News

ਕੈਲਗਰੀ ਪੁਲਿਸ ਮੁਤਾਬਕ ਇੰਟਰਨੈੱਟ ਅਤੇ ਸੋਸ਼ਲ ਮੀਡੀਆ 'ਤੇ ਫੈਲ ਰਹੀ ਝੂਠੀ ਜਾਣਕਾਰੀ ਕਾਰਨ ਪਿਛਲੇ ਹਫ਼ਤੇ ਤੋਂ ਗੁੰਮਸ਼ੁਦਾ 11 ਸਾਲਾ ਬੱਚੇ ਪਾਰਕਰ ਦੀ ਭਾਲ ਵਿੱਚ ਗੰਭੀਰ ਰੁਕਾਵਟਾਂ ਆ ਰਹੀਆਂ ਹਨ।ਪਾਰਕਰ, ਜੋ ਕਿ Autism ਤੋਂ ਪੀੜਤ ਹੈ ਅਤੇ ਬੋਲ ਨਹੀਂ ਸਕਦਾ ਨੂੰ ਆਖਰੀ ਵਾਰ ਲੰਘੇ ਵੀਰਵਾਰ ਨੂੰ ਕੈਲਗਰੀ ਦੇ ਨੌਰਦਰਨ ਖੇਤਰ ਵਿੱਚ ਸਥਿਤ ਉਸ ਦੇ ਦੇਖਭਾਲ ਕੇਂਦਰ ਤੋਂ ਦੇਖਿਆ ਗਿਆ ਸੀ। ਦੁਪਹਿਰ ਲਗਭਗ 12:47 ਵਜੇ ਮੈਕਨਾਈਟ ਬੁਲੇਵਾਰਡ ਅਤੇ ਸੈਂਟਰ ਸਟ੍ਰੀਟ ਨੌਰਥ ਵੈਸਟ ਨੇੜਲੇ ਕੈਮਰੇ ਵਿਚ ਉਸ ਦੀ ਇਕ ਵੀਡੀਓ ਰਿਕੌਰਡ ਹੋਈ ਹੈ।

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਇਸ ਹਫ਼ਤੇ ਹੀ ਦਰਜਨਾਂ ਦੇਸ਼ਾਂ 'ਤੇ ਨਵੇਂ ਟੈਰਿਫ਼ ਲਾਗੂ ਕਰਨ ਦਾ ਐਲਾਨ ਕਰ ਸਕਦੇ ਹਨ। ਜਾਣਕਾਰੀ ਮੁਤਾਬਕ ਟਰੰਪ ਪ੍ਰਸ਼ਾਸਨ ਵੱਲੋਂ ਪਹਿਲਾਂ ਲਾਗੂ ਕੀਤਾ ਗਿਆ ਅਸਥਾਈ 10 ਫ਼ੀਸਦੀ ਗਲੋਬਲ ਟੈਰਿਫ਼ ਸ਼ੁੱਕਰਵਾਰ ਨੂੰ ਖਤਮ ਹੋਣ ਜਾ ਰਿਹਾ ਹੈ।

ਮਿਸੀਸਾਗਾ ਵਿਚ ਇੱਕ ਚੱਲਦੀ ਬੱਸ ਵਿਚ ਛੁਰੇਬਾਜ਼ੀ ਦੀ ਘਟਨਾ ਵਾਪਰੀ ਹੈ, ਜਿਸ ਵਿਚ ਇੱਕ ਨਾਬਾਲਗ ਨੌਜਵਾਨ ਗੰਭੀਰ ਰੂਪ ਵਿਚ ਜ਼ਖਮੀ ਹੋਇਆ ਹੈ, ਜੋ ਹਸਪਤਾਲ ਵਿਚ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ। ਪੀਲ ਰੀਜਨਲ ਪੁਲਿਸ ਮੁਤਾਬਕ, ਘਟਨਾ ਰਾਤ ਕਰੀਬ ਦੋ ਵਜੇ ਸ਼ਹਿਰ ਦੇ ਬ੍ਰਿਟਾਨੀਆ ਇਲਾਕੇ ਵਿਚ ਹੁਰੋਂਟਾਰੀਓ ਸਟ੍ਰੀਟ ਅਤੇ ਵਾਟਲਾਈਨ ਡਰਾਈਵ ਖੇਤਰ ਵਿਚ ਵਾਪਰੀ। ਜਦੋਂ ਔਫੀਸਰ ਮੌਕੇ 'ਤੇ ਪਹੁੰਚੇ ਤਾਂ 17 ਸਾਲਾ ਨੌਜਵਾਨ ਦੀ ਹਾਲਤ ਬੇਹੱਦ ਨਾਜ਼ੁਕ ਸੀ ਅਤੇ ਉਸ ਨੂੰ ਤੁਰੰਤ ਟੋਰਾਂਟੋ ਦੇ ਇੱਕ ਹਸਪਤਾਲ ਵਿਚ ਲਿਜਾਇਆ ਗਿਆ।

ਪੀ.ਐਮ.ਮਾਰਕ ਕਾਰਨੀ ਨੇ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਕੈਨੇਡੀਅਨ ਇੰਪੋਟ 'ਤੇ 50 ਫੀਸਦੀ ਦਾ ਨਵਾਂ ਟੈਰਿਫ ਲਗਾਉਣ ਦੇ ਐਲਾਨ 'ਤੇ ਬਿਆਨ ਜਾਰੀ ਕਰਦਿਆਂ ਇਸ ਦੀ ਆਲੋਚਨਾ ਕੀਤੀ ਹੈ ਅਤੇ ਇਸ ਨੂੰ ਅਮਰੀਕਾ ਦੀਆਂ ਇੱਕਤਰਫਾ ਵਪਾਰਕ ਨੀਤੀਆਂ ਕਰਾਰ ਦਿੱਤਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅਮਰੀਕਾ ਦਾ ਇਹ ਕਦਮ CUSMA ਯਾਨੀ ਕੈਨੇਡਾ-ਯੂਨਾਈਟੇਡ ਸਟੇਟ ਮੈਕਸੀਕੋ ਐਗਰੀਮੈਂਟ ਦੀ ਸਿੱਧੀ ਉਲੰਘਣਾ ਹੈ।

ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਦੇ ਕਿਸਾਨ ਮੰਗਲਵਾਰ ਨੂੰ ਦਿੱਲੀ ਦੇ ਕਿਸਾਨ ਘਾਟ 'ਤੇ ਇੱਕ ਮਹਾਂਪੰਚਾਇਤ ਕਰਨਗੇ। ਕਿਸਾਨ ਆਗੂ ਸਰਵਣ ਸਿੰਘ ਪੰਧੇਰ ਨੇ ਕਿਹਾ ਕਿ ਉਹ ਪ੍ਰਸਤਾਵਿਤ ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ਦਾ ਵਿਰੋਧ ਕਰਨਗੇ। ਪੰਧੇਰ ਨੇ ਸਮਝੌਤੇ ਨੂੰ ਕਿਸਾਨ ਵਿਰੋਧੀ ਦੱਸਿਆ। ਉਨ੍ਹਾਂ ਕਿਹਾ ਕਿ ਇਹ ਸਮਝੌਤਾ ਕਿਸਾਨ ਭਾਈਚਾਰੇ ਦੇ ਹਿੱਤਾਂ ਨੂੰ ਨੁਕਸਾਨ ਪਹੁੰਚਾਏਗਾ ਅਤੇ ਇਸ ਲਈ ਇਸਨੂੰ ਲਾਗੂ ਨਹੀਂ ਹੋਣ ਦਿੱਤਾ ਜਾਵੇਗਾ।