News

ਪ੍ਰੀਮੀਅਰ ਡੱਗ ਫੋਰਡ ਨੇ ਅਮਰੀਕੀ ਰਾਜਦੂਤ ਪੀਟ ਹੋਇਕਸਟਰਾ ਨੂੰ ਵਾਸ਼ਿੰਗਟਨ ਵਿਚ ਓਨਟਾਰੀਓ ਦੇ ਵਪਾਰ ਪ੍ਰਤੀਨਿਧੀ ਵਜੋਂ ਸੇਵਾ ਨਿਭਾ ਰਹੇ ਡੇਵਿਡ ਪੈਟਰਸਨ ਤੋਂ ਮਾਫੀ ਮੰਗਣ ਲਈ ਕਿਹਾ ਹੈ,ਹੋਇਕਸਟਰਾ ਨੇ ਪ੍ਰਾਂਤ ਦੀ ਅਮਰੀਕਾ ਵਿਚ ਐਂਟੀ ਟੈਰਿਫ ਐਡ ਨੂੰ ਲੈ ਕੇ ਔਟਵਾ ਵਿਚ ਸੋਮਵਾਰ ਨੂੰ ਹੋਏ ਇੱਕ ਵੱਡੇ ਈਵੈਂਟ ਦੌਰਾਨ ਡੇਵਿਡ ਪੈਟਰਸਨ ਨੂੰ ਜਨਤਕ ਤੌਰ 'ਤੇ ਇਤਰਾਜ਼ਯੋਗ ਸ਼ਬਦ ਕਹੇ ਸਨ।

ਪੀ.ਐਮ.ਮਾਰਕ ਕਾਰਨੀ ਅੱਜ ਆਪਣੇ ਏਸ਼ੀਆ ਦੌਰੇ ਦੌਰਾਨ ਸਾਊਥ ਕੋਰੀਆ ਵਿਚ ਰਾਸ਼ਟਰਪਤੀ ਲੀ ਜੇ-ਮਯੁੰਗ ਵਲੋਂ ਰੱਖੇ ਡਿਨਰ ਵਿਚ ਰਾਸ਼ਟਰਪਤੀ ਡੋਨਲਡ ਟਰੰਪ ਨਾਲ ਸ਼ਾਮਲ ਹੋਏ, ਜਿਸ ਦੌਰਾਨ ਵਿਸ਼ਵ ਦੇ ਹੋਰ ਲੀਡਰਸ ਵੀ ਮੌਜੂਦ ਸਨ। ਪ੍ਰਧਾਨ ਮੰਤਰੀ ਕਾਰਨੀ ਨੂੰ ਜਦੋਂ ਪੱਤਰਕਾਰਾਂ ਵਲੋਂ ਪੁੱਛਿਆ ਗਿਆ ਕਿ ਡਿਨਰ ਕਿਵੇਂ ਰਿਹਾ ਤਾਂ ਉਨ੍ਹਾਂ ਦਾ ਕਹਿਣਾ ਸੀ ਕਿ ਬਹੁਤ ਵਧੀਆ ਅਤੇ ਮੇਰੀ ਸਾਰੇ ਪ੍ਰੈਜੀਡੈਨਸ ਨਾਲ ਬਹੁਤ ਵਧੀਆ ਗੱਲਬਾਤ ਹੋਈ।

ਬੀ. ਸੀ. ਨਾਲ ਸਬੰਧਤ ਇੱਕ ਵਿਅਕਤੀ ਨੂੰ ਲਗਭਗ ਤਿੰਨ ਦਹਾਕੇ ਪਹਿਲਾਂ ਓਨਟਾਰੀਓ ਵਿਚ ਨਾਬਾਲਗਾਂ ਨਾਲ ਹੋਈਆਂ ਹਿੰਸਕ ਜਿਨਸੀ ਹਮਲਿਆਂ ਦੀਆਂ ਘਟਨਾਵਾਂ ਦੇ ਸਿਲਸਿਲੇ ਵਿਚ ਗ੍ਰਿਫਤਾਰ ਅਤੇ ਚਾਰਜ ਕੀਤਾ ਗਿਆ ਹੈ। ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਬੁੱਧਵਾਰ ਨੂੰ ਕਿਹਾ ਕਿ ਮੁਲਜ਼ਮ ਬੀ. ਸੀ. ਦੇ ਕੈਂਪਬੈਲ ਰਿਵਰ ਦਾ ਰਹਿਣ ਵਾਲਾ 52 ਸਾਲਾ ਜੇਸਨ ਟਿਮੋਥੀ ਡੇਵਿਡਸਨ ਹੈ, ਜੋ ਹੁਣ 15 ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ, ਜਿਸ ਵਿਚ ਜਿਨਸੀ ਹਮਲੇ, ਕਿਡਨੈਪਿੰਗ, ਜ਼ਬਰਦਸਤੀ ਬੰਧਕ ਬਣਾਉਣਾ ਅਤੇ ਧਮਕੀਆਂ ਦੇਣ ਦੇ ਦੋਸ਼ ਸ਼ਾਮਲ ਹਨ।

ਭਾਰਤ ‘ਚ ਜੋਧਪੁਰ ਕੇਂਦਰੀ ਜੇਲ੍ਹ ਵਿੱਚ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵਿੱਚ ਉਮਰ ਕੈਦ ਦੀ ਸਜ਼ਾ ਕੱਟ ਰਹੇ ਆਸਾਰਾਮ ਬਾਪੂ ਨੂੰ ਰਾਜਸਥਾਨ ਹਾਈ ਕੋਰਟ ਤੋਂ ਵੱਡੀ ਰਾਹਤ ਮਿਲੀ ਹੈ। ਹਾਈ ਕੋਰਟ ਨੇ ਆਸਾਰਾਮ ਬਾਪੂ ਦੀ ਡਾਕਟਰੀ ਇਲਾਜ ਲਈ ਨਿਯਮਤ ਜ਼ਮਾਨਤ ਅਰਜ਼ੀ ਸਵੀਕਾਰ ਕਰ ਲਈ ਹੈ।

ਐਲਬਰਟਾ ਦੇ ਕਰੀਬ 7.40 ਲੱਖ ਤੋਂ ਵੱਧ ਵਿਦਿਆਰਥੀ ਕਰੀਬ 3 ਹਫਤਿਆਂ ਤੋਂ ਬਾਅਦ ਅੱਜ ਸਕੂਲਾਂ ਵਿੱਚ ਵਾਪਸ ਜਾ ਰਹੇ ਹਨ । ਸੋਮਵਾਰ ਸਰਕਾਰ ਨੇ ਕਾਨੂੰਨ ਲਾਗੂ ਕਰ ਕੇ ਅਧਿਆਪਕਾਂ ਦੀ ਹੜਤਾਲ ਖਤਮ ਕਰ ਦਿੱਤੀ ਹੈ। ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਸਰਕਾਰ ਨੇ 6 ਅਕਤੂਬਰ ਤੋਂ ਚੱਲ ਰਹੀ 51,000 ਤੋਂ ਵੱਧ ਅਧਿਆਪਕਾਂ ਦੀ ਹੜਤਾਲ ਨੂੰ ਖਤਮ ਕਰਨ ਲਈ ਸੋਮਵਾਰ ਵਿਧਾਨਸਭਾ ਵਿਚ ਕਾਨੂੰਨ ਲਾਗੂ ਕੀਤਾ।