News

ਸਸਕੈਚਵਨ ਵਿਚ ਗਰਮ ਅਤੇ ਖੁਸ਼ਕ ਮੌਸਮ ਕਾਰਨ ਜੰਗਲ ਦੀ ਅੱਗ ਦੀਆਂ ਲਪਟਾਂ ਵੱਧ ਰਹੀਆਂ ਹਨ, ਜਿਸ ਦੇ ਚੱਲਦੇ ਹਜ਼ਾਰਾਂ ਲੋਕ ਪ੍ਰਭਾਵਿਤ ਹੋ ਰਹੇ ਹਨ। ਬੀਤੇ ਕੱਲ ਅੱਗ ਲਾ ਰੋਂਗ ਦੇ ਹਵਾਈ ਅੱਡੇ ਤੱਕ ਪਹੁੰਚ ਗਈ, ਜਿਸ ਨੂੰ ਦੇਖਦੇ ਹੋਏ ਸ਼ਾਮ 6 ਵਜੇ ਟਾਊਨ ਦੇ 2,500 ਨਿਵਾਸੀਆਂ ਅਤੇ ਇਸ ਦੇ ਆਸਪਾਸ ਦੇ ਇਲਾਕਿਆਂ ਲਈ ਨਿਕਾਸੀ ਦੇ ਹੁਕਮ ਜਾਰੀ ਕੀਤੇ ਗਏ। ਸ਼ਹਿਰ ਦੇ ਹੈਲਥ ਸੈਂਟਰ ਅਤੇ ਕੇਅਰ ਹੋਮ ਦੇ 45 ਤੋਂ ਵੱਧ ਇੰਟੈਂਸਿਵ ਕੇਅਰ ਮਰੀਜ਼ਾਂ ਤੇ ਲੰਬੇ ਸਮੇਂ ਦੀ ਦੇਖਭਾਲ ਵਾਲੇ ਨਿਵਾਸੀਆਂ ਨੂੰ ਸਸਕੈਚਵਨ ਹੈਲਥ ਅਥਾਰਟੀ ਅਤੇ ਕੈਨੇਡੀਅਨ ਰੈੱਡ ਕਰਾਸ ਵਲੋਂ ਹੋਰ ਜਗ੍ਹਾ ਸ਼ਿਫਟ ਕੀਤਾ ਗਿਆ।

ਕੈਨੇਡਾ ਅਮਰੀਕਾ ਬਾਰਡਰ 'ਤੇ ਹੋਰ ਸਖ਼ਤੀ ਕਰਨ ਲਈ ਲਿਬਰਲ ਸਰਕਾਰ ਦਾ ਕਾਨੂੰਨ ਅੱਜ ਆਉਣ ਦੀ ਉਮੀਦ ਹੈ। ਇਹ ਬਿੱਲ ਪਬਲਿਕ ਸੇਫਟੀ ਮੰਤਰੀ ਗੈਰੀ ਆਨੰਦਸੰਗਰੀ ਹਾਊਸ ਆਫ ਕਾਮਨਜ਼ ਵਿਚ ਪੇਸ਼ ਕਰਨਗੇ। ਹਾਲ ਹੀ ਦੀ ਥਰੋਨ ਸਪੀਚ ਵਿਚ ਮਾਰਕ ਕਾਰਨੀ ਸਰਕਾਰ ਨੇ ਕੈਨੇਡਾ ਦੀਆਂ ਸਰਹੱਦਾਂ 'ਤੇ ਸੁਰੱਖਿਆ ਨੂੰ ਵਧੇਰੇ ਮਜਬੂਤ ਕਰਨ ਅਤੇ ਫੈਂਟਾਨਾਇਲ ਵਗਰੇ ਨਸ਼ਿਆਂ ਦੀ ਤਸਕਰੀ ਨੂੰ ਰੋਕਣ ਲਈ ਪੁਲਿਸ ਅਤੇ ਖੁਫੀਆ ਏਜੰਸੀਆਂ ਲਈ ਨਵੇਂ ਸਾਧਨਾਂ ਦਾ ਵਾਅਦਾ ਕੀਤਾ ਸੀ।

ਗਾਜ਼ਾ ਪੱਟੀ ਵਿਚ ਇਜ਼ਰਾਇਲੀ ਹਮਲੇ ਜਾਰੀ ਹਨ। ਗਾਜ਼ਾ ਪੱਟੀ ਵਿੱਚ ਇੱਕ ਰਿਹਾਇਸ਼ੀ ਇਮਾਰਤ 'ਤੇ ਇਜ਼ਰਾਈਲੀ ਹਮਲੇ ਵਿੱਚ 14 ਲੋਕ ਮਾਰੇ ਗਏ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਔਰਤਾਂ ਅਤੇ ਬੱਚੇ ਸਨ। ਸਿਹਤ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਇਹ ਹਮਲਾ ਜਬਾਲੀਆ ਸ਼ਰਨਾਰਥੀ ਕੈਂਪ 'ਤੇ ਕੀਤਾ ਗਿਆ ਸੀ।

ਡੈਲਟਾ ਨਿਵਾਸੀਆਂ ਨੂੰ ਇੱਕ ਨਵਾਂ ਸਿੰਥੈਟਿਕ ਅਥਲੈਟਿਕ ਟਰੈਕ ਮਿਲ ਗਿਆ ਹੈ।

ਬੀ.ਸੀ. ਸਰਕਾਰ ਨੇ ਬਰੌਡਵੇ ਸਬਵੇ ਟਨਲ ਸੰਬੰਧੀ ਅਪਡੇਟ 'ਚ ਆਖਿਆ ਹੈ ਕਿ ਇਸ ਨਾਲ ਮੈਟਰੋ ਵੈਨਕੂਵਰ ਦੀ ਸਕਾਈਟਰੇਨ ਸਮਰੱਥਾ ਵਿੱਚ ਵਾਧਾ ਹੋਵੇਗਾ।

ਵਰਲਡ ਸਿੱਖ ਆਰਗੇਨਾਈਜ਼ੇਸ਼ਨ ਆਫ ਕੈਨੇਡਾ ਨੇ ਦੇਸ਼ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਦੀ ਕੈਨੇਡਾ-ਭਾਰਤ ਰਿਸ਼ਤਿਆਂ ਸੰਬੰਧੀ ਕੀਤੀ ਟਿੱਪਣੀ ਦੀ ਆਲੋਚਨਾ ਕੀਤੀ ਹੈ।

ਬੀ.ਸੀ. ਵਿੱਚ ਜੂਨ ਮਹੀਨਾ ਫਿਲੀਪੀਨੋ ਹੈਰੀਟੇਜ ਮੰਥ (ਮਹੀਨੇ) ਦੇ ਤੌਰ 'ਤੇ ਮਨਾਇਆ ਜਾਂਦਾ ਹੈ। ਜੂਨ ਮਹੀਨੇ ਅਜਿਹੇ ਕਈ ਪ੍ਰੋਗਰਾਮ ਹੁੰਦੇ ਹਨ ਜਿਸ ਆਸਰੇ ਫਿਲੀਪੀਨੋ ਭਾਈਚਾਰੇ ਦੇ ਬੀ.ਸੀ. ਪ੍ਰਤੀ ਕੰਟ੍ਰੀਬਿਊਸ਼ਨ, ਫਿਲੀਪੀਨੋ ਸਭਿਆਚਾਰ ਅਤੇ ਫਿਲੀਪੀਨੋ ਇਤਿਹਾਸ ਨੂੰ ਸੈਲੀਬ੍ਰੇਟ ਕੀਤਾ ਜਾਂਦਾ ਹੈ।

ਕੈਨੇਡਾ ਦੀ ਇੰਡਸਟਰੀ ਮਿਨਿਸਟਰ ਮੇਲਾਨੀ ਜੋਲੀ ਨੇ ਟਰੰਪ ਵਲੋਂ ਹੋਰ ਟੈਰਿਫ ਲਗਾਉਣ ਦੀ ਧਮਕੀ ਵਿਚਕਾਰ ਦੇਸ਼ ਦੇ ਨੈਸ਼ਨਲ ਇਨਫਰਾਸਟਕਚਰ ਅਤੇ ਰੱਖਿਆ ਪ੍ਰੋਜੈਕਟ ਵਿਚ ਕੈਨੇਡੀਅਨ ਸਟੀਲ ਅਤੇ ਐਲੂਮੀਨੀਅਮ ਦਾ ਪ੍ਰਮੁੱਖਤਾ ਨਾਲ ਇਸਤੇਮਾਲ ਕੀਤੇ ਜਾਣ ਦਾ ਐਲਾਨ ਕੀਤਾ ਹੈ। ਜੋਲੀ ਨੇ ਬੀਤੇ ਕੱਲ੍ਹ ਮਾਂਟਰੀਅਲ ਵਿਚ ਇੱਕ ਸੰਮੇਲਨ ਵਿਚ ਐਲੂਮੀਨੀਅਮ ਉਦਯੋਗ ਦੇ ਆਗੂਆਂ ਨਾਲ ਮੁਲਾਕਾਤ ਦੌਰਾਨ ਇਹ ਭਰੋਸਾ ਦਿਵਾਇਆ।

ਕੈਨੇਡਾ ਪੋਸਟ ਅਤੇ ਯੂਨੀਅਨ ਵਿਚਕਾਰ ਹੁਣ ਤੱਕ ਕੋਈ ਸਹਿਮਤੀ ਨਹੀਂ ਹੈ,ਕਰਾਊਨ ਕਾਰਪੋਰੇਸ਼ਨ ਨੇ ਯੂਨੀਅਨਵਲੋਂ ਬਾਈਡਿੰਗ ਆਰਬਿਟਰੇਸ਼ਨਦੀ ਕੀਤੀ ਗਈ ਮੰਗ ਵੀ ਰੱਦ ਕਰ ਦਿੱਤੀ ਹੈ। ਕੈਨੇਡਾ ਪੋਸਟ ਨੇ ਕਿਹਾ ਕਿ ਉਹ ਜਲਦ ਮਾਮਲੇ ਦਾ ਹੱਲ ਚਾਹੁੰਦੀ ਹੈ ਅਤੇ ਥਰਡ ਪਾਰਟੀ ਦੀ ਵਿਚੋਲਗੀ ਨਾਲ ਇਹ ਇੱਕ ਸਾਲ ਤੱਕ ਲਟਕ ਸਕਦਾ ਹੈ।