13.91C Vancouver 13.91C VancouverOct 23, 2020 11:26 PM -
ਵਰਲਡ ਹੈਲਥ ਔਰਗੇਨਾਈਜ਼ੇਸ਼ਨ ਦੇ ਡਾਇਰੈਕਟਰ ਜਨਰਲ, ਟੈਡਰੋ ਘਬਰੇਸਸ ਨੇ ਅੱਜ ਜਿਨੀਵਾ 'ਚ ਇੱਕ ਪ੍ਰੈਸ ਵਾਰਤਾ ਦੌਰਾਨ ਕੋਵਿਡ-19 ਦੇ ਵਧਦੇ ਸੰਕ੍ਰਮਣ ਸੰਬੰਧੀ ਗੱਲਬਾਤ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਕੁਝ ਦੇਸ਼ਾਂ 'ਚ ਵਾਇਰਸ ਸੰਕ੍ਰਮਣ ਦਾ ਖਤਰਾ ਤੇਜ਼ੀ ਨਾਲ ਵਧਣ ਲੱਗਾ ਹੈ।
ਉਨ੍ਹਾਂ ਕਿਹਾ ਕਿ ਅਗਲੇ ਕੁਝ ਮਹੀਨੇ ਬੇਹੱਦ ਮੁਸ਼ਕਿਲ ਭਰੇ ਰਹਿ ਸਕਦੇ ਹਨ, ਅਤੇ ਬਹੁਤ ਸਾਰੇ ਦੇਸ਼ਾਂ 'ਚ ਹਸਪਤਾਲਾਂ ਦੀ ਕਪੈਸਿਟੀ ਤੋਂ ਵਧੇਰੇ ਮਾਮਲੇ ਰਿਪੋਰਟ ਹੋਣ ਲੱਗੇ ਹਨ।
ਡਾਇਰੈਕਟਰ ਜਨਰਲ ਨੇ ਕਿਹਾ ਕਿ ਉਹ ਲੀਡਰਾਂ ਨੂੰ ਬੇਨਤੀ ਕਰਦੇ ਹਨ ਕਿ ਸਥਿਤੀ ਅਨੁਸਾਰ ਜਲਦ ਕਦਮ ਚੁੱਕਣ ਦੀ ਲੋੜ ਹੈ, ਤਾਂ ਜੋ ਸਕੂਲਾਂ ਅਤੇ ਇਕਾਨਮੀ ਨੂੰ ਦੁਬਾਰਾ ਬੰਦ ਹੋਣ ਤੋਂ ਰੋਕਿਆ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਫਰਵਰੀ 'ਚ ਵੀ ਆਖਿਆ ਸੀ, ਤੇ ਹੁਣ ਫਿਰ ਕਹਿ ਰਿਹਾ ਹਾਂ ਕਿ ਇਹ ਕੋਈ ਡ੍ਰਿਲ ਨਹੀਂ ਹੈ, ਤੇ ਸਰਕਾਰਾਂ ਤੇ ਲੋਕਾਂ ਨੂੰ ਇਸ ਨੂੰ ਗੰਭੀਰਤਾ ਨਾਲ ਲੈਣ ਦੀ ਲੋੜ ਹੈ।
ਵਰਲਡ ਹੈਲਥ ਅਰਗੇਨਾਈਜ਼ੇਸ਼ਨ ਤੋਂ ਟੈਕਨਿਕਲ ਲੀਡ ਮਾਰੀਆ ਵੈਨ ਕੈਰਖੋਵ ਦਾ ਕਹਿਣਾ ਹੈ ਕਿ, ਯੂ.ਐਨ. ਹੈਲਥ ਅਜੈਂਸੀ ਨੇ ਬੀਤੇ 24 ਘੰਟਿਆਂ 'ਚ ਵਾਇਰਸ ਸੰਬੰਧੀ 4,45,000 ਮਾਮਲੇ ਰਿਕਾਰਡ ਕੀਤੇ ਹਨ।
ਉਨ੍ਹਾਂ ਕਿਹਾ ਕਿ ਯੂਰੋਪ ਦੇ ਕਈ ਹਸਪਤਾਲਾਂ 'ਚ ਕੁਝ ਹਫ਼ਤਿਆਂ 'ਚ ਆਈ.ਸੀ.ਯੂ. ਦੀ ਕਪੈਸਟੀ ਪੂਰੀ ਹੋ ਜਾਣੀ ਹੈ।
