News

ਸਸਕੈਚਵਨ ਵਿਚ ਆਰ.ਸੀ.ਐਮ.ਪੀ. ਨੇ ਆਪਣੇ-ਆਪ ਨੂੰ 'ਕੈਨੇਡਾ ਦੀ ਰਾਣੀ' ਕਹਿਣ ਵਾਲੀ ਰੋਮਾਨਾ ਡਿਡੂਲੋ ਨੂੰ ਉਸ ਦੇ 16 ਫੋਲੋਅਰਜ਼ ਨਾਲ ਗ੍ਰਿਫ਼ਤਾਰ ਕੀਤਾ ਹੈ। ਡਿਡੂਲੋ ਇੱਕ conspiracy theorist ਹੈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਰਿਚਮੰਡ ਵਿਚ ਬੰਦ ਕੀਤੇ ਗਏ ਇੱਕ ਨਿੱਜੀ ਸਕੂਲ ਦੇ ਅੰਦਰ ਕਿਸੇ ਵਿਅਕਤੀ ਕੋਲ ਗੰਨ ਹੋਣ ਦੀ ਰਿਪੋਰਟ ਮਿਲੀ ਸੀ। ਛਾਪੇਮਾਰੀ ਦੌਰਾਨ ਦਰਜਨ ਤੋਂ ਵੱਧ ਲੋਕਾਂ ਦੀ ਗ੍ਰਿਫਤਾਰੀ ਕੀਤੀ ਗਈ,ਜਿਸ ਵਿਚ 11 ਔਰਤਾਂ ਅਤੇ ਪੰਜ ਆਦਮੀ ਸਨ।

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਉਨ੍ਹਾਂ ਦੇ ਮੰਤਰੀ ਮੰਡਲ ਦੀ ਟੋਰੌਂਟੋ ਵਿਚ ਬੈਠਕ ਦਾ ਅੱਜ ਦੂਜਾ ਦਿਨ ਹੈ। ਕੈਬਨਿਟ ਸੰਸਦ ਦੀ ਵਾਪਸੀ ਦੀ ਤਿਆਰੀ ਦੇ ਰੂਪ ਵਿਚ ਸਨਅਤੀ ਨਿਵੇਸ਼ ਨੂੰ ਵਧਾਉਣ ਦੇ ਤਰੀਕਿਆਂ,ਆਉਣ ਵਾਲੇ ਬਜਟ ਲਈ ਖ਼ਰਚ ਤਰਜੀਹਾਂ ਅਤੇ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੇ ਟੈਰਿਫ ਦਾ ਮੁਕਾਬਲਾ ਕਰਨ ਦੇ ਯਤਨਾਂ 'ਤੇ ਚਰਚਾ ਕਰ ਰਹੀ ਹੈ।

ਉੱਤਰੀ ਵੈਨਕੂਵਰ ਆਈਲੈਂਡ ਦੇ ਕੁਝ ਹਿੱਸਿਆਂ ਵਿਚ 911 ਲੈਂਡਲਾਈਨ ਸਮੇਤ ਫ਼ੋਨ ਸੇਵਾਵਾਂ ਪ੍ਰਭਾਵਿਤ ਹੋਣ ਦੀ ਖ਼ਬਰ ਹੈ। ਟੈਲੀਕਾਮ ਪ੍ਰਦਾਤਾ ਟੇਲਸ ਦਾ ਕਹਿਣਾ ਹੈ ਕਿ ਭੰਨਤੋੜ ਕਾਰਨ ਇਨਫਰਾਸਟਕਚਰ ਨੂੰ ਨੁਕਸਾਨ ਪਹੁੰਚਿਆ ਹੈ, ਜਿਸ ਦੇ ਚੱਲਦੇ ਨਿਵਾਸੀਆਂ ਨੂੰ ਲੈਂਡਲਾਈਨ ਅਤੇ ਸੈਲ ਫੋਨ ਸਰਵਿਸ ਵਿਚ ਪ੍ਰੇਸ਼ਾਨੀ ਹੋ ਰਹੀ ਹੈ।

ਬੀ. ਸੀ. ਦੇ ਕੂਟੇਨੇ ਖੇਤਰ ਵਿਚ ਐਲਬਰਟਾ ਸੀਮਾ ਦੇ ਨੇੜੇ ਮੰਗਲਵਾਰ ਰਾਤ ਇੱਕ ਰੇਲਗੱਡੀ ਦੇ ਕਈ ਡੱਬੇ ਪਟੜੀ ਤੋਂ ਉਤਰ ਗਏ। ਇਸ ਘਟਨਾ ਦੀ ਜਾਂਚ ਫੈਡਰਲ ਜਾਂਚਕਰਤਾਵਾਂ ਵਲੋਂ ਕੀਤੀ ਜਾ ਰਹੀ ਹੈ। ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਐਲਕੋ ਟਾਊਨ ਨੇੜੇ ਹੋਈ ਇਸ ਘਟਨਾ ਦੀ ਇਨਵੈਸਟੀਗੇਸ਼ਨ ਲਈ ਇੱਕ ਟੀਮ ਤਾਇਨਾਤ ਕੀਤੀ ਗਈ ਹੈ, ਜੋ ਇਹ ਜਾਣਕਾਰੀ ਇਕੱਠਾ ਕਰਨਗੇ ਕਿ ਡੱਬੇ ਪਟੜੀ ਤੋਂ ਉਤਰਨ ਦਾ ਕਾਰਨ ਕੀ ਸੀ।

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਕਾਰਨੀ ਸਰਕਾਰ ਨੂੰ ਟੈਂਪਰੇਰੀ ਫੋਰਨ ਵਰਕਰ ਪ੍ਰੋਗਰਾਮ ਨੂੰ ਪੂਰੀ ਤਰ੍ਹਾਂ ਖਤਮ ਕਰਨ ਦੀ ਮੰਗ ਕੀਤੀ ਹੈ। ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਦੇ ਲੀਡਰ ਨੇ ਕਿਹਾ ਕਿ ਕੈਨੇਡੀਅਨ ਜੌਬਸ-ਕੈਨੇਡੀਅਨ ਵਰਕਰਜ਼ ਲਈ ਹੀ ਹੋਣੀਆਂ ਚਾਹੀਦੀਆਂ ਹਨ ਅਤੇ ਕਿਸੇ ਵੀ ਟੈਂਪਰੇਰੀ ਫੋਰਨ ਵਰਕਰ ਨੂੰ ਕੈਨੇਡਾ ਸੱਦਣ ਲਈ ਵੀਜ਼ਾ ਦੇਣਾ ਬੰਦ ਕੀਤਾ ਜਾਵੇਗਾ।ਮਿਸੀਸਾਗਾ ਵਿਚ ਨਿਊਜ਼ ਕਾਨਫਰੰਸ ਦੌਰਾਨ ਪੌਲੀਐਵ ਨੇ ਕਿਹਾ ਕਿ ਟੈਂਪਰੇਰੀ ਫੋਰਨ ਵਰਕਰ ਪ੍ਰੋਗਰਾਮ ਨੇ ਨੌਜਵਾਨ ਕੈਨੇਡੀਅਨ ਲਈ ਕੰਮ ਲੱਭਣਾ ਮੁਸ਼ਕਲ ਬਣਾ ਦਿੱਤਾ ਹੈ।