Entertainment

ਦੇਸ਼-ਵਿਦੇਸ਼ ਦੇ ਦਰਸ਼ਕਾਂ ਨੂੰ ਹਾਸਿਆਂ ਦੇ ਪਿਟਾਰੀ ਨਾਲ ਮੰਤਰ ਮੁਗਦ ਕਰਨ ਵਾਲੇ ਕਪਿਲ ਸ਼ਰਮਾ ਅਤੇ ਉਨ੍ਹਾਂ ਦੀ ਪਤਨੀ ਗਿੰਨੀ ਚਤਰਥ ਹੁਣ ਚਾਹੁਣ ਵਾਲਿਆਂ ਨੂੰ ਪਰੋਸਣਗੇ ਕੌਫੀ ਦੇ ਪਿਆਲੇ। ਇਸ ਜੋੜੀ ਨੇ ਕੈਨੇਡਾ ਦੇ ਸ਼ਹਿਰ ਸਰੀ 'ਚ ਕੈਪਸ ਕੈਫੇ ਨਾਂਮ ਦਾ ਇਕ ਕੌਫੀ ਹਾਊਸ ਖੌਲ੍ਹਿਆ ਹੈ।ਇਸ ਸੰਬੰਧ 'ਚ ਮੀਡੀਆ 'ਤੇ ਕਾਫੀ ਚਰਚੇ ਛਿੜੇ ਹੋਏ ਹਨ, ਜਿਨ੍ਹਾਂ 'ਚ ਨਾ ਸਿਰਫ ਇਸ ਕੈਫੇ ਦੀ ਲਾਜ਼ਾਵਾਬ ਅੰਦਰੂਨੀ ਅਤੇ ਬਾਹਰੀ ਸੁੰਦਰਤਾ ਦੇ ਚਰਚੇ ਹਨ ਸਗੋਂ ਇੱਥੇ ਬਣਨ ਵਾਲੇ ਪਕਵਾਨਾਂ ਬਾਰੇ ਵੀ ਕਾਫੀ ਉਤਸ਼ਾਹ ਅਤੇ ਜੋਸ਼ ਫੈਲਿਆ ਹੋਇਆ ਹੈ।

ਦਿਲਜੀਤ ਦੋਸਾਂਝ ਦੀ ਪੰਜਾਬੀ ਫਿਲਮ ਸਰਦਾਰ ਜੀ 3 ਬਾਰੇ ਛਿੜੇ ਵਿਵਾਦ ਤੋਂ ਬਾਅਦ ਅਜਿਹੀਆਂ ਅਟਕਲਾਂ ਵੀ ਲੱਗ ਰਹੀਆਂ ਸਨ ਕਿ ਸ਼ਾਇਦ ਉਸ ਨੂੰ ਸਨੀ ਦਿਓਲ ਦੀ 'ਬਾਰਡਰ 2' 'ਚੋਂ ਵੀ ਬਾਹਰ ਹੋਣਾ ਪਵੇਗਾ। ਇਸ ਤੋਂ ਬਾਅਦ ਅਜਿਹੀਆਂ ਅਫਵਾਹਾਂ ਵੀ ਸਾਹਮਣੇ ਆਈਆਂ ਸਨ ਕਿ ਸ਼ਾਇਦ ਟੀ-ਸੀਰੀਜ਼ ਵਰਗੀ ਕੰਪਨੀ ਦਿਲਜੀਤ ਨਾਲ ਆਪਣੀ ਸਾਂਝ ਖਤਮ ਕਰ ਦੇਵੇਗੀ।

ਬਾਲੀਵੁੱਡ ਦੇ ਪ੍ਰਸਿੱਧ ਗਾਇਕ ਅਰਿਜੀਤ ਸਿੰਘ ਸਪੋਟੀਫਾਈ 'ਤੇ 151 ਮਿਲੀਅਨ ਤੋਂ ਵੱਧ ਪ੍ਰਸ਼ੰਸਕਾਂ ਕਾਰਨ ਸੰਸਾਰ 'ਚ ਸੋਸ਼ਲ ਮੀਡੀਆ 'ਤੇ ਸਭ ਤੋਂ ਵੱਧ ਫੋਲੋ ਕੀਤਾ ਜਾਣ ਵਾਲਾ ਕਲਾਕਾਰ ਬਣ ਗਿਆ ਹੈ। ਹਾਲ ਹੀ 'ਚ ਵੋਲਟ ਐਫ ਐਮ 'ਤੇ ਤਾਜ਼ਾ ਸਰਵੇ ਅਨੁਸਾਰ ਅਰਿਜੀਤ ਨੇ ਪ੍ਰਸ਼ੰਸਾ ਦੇ ਖੇਤਰ 'ਚ ਨਵਾਂ ਮੀਲ ਪੱਥਰ ਕਾਇਮ ਕੀਤਾ ਹੈ। ਉਸ ਨੇ ਟ੍ਰੇਲਰ ਸਵਿੱਫਟ (139.6 ਮਿਲੀਅਨ), ਐਡ ਸ਼ੀਰਨ (121 ਮਿਲੀਅਨ), ਬਿਲੀ ਆਈਲਿਸ਼ (114 ਮਿਲੀਅਨ), ਅਤੇ ਦਿ ਵੀਕਐਂਡ (107.3 ਮਿਲੀਅਨ) ਵਰਗੇ ਕੌਮਾਂਤਰੀ ਸਿਤਾਰਿਆਂ ਨੂੰ ਪਿੱਛੇ ਛੱਡ ਦਿੱਤਾ ਹੈ।

ਪੰਜਾਬ ਵਿਚ ਮੋਗਾ ਜ਼ਿਲ੍ਹੇ ਦੇ ਕਸਬਾ ਕੋਟ ਇਸੇ ਖ਼ਾਂ ਵਿਖੇ ਮਸ਼ਹੂਰ ਪੰਜਾਬੀ ਅਦਾਕਾਰਾ ਤਾਨੀਆ ਦੇ ਪਿਤਾ ਨੂੰ ਦੋ ਅਣਪਛਾਤੇ ਹਮਲਾਵਾਰਾਂ ਵਲੋਂ ਗੋਲੀਆਂ ਮਾਰੇ ਜਾਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਡਾ. ਅਨਿਲਜੀਤ ਕੰਬੋਜ ਆਪਣੇ ਕਲੀਨਿਕ ਵਿਚ ਸਨ, ਜਿਸ ਦੌਰਾਨ ਹਮਲਾਵਾਰਾਂ ਦਵਾਈ ਲੈਣ ਦੇ ਬਹਾਨੇ ਦਾਖਲ ਹੋਏ ਅਤੇ ਗੋਲੀਆਂ ਚਲਾ ਦਿੱਤੀਆਂ, ਡਾ. ਕੰਬੋਜ ਨੂੰ ਮੋਗਾ ਦੇ ਨਿੱਜੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ ,ਜਿੱਥੇ ਉਨ੍ਹਾਂ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਡਾਕਟਰ ਨੂੰ ਪਹਿਲਾਂ ਤੋਂ ਧਮਕੀਆਂ ਮਿਲ ਰਹੀਆਂ ਸਨ।ਹਾਲਾਂਕਿ ਕੋਈ ਅਧਿਕਾਰਤ ਸ਼ਿਕਾਇਤ ਦਰਜ ਨਹੀਂ ਕਰਵਾਈ ਗਈ ਸੀ।

ਫਿਲਮ ਨਿਰਮਾਤਾ ਬੋਨੀ ਕਪੂਰ ਦੀ ਧੀ ਅੰਸ਼ੁਲਾ ਕਪੂਰ ਨੇ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ 'ਤੇ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਖੂਬਸੂਰਤ ਪਲਾਂ ਨੂੰ ਸਾਂਝਾ ਕੀਤਾ ਹੈ।ਅੰਸ਼ੁਲਾ ਨੇ ਆਪਣੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਅਤੇ ਸਕ੍ਰਿਪਟ ਲੇਖਕ ਰੋਹਨ ਠੱਕਰ ਨਾਲ ਮੰਗਣੀ ਕਰਵਾ ਲਈ ਹੈ। ਇਹ ਜਾਦੂਈ ਪ੍ਰਪੋਜ਼ ਨਿਊਯਾਰਕ ਦੇ ਸੈਂਟਰਲ ਪਾਰਕ ਵਿੱਚ ਹੋਇਆ, ਜਿੱਥੇ ਰੋਹਨ ਨੇ ਅੰਸ਼ੁਲਾ ਨੂੰ ਗੋਡਿਆਂ ਭਾਰ ਬੈਠ ਕੇ ਪ੍ਰਪੋਜ਼ ਦਿੱਤਾ।

ਪਿਛਲੇ ਕੁਝ ਦਿਨਾਂ ਤੋਂ ਇਸ ਤਰ੍ਰਾਂ ਦੀਆਂ ਅਫਵਾਹਾਂ ਅਤੇ ਚਰਚੇ ਚੱਲ ਰਹੇ ਹਨ ਕਿ ਦਿਲਜੀਤ ਦੋਸਾਂਝ ਨੂੰ 'ਬਾਰਡਰ 2' 'ਚੋਂ ਬਾਹਰ ਕਰ ਦਿੱਤਾ ਗਿਆ ਹੈ। ਹੁਣ ਇਸ ਗਾਇਕ ਅਤੇ ਅਭਿਨੇਤਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਤੇ ਇਕ ਵੀਡੀਓ ਪੋਸਟ ਕਰਕੇ ਸਾਰੀਆਂ ਅਫਵਾਹਾਂ ਨੂੰ ਬਰੇਕ ਲਾ ਦਿੱਤੀ ਹੈ। ਇਸ ਵੀਡੀਓ 'ਚ ਦਿਲਜੀਤ 'ਬਾਰਡਰ 2' ਦੀ ਸ਼ੂਟਿੰਗ 'ਚ ਸ਼ਾਮਲ ਦਿਖਾਇਆ ਗਿਆ ਹੈ। ਜਿੱਥੇ ਉਸ ਦੇ ਪਿਛੋਕੜ 'ਚ 'ਘਰ ਕਬ ਆਓਗੇ' ਵਾਲਾ ਚਰਚਿਤ ਗੀਤ ਚੱਲ ਰਿਹਾ ਹੈ। ਇਸ ਤੋਂ ਇਹ ਜ਼ਾਹਰ ਹੋ ਗਿਆ ਹੈ ਕਿ ਦਿਲਜੀਤ ਦੀ ਮੌਜੂਦਗੀ 'ਬਾਰਡਰ 2' ਵਿੱਚ ਨਾ ਸਿਰਫ ਬਰਕਰਾਰ ਹੈ ਸਗੋਂ ਮਜ਼ਬੂਤ ਵੀ ਹੈ।

ਪਹਿਲਗਾਮ ਹਮਲੇ ਤੋਂ ਬਾਅਦ ਪਾਕਿਸਤਾਨੀ ਕਲਾਕਾਰਾਂ ਦੇ ਬੰਦ ਕੀਤੇ ਗਏ ਇੰਸਟਾਗ੍ਰਾਮ ਖਾਤੇ ਬਹਾਲ ਹੋ ਗਏ ਹਨ। ਇਨ੍ਹਾਂ 'ਚ ਪਾਕਿਸਤਾਨੀ ਅਭਿਨੇਤਰੀ ਮਾਵਰਾ ਹੋਕੇਨ ਵੀ ਸ਼ਾਮਲ ਹਨ, ਜਿਸ ਦਾ ਖਾਤਾ ਕਈ ਮਹੀਨੇ ਬੰਦ ਰਿਹਾ ਪਰ ਹੁਣ ਭਾਰਤ 'ਚ ਉਸ ਨੂੰ ਵੇਖਿਆ ਜਾ ਸਕਦਾ ਹੈ।ਜਦੋਂ ਪਹਿਲਗਾਮ ਹਮਲੇ 'ਚ 26 ਨਾਗਰਿਕਾਂ ਦੀ ਜਾਨ ਚਲੀ ਗਈ ਸੀ ਤਾਂ ਉਸ ਪਿਛੋਂ ਡਿਜੀਟਲ ਬਲੈਕ ਆਊਟ ਵਜੋਂ ਕਈ ਪਾਕਿਸਤਾਨੀ ਕਲਾਕਾਰਾਂ ਦੇ ਖਾਤੇ ਬੰਦ ਕਰ ਦਿੱਤੇ ਗਏ ਸਨ।

ਭਾਰਤ ਤੋਂ ਬਿਨ੍ਹਾਂ ਵਿਸ਼ਵ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਰਿਲੀਜ਼ ਹੋਈ 'ਸਰਦਾਰ ਜੀ 3' ਪਾਕਿਸਤਾਨ ਵਿੱਚ ਚੌਖੀ ਧਮਾਲ ਮਚਾ ਰਹੀ ਹੈ,ਜਿਸ ਨੇ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕਰਨ ਦਾ ਰਿਕਾਰਡ ਵੀ ਅਪਣੇ ਨਾਂਅ ਕਰ ਲਿਆ ਹੈ ਜਦਕਿ ਫਿਲਮ ਨੂੰ ਭਾਰਤ ਵਿੱਚ ਰਿਲੀਜ਼ ਹੋਣ ਤੋਂ ਰੋਕ ਦਿੱਤਾ ਗਿਆ ਹੈ।ਇੱਕ ਭਾਰਤੀ ਸਟਾਰ ਦੇ ਨਾਲ ਇੱਕ ਪਾਕਿਸਤਾਨੀ ਅਦਾਕਾਰਾ ਨੂੰ ਕਾਸਟ ਕਰਨ ਨਾਲ ਪੂਰੇ ਭਾਰਤ ਵਿੱਚ ਬਹੁਤ ਵਿਵਾਦ ਹੋਇਆ, ਖਾਸ ਤੌਰ ਤੇ ਪਹਿਲਗਾਮ ਅੱਤਵਾਦੀ ਹਮਲੇ ਅਤੇ ਹਾਲ ਹੀ ਵਿੱਚ ਸ਼ੁਰੂ ਕੀਤੇ ਗਏ ਆਪ੍ਰੇਸ਼ਨ ਸਿੰਦੂਰ ਤੋਂ ਬਾਅਦ।ਸ਼ੁਰੂਆਤੀ ਰਿਪੋਰਟਾਂ ਮੁਤਾਬਕ, ਫਿਲਮ ਦੇ ਪੂਰੇ ਪਾਕਿਸਤਾਨ 'ਚ ਟਿਕਟ ਵਿਕ ਗਏ ਅਤੇ ਇਸ ਫਿਲਮ ਨੇ ਪਹਿਲੇ ਦਿਨ $500,000 (ਲਗਭਗ ₹4.27 ਕਰੋੜ) ਦੀ ਸ਼ਾਨਦਾਰ ਕਮਾਈ ਕੀਤੀ ਹੈ।