News

ਕਿਊਬੈਕ ਵਲੋਂ ਵਿਵਾਦਤ ਧਾਰਮਿਕ ਚਿੰਨ੍ਹਾਂ 'ਤੇ ਪਾਬੰਦੀ ਵਿਚ ਡੇ-ਕੇਅਰ ਵਰਕਰਾਂ ਨੂੰ ਵੀ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਇਹ ਸੰਕੇਤ ਸੂਬੇ ਦੇ ਧਰਮ ਨਿਰਪੱਖਤਾ ਮਾਮਲਿਆਂ ਦੇ ਮੰਤਰੀ ਜੀਨ-ਫ੍ਰੈਂਕੋਇਸ ਰੋਬਰਗੇ ਨੇ ਦਿੱਤਾ। ਉਨ੍ਹਾਂ ਕਿਹਾ ਕਿ ਸੂਬੇ ਵਿਚ ਧਰਮ ਨਿਰਪੱਖਤਾ ਨੂੰ ਮਜਬੂਤ ਕਰਨ ਲਈ ਸਭ ਕੁਝ ਵਿਚਾਰ ਅਧੀਨ ਹੈ, ਜਿਸ ਤਹਿਤ ਬਿੱਲ 21 ਵਜੋਂ ਜਾਣੇ ਜਾਂਦੇ ਕਾਨੂੰਨ ਵਿਚ ਜਨਤਕ ਕਰਮਚਾਰੀਆਂ ਦੀਆਂ ਹੋਰ ਸ਼੍ਰੇਣੀਆਂ ਨੂੰ ਸ਼ਾਮਲ ਕੀਤਾ ਜਾ ਸਕਦਾ ਹੈ।

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਅੱਜ ਸਵੇਰ ਹੈਮਿਲਟਨ ਵਿਚ ਚੋਣ ਕੰਪੇਨ ਦੌਰਾਨ ਲਿਬਰਲ ਪਾਰਟੀ ਦੇ ਪ੍ਰਧਾਨ ਮੰਤਰੀ ਉਮੀਦਵਾਰ ਮਾਰਕ ਕਾਰਨੀ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ 'ਤੇ ਨਿਸ਼ਾਨਾ ਸਾਧਦਿਆਂ ਉਨ੍ਹਾਂ ਨੂੰ ਕੈਨੇਡਾ ਵਿਚ ਕ੍ਰਾਈਮ ਵਧਣ ਲਈ ਜ਼ਿੰਮੇਵਾਰ ਠਹਿਰਾਇਆ ਅਤੇ ਕਿਹਾ ਕਿ ਇਹ ਹਾਲਾਤ ਸਿੱਧੇ ਲਿਬਰਲਸ ਦੀਆਂ ਡਰੱਗ ਏਜੰਡਾ ਪੌਲਿਸੀਜ਼ ਦਾ ਨਤੀਜਾ ਹਨ।

ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿਚ ਬੀਤੇ ਕੱਲ੍ਹ ਅੱਤਵਾਦੀ ਹਮਲੇ ਵਿਚ ਮਾਰੇ ਗਏ ਲੋਕਾਂ ਵਿਚ ਹਰਿਆਣਾ ਦੇ ਰਹਿਣ ਵਾਲੇ ਭਾਰਤੀ ਜਲ ਸੈਨਾ ਦੇ 26 ਸਾਲਾ ਲੈਫ਼ਟੀਨੈਂਟ ਵਿਨੈ ਨਰਵਾਲ ਦੀ ਵੀ ਮੌਤ ਹੋ ਗਈ, ਉਨ੍ਹਾਂ ਦਾ 7 ਦਿਨ ਪਹਿਲਾਂ ਹੀ ਵਿਆਹ ਹੋਇਆ ਸੀ।

ਤੁਰਕੀ ਦੇ ਇਸਤਾਂਬੁਲ ਵਿੱਚ ਅੱਜ 6.2 ਦੀ ਤੀਬਰਤਾ ਦਾ ਵੱਡਾ ਭੂਚਾਲ ਆਇਆ। ਇਸ ਦਾ ਕੇਂਦਰ ਇਸਤਾਂਬੁਲ ਦੇ ਨੇੜੇ ਮਰਮਾਰਾ ਸਮੁੰਦਰ ਵਿਚ ਸੀ। ਤੁਰਕੀ ਦੀ ਐਮਰਜੈਂਸੀ ਪ੍ਰਬੰਧਨ ਏਜੰਸੀ ਨੇ ਕਿਹਾ ਕਿ ਭੂਚਾਲ ਤੋਂ ਬਾਅਦ ਹੁਣ ਤੱਕ ਕਿਸੇ ਵੀ ਨੁਕਸਾਨ ਜਾਂ ਕਿਸੇ ਦੇ ਜ਼ਖਮੀ ਹੋਣ ਦੀ ਕੋਈ ਰਿਪੋਰਟ ਨਹੀਂ ਹੈ।

ਕੈਨੇਡੀਅਨ ਫੈਡਰਲ ਚੋਣਾਂ ਦੇ ਸਰਵਿਆਂ ਵਿਚ ਪਿੱਛੇ ਚੱਲ ਰਹੀ ਐੱਨ.ਡੀ.ਪੀ. ਦੇ ਪ੍ਰਧਾਨ ਜਗਮੀਤ ਸਿੰਘ ਲਈ ਇਹ ਚੋਣਾਂ ਵੱਕਾਰ ਦਾ ਸਵਾਲ ਬਣ ਗਈਆਂ ਹਨ। ਐਨ.ਡੀ.ਪੀ. ਦੇ ਸਾਬਕਾ ਪ੍ਰਧਾਨ ਟਾਮ ਮੁਲਕੇਅਰ ਦਾ ਕਹਿਣਾ ਹੈ ਕਿ ਜੇ ਇਨ੍ਹਾਂ ਚੋਣਾਂ ਵਿਚ ਪਾਰਟੀ ਸੰਸਦ ਵਿਚ ਆਪਣੀ ਅਧਿਕਾਰਤ ਸਥਿਤੀ ਗੁਆ ਦਿੰਦੀ ਹੈ ਜਿਵੇਂ ਕਿ ਕੁਝ ਸਰਵਿਆਂ ਤੋਂ ਪਤਾ ਚੱਲਦਾ ਹੈ ਤਾਂ ਜਗਮੀਤ ਸਿੰਘ ਪ੍ਰਧਾਨ ਦੇ ਰੂਪ ਵਿਚ ਪਾਰਟੀ ਦੀ ਅਗਵਾਈ ਜਾਰੀ ਨਹੀਂ ਰੱਖ ਸਕਣਗੇ।

ਪੀ. ਐੱਮ. ਮੋਦੀ ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਸਾਊਦੀ ਅਰਬ ਦੀ ਯਾਤਰਾ ਦੇਰ ਰਾਤ ਵਿਚਕਾਰ ਛੱਡਦੇ ਹੋਏ ਅੱਜ ਸਵੇਰ ਨਵੀਂ ਦਿੱਲੀ ਵਾਪਸ ਆ ਗਏ।

ਪੰਜਾਬ ਦੇ ਮੁੱਖ ਮੰਤਰੀ ਸਮੇਤ ਸੂਬੇ ਦੇ ਸਾਰੇ ਰਾਜਨੀਤਕ ਦਲਾਂ ਨੇ ਜੰਮੂ-ਕਸ਼ਮੀਰ ਵਿਚ ਸੈਲਾਨੀਆਂ 'ਤੇ ਹੋਏ ਅੱਤਵਾਦੀ ਹਮਲੇ ਦੀ ਸਖ਼ਤ ਨਿੰਦਾ ਕੀਤੀ ਹੈ। ਸੀ.ਐੱਮ. ਮਾਨ ਭਗਵੰਤ ਮਾਨ ਨੇ ਕਿਹਾ ਕਿ ਪੰਜਾਬ ਵੀ ਇੱਕ ਬਹੁਤ ਵੱਡਾ ਟੂਰਿਜ਼ਮ ਪਲੇਸ ਹੈ।

ਕੈਲਗਰੀ ਵਿਚ ਤਿੰਨ ਸਾਲ ਪਹਿਲਾਂ ਫਿਟਨੈਸ ਇੰਸਟ੍ਰਕਟਰ ਦਾ ਕਤਲ ਕਰਨ ਵਾਲੇ 29 ਸਾਲਾ ਮਾਈਕਲ ਐਡੇਨੀ ਦੀ ਮਾਂ ਦਾ ਕਹਿਣਾ ਹੈ ਕਿ ਉਹ ਮਾਨਸਿਕ ਬੀਮਾਰੀ ਨਾਲ ਜੂਝ ਰਿਹਾ ਸੀ। ਐਡੇਨੀ ਨੇ ਮਾਰਚ 2022 ਨੂੰ 30 ਸਾਲਾ ਵੈਨੇਸਾ ਲਾਡੋਸਰ ਦਾ ਕਤਲ ਕਰ ਦਿੱਤਾ ਸੀ ਅਤੇ ਉਹ ਫਸਟ ਡਿਗਰੀ ਮਰਡਰ ਨਾਲ ਚਾਰਜ ਹੈ।

ਵੈਨਕੂਵਰ ਆਈਲੈਂਡ ਵਿਚ ਡਰੱਗਜ਼ ਓਵਰਡ਼ੋਜ਼ ਕਾਰਨ ਮਾਰੇ ਗਏ 15 ਸਾਲਾ ਲੜਕੇ ਨੇ ਹਾਈਡ੍ਰੋਮੋਰਫੋਨ ਅਤੇ ਖੰਘ ਦੀ ਦਵਾਈ ਵੀ ਲਈ ਸੀ। ਕੈਂਪਬੈਲ ਰਿਵਰ ਆਰਸੀਐਮਪੀ ਨੇ ਸਟੇਟਮੈਂਟ ਵਿਚ ਮਾਪਿਆਂ ਅਤੇ ਬੱਚਿਆਂ ਨੂੰ ਨੁਸਖ਼ੇ ਅਤੇ ਬਿਨਾਂ ਨੁਸਖ਼ੇ ਵਾਲੀਆਂ ਦਵਾਈਆਂ ਦੇ ਖਤਰਿਆਂ ਬਾਰੇ ਜਾਗਰੂਕ ਹੋਣ ਲਈ ਕਿਹਾ ਹੈ। ਪੁਲਿਸ ਦਾ ਮੰਨਣਾ ਹੈ ਕਿ ਹਾਈਡ੍ਰੋਮੋਰਫੋਨ ਵਾਲੀ ਡਿਲਾਉਡੀਡ ਅਤੇ ਇਕ ਬਿਨਾਂ ਨੁਸਖ਼ੇ ਵਾਲੀਆਂ ਦਵਾਈਆਂ ਖੰਘ ਦੀ ਦਵਾਈ ਦੇ ਮੇਲ ਕਾਰਨ ਉਸ ਦੀ ਮੌਤ ਹੋਈ ਹੋਵੇਗੀ।