ਹੋਣ ਦਾ ਖਤਰਾ ਹੈ, ਜਿਸ ਵਜ੍ਹਾ ਨਾਲ ਉਸ ਨੇ ਵੈਕਸੀਨ ਨੂੰ ਅਜ਼ਮਾਉਣ ਲਈ ਵੌਲਿਨਟੀਅਰ ਕੀਤਾ।
ਇਸ ਵੈਕਸੀਨ ਨੂੰ ਨੈਸ਼ਨਲ ਇੰਸਟੀਚਿਊਟ ਆਫ ਹੈਲਥ ਅਤੇ ਮੌਡਰਨਾ ਨਾਂ ਦੀ ਡਰੱਗ ਕੰਪਨੀ ਵੱਲੋਂ ਤਿਆਰ ਕੀਤਾ ਗਿਆ ਹੈ।
30,000 ਵਿਅਕਤੀਆਂ ਵਿੱਚੋਂ ਜਿੱਥੇ ਕੁਝ ਨੂੰ ਇਹ ਵੈਕਸੀਨ ਦਿੱਤਾ ਜਾਵੇਗਾ ਉਥੇ ਹੀ ਬਾਕੀਆਂ ਨੂੰ ਇੱਕ ਨਕਲੀ ਸ਼ਾਟ।
ਵਿਗਿਆਨਕ ਇਸ ਚੀਜ਼ ਉੱਤੇ ਨਜ਼ਰ ਰੱਖਣਗੇ ਕਿ ਕਿਹੜੇ ਵਿਅਕਤੀਆਂ ਵਿੱਚ ਕੋਵਿਡ-19 ਦੇ ਵਧੇਰੇ ਇਨਫੈਕਸ਼ਨ ਦੇਖਣ ਨੂੰ ਮਿਲੇ।
ਅਮਰੀਕਾ ਦੀ ਸਰਕਾਰ ਵਲੋਂ ਵਾਇਰਸ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਹੋਈਆਂ ਥਾਵਾਂ 'ਤੇ ਪੱਤਝੜ ਦੌਰਾਨ ਅਜਿਹੇ ਕਈ ਹੋਰ ਪ੍ਰਯੋਗ ਕੀਤੇ ਜਾਣ ਦੀ ਯੋਜਨਾ ਹੈ।
