News

ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਵਿਚ ਬੁੱਧਵਾਰ ਸਵੇਰ ਸਕੂਲ ਬੱਸ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਧਮਾਕੇ ਵਿਚ ਚਾਰ ਬੱਚਿਆਂ ਦੀ ਮੌਤ ਹੋ ਗਈ,ਜਦੋਂ ਕਿ 38 ਹੋਰ ਜ਼ਖ਼ਮੀ ਦੱਸੇ ਜਾਂਦੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਧਮਾਕਾ ਖ਼ੁਜ਼ਦਾਰ ਜ਼ਿਲ੍ਹੇ ਵਿਚ ਹੋਇਆ। ਜਾਣਕਾਰੀ ਮੁਤਾਬਕ ਖ਼ੁਜ਼ਦਾਰ ਦੇ ਡਿਪਟੀ ਕਮਿਸ਼ਨਰ ਯਾਸਿਰ ਇਕਬਾਲ ਦਸ਼ਤੀ ਦੇ ਹਵਾਲੇ ਨਾਲ ਇਸ ਦੀ ਪੁਸ਼ਟੀ ਕੀਤੀ।

ਕੈਨੇਡਾ ਵਿਚ ਜੂਨ ਵਿਚ ਹੋਣ ਵਾਲੀ ਜੀ-7 ਦੀ ਪ੍ਰਮੁੱਖ ਬੈਠਕ ਤੋਂ ਪਹਿਲਾਂ ਵਿਸ਼ਵ ਦੇ ਇਨ੍ਹਾਂ ਆਰਥਿਕ ਸੰਪੰਨ ਮੁਲਕਾਂ ਦੇ ਵਿੱਤ ਮੰਤਰੀ ਦੀ ਇੱਕ ਬੈਠਕ ਐਲਬਰਟਾ ਦੇ ਬੈਨਫ ਵਿਚ ਚੱਲ ਰਹੀ ਹੈ, ਜਿਸ ਦਾ ਮੁੱਖ ਫੋਕਸ ਵਿਸ਼ਵ ਅਰਥਵਿਵਸਥਾ ਅਤੇ ਯੂਕਰੇਨ ਯੁੱਧ ਸਮੇਤ ਹੋਰ ਮਹੱਤਵਪੂਰਨ ਮੁੱਦਿਆਂ 'ਤੇ ਚਰਚਾ ਕਰਨਾ ਹੈ। ਇਹ ਬੈਠਕ ਵੀਰਵਾਰ ਨੂੰ ਸਮਾਪਤ ਹੋ ਜਾਵੇਗੀ।

ਐਲਬਰਟਾ ਵਿਚ ਖਸਰਾ ਪੀੜਤਾਂ ਦੀ ਗਿਣਤੀ ਵਿਚ ਲਗਾਤਾਰ ਵਾਧਾ ਹੋ ਰਿਹਾ ਹੈ ਅਤੇ ਕੁੱਲ ਪੀੜਤਾਂ ਦੀ ਗਿਣਤੀ 486 ਹੋ ਗਈ ਹੈ।ਸੂਬੇ ਦੇ ਦੱਖਣੀ ਸਿਹਤ ਖੇਤਰ ਤੋਂ ਸਭ ਤੋਂ ਵੱਧ ਮਾਮਲੇ ਦਰਜ ਹੋਏ ਹਨ,ਜਿਨ੍ਹਾਂ ਵਿਚ ਲੈਥਬ੍ਰਿਜ,ਮੈਡੀਸਨ ਹੈਟ ਅਤੇ ਟੇਬਰ ਦੇ ਇਲਾਕੇ ਆਉਂਦੇ ਹਨ। ਪੀੜਤਾਂ ਵਿਚੋਂ 80 ਫੀਸਦੀ ਗਿਣਤੀ ਬੱਚਿਆਂ ਦੀ ਹੈ। 149 ਮਰੀਜ਼ਾਂ ਦੀ ਉਮਰ 5 ਸਾਲ ਤੋਂ ਘੱਟ ਹੈ। ਇਸ ਸਮੇਂ 35 ਮਰੀਜ਼ ਹਸਪਤਾਲਾਂ ਵਿਚ ਹਨ। ਐਲਬਰਟਾ ਯੂਨੀਵਰਸਿਟੀ ਦੇ ਡਾ.ਲੇਨੋਰ ਸੈਕਸਿੰਗਰ ਦੇ ਮੁਤਾਬਕ ਪਹਿਲਾਂ ਹਰ ਸਾਲ ਖਸਰੇ ਦੇ ਕਰੀਬ 10 ਮਾਮਲੇ ਦਰਜ ਹੁੰਦੇ ਸਨ ਪਰ ਹੁਣ ਹਾਲਾਤ ਅਜਿਹੇ ਹਨ ਕਿ ਇਕ ਦਿਨ ਵਿਚ ਕਰੀਬ 15 ਮਰੀਜ਼ਾਂ ਦੀ ਪੁਸ਼ਟੀ ਹੋ ਰਹੀ ਹੈ। ਕੈਨੇਡਾ ਵਿਚ ਖਸਰੇ ਦੇ ਸਭ ਤੋਂ ਵੱਧ ਮਾਮਲੇ ਓਨਟਾਰੀਓ ਅਤੇ ਦੂਜੇ ਨੰਬਰ 'ਤੇ ਐਲਬਰਟਾ ਤੋਂ ਦਰਜ ਹੋਏ ਹਨ। ਸੂਬੇ ਵਲੋਂ ਲੋਕਾਂ ਨੂੰ ਖਸਰੇ ਤੋਂ ਬਚਾਅ ਲਈ ਟੀਕਾਕਰਣ ਕਰਵਾਉਣ ਦੀ ਸਲਾਹ ਦਿੱਤੀ ਗਈ ਹੈ।

ਰਿਚਮੰਡ ਵਿਖੇ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਵਿਅਕਤੀ ਨੂੰ ਪੁਲਿਸ ਅਫ਼ਸਰ ਦੇ ਤੌਰ 'ਤੇ ਖੁਦ ਨੂੰ ਪੇਸ਼ ਕਰਨ ਦੇ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਪੁਲਿਸ ਅਨੁਸਾਰ ਮਾਮਲਾ ਐਤਵਾਰ ਦਾ ਹੈ ਜਦ ਕਰੀਬ ਦੁਪਹਿਰ 1 ਵਜੇ ਇੱਕ ਵਿਅਕਤੀ ਨੇ 911 'ਤੇ ਕਾਲ ਕਰ ਦੱਸਿਆ ਕਿ ਇੱਕ ਫੋਰਡ ਮਸਟੈਂਗ ਸਵਾਰ ਵਿਅਕਤੀ ਨੇ ਪੁਲਸੀਆ ਬੱਤੀਆਂ ਦਾ ਇਸਤੇਮਾਲ ਕਰ ਉਸ ਦੀ ਗੱਡੀ ਰੋਕੀ ਸੀ।

ਵੈਨਕੂਵਰ ਆਈਲੈਂਡ 'ਤੇ ਕੁਝ ਵਿਦਿਆਰਥੀਆਂ ਵੱਲੋਂ ਵਿਸ਼ਵ ਦੀ ਸਭ ਤੋਂ ਵੱਡੀ ਨਨਾਈਮੋ ਬਾਰ ਨੂੰ ਅਸੈਂਬਲ ਕੀਤਾ ਗਿਆ ਹੈ। ਇਸ ਬਾਰ ਦੀ ਰੈਸਿਪੀ ਅਜਿਹੀ ਸੀ ਕਿ ਇਸ 'ਚ ਵਰਤੇ ਗਏ ਮੱਖਣ ਦੇ ਵਜਨ ਦੀ ਤੁਲਣਾ ਕਿਸੇ ਹਾਥੀ ਦੇ ਬੱਚੇ ਦੇ ਭਾਰ ਨਾਲ ਕੀਤੀ ਜਾ ਸਕਦੀ ਹੈ।

ਵੈਨਕੂਵਰ ਦੇ ਸਟੈਨਲੀ ਪਾਰਕ ਵਿਚ ਇੱਕ ਔਰਤ 'ਤੇ ਬਾਥਰੂਮ ਵਿਚ ਅਜਨਬੀ ਵਲੋਂ ਹਮਲਾ ਕੀਤੇ ਜਾਣ ਦੀ ਖ਼ਬਰ ਸਾਹਮਣੇ ਆਈ ਹੈ। 35 ਸਾਲਾ ਸ਼ੱਕੀ ਇਸ ਮਾਮਲੇ ਵਿਚ ਕਈ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਪੁਲਿਸ ਨੇ ਉਸ ਦੀ ਪਛਾਣ ਹਾਰਟਲੇ ਰੋਨਾਲਡ ਡਕਹੋਰਨ ਵਜੋਂ ਦੱਸੀ ਹੈ, ਜਿਸ 'ਤੇ ਗਲਾ ਘੁੱਟਣ, ਗੈਰ-ਕਾਨੂੰਨੀ ਤਰੀਕੇ ਨਾਲ ਬੰਧਕ ਬਣਾਉਣ, ਹਥਿਆਰਾਂ ਦੇ ਜ਼ੋਰ 'ਤੇ ਜਿਨਸੀ ਹਮਲਾ ਕਰਨ, ਲੁੱਟ-ਖੋਹ ਅਤੇ ਜਾਨੋਂ ਮਾਰਨ ਜਾਂ ਸਰੀਰਕ ਨੁਕਸਾਨ ਪਹੁੰਚਣ ਦੀ ਧਮਕੀ ਦੇ ਦੋਸ਼ ਲਗਾਏ ਗਏ ਹਨ।

ਮਾਂਟਰੀਅਲ ਨੇੜੇ ਅੱਜ ਇੱਕ ਉਸਾਰੀ ਵਾਲੀ ਥਾਂ ਦਾ ਢਾਂਚਾ ਢਹਿਣ ਨਾਲ ਇੱਕ ਵਰਕਰ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਲੋਕ ਜ਼ਖਮੀ ਹੋ ਗਏ। ਇਹ ਘਟਨਾ ਸਵੇਰ ਸਮੇਂ ਬਲੇਨਵਿਲ ਵਿਚ ਵਾਪਰੀ, ਜਿਥੇ ਇੱਕ ਵਪਾਰਕ ਬਿਲਡਿੰਗ ਦਾ ਨਿਰਮਾਣ ਚੱਲ ਰਿਹਾ ਸੀ। ਘੱਟੋ-ਘੱਟ ਇੱਕ ਮਜ਼ਦੂਰ ਅਜੇ ਵੀ ਮਲਬੇ ਹੇਠ ਫਸਿਆ ਦੱਸਿਆ ਜਾਂਦਾ ਹੈ।

ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਕਈ ਵਿਭਾਗਾਂ, ਕਾਰਪੋਰੇਸ਼ਨਾਂ ਅਤੇ ਬੋਰਡਾਂ ਦੇ ਚੇਅਰਮੈਨ ਤੇ ਮੈਂਬਰ ਨਿਯੁਕਤ ਕਰਨ ਮਗਰੋਂ ਵਿਰੋਧੀ ਧਿਰਾਂ ਦੇ ਨਿਸ਼ਾਨੇ 'ਤੇ ਹੈ। ਵਿਰੋਧੀ ਧਿਰਾਂ ਦਾ ਦੋਸ਼ ਹੈ ਕਿ ਇਨ੍ਹਾਂ ਵਿਚੋਂ ਕਈ ਗ਼ੈਰ ਪੰਜਾਬੀ ਹਨ, ਜੋ ਪਹਿਲਾਂ ਆਮ ਆਦਮੀ ਪਾਰਟੀ ਲਈ ਦਿੱਲੀ ਵਿਚ ਕੰਮ ਕਰਦੇ ਸਨ।

ਬ੍ਰਿਟਿਸ਼ ਕੋਲੰਬੀਆ ਦੇ ਕਾਰੋਬਾਰੀਆਂ ਵਲੋਂ ਸਾਂਝੇ ਤੌਰ 'ਤੇ ਦਸਤਖਤ ਕੀਤਾ ਇੱਕ ਪੱਤਰ ਕੈਨੇਡਾ ਭਰ ਦੇ ਹਰ ਸੰਸਦ ਮੈਂਬਰ ਨੂੰ ਭੇਜਿਆ ਗਿਆ ਹੈ, ਜਿਸ ਵਿਚ ਦੇਸ਼ ਦੀ ਅਰਥਵਿਵਸਥਾ ਲਈ ਠੋਸ ਕਦਮ ਚੁੱਕਣ ਦੀ ਮੰਗ ਕੀਤੀ ਗਈ ਹੈ। ਬੀ.ਸੀ. ਬਿਜ਼ਨਸ ਕੌਂਸਲ ਨੇ ਇਸ ਪੱਤਰ 'ਤੇ ਐਲਬਰਟਾ, ਸਸਕੈਚਵਨ ਅਤੇ ਮੈਨੀਟੋਬਾ ਦੇ ਕਾਰੋਬਾਰੀਆਂ ਨਾਲ ਸਾਂਝੇ ਤੌਰ 'ਤੇ ਦਸਤਖ਼ਤ ਕੀਤੇ ਹਨ।