News

ਬੀ. ਸੀ. ਆਰ.ਸੀ.ਐਮ.ਪੀ. ਦੇ ਹੈਲੀਕਾਪਟਰ ਅਤੇ ਜ਼ਮੀਨੀ ਅਫਸਰ ਦੀ ਮਦਦ ਨਾਲ ਨਾਨਾਇਮੋ ਪੁਲਿਸ ਨੇ ਵੱਖ-ਵੱਖ ਡਰਾਈਵਿੰਗ ਅਪਰਾਧ ਲਈ 4 ਡਰਟ ਬਾਈਕ ਅਤੇ 3ਵਾਹਨਾਂ ਨੂੰ ਜ਼ਬਤ ਕਰਨ ਦੀ ਕਾਰਵਾਈ ਕੀਤੀ ਹੈ। ਇਹ ਓਪਰੇਸ਼ਨ 14 ਸਤੰਬਰ ਨੂੰ ਸਵੇਰੇ 10 ਵਜੇ ਤੋਂ ਰਾਤ 9 ਵਜੇ ਤੱਕ ਚਲਾਇਆ ਗਿਆ, ਜਿਸ ਤਹਿਤ ਸ਼ਹਿਰ ਭਰ ਦੇ ਪ੍ਰਮੁੱਖ ਖੇਤਰਾਂ 'ਤੇ ਫੋਕਸ ਰਿਹਾ, ਇਸ ਵਿਚ ਜੈਕ ਪੁਆਇੰਟ, ਐਕਸਟੈਂਸ਼ਨ, ਯੂਨੀਵਰਸਿਟੀ ਹਾਈਟਸ ਅਤੇ ਨਾਨਾਇਮੋ ਪਾਰਕਵੇਅ ਸ਼ਾਮਲ ਸਨ।

ਲੈਂਗਲੀ ਟਾਊਨਸ਼ਿਪ ਵਿਚ ਸੋਮਵਾਰ ਸ਼ਾਮ ਦੋ ਵਾਹਨਾਂ ਦੀ ਟੱਕਰ ਤੋਂ ਬਾਅਦ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਇਹ ਛੇ ਹਫ਼ਤਿਆਂ ਵਿਚ ਕਮਿਊਨਿਟੀ ਵਿਚ ਪੰਜਵਾਂ ਜਾਨਲੇਵਾ ਹਾਦਸਾ ਹੈ।ਲੈਂਗਲੀ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਕੱਲ੍ਹ ਸ਼ਾਮ 6:20 ਵਜੇ ਦੇ ਕਰੀਬ 48 ਐਵੇਨਿਊ ਨੇੜੇ 256 ਸਟ੍ਰੀਟ 'ਤੇ ਦੋ ਸੇਡਾਨ ਵਿਚ ਟੱਕਰ ਹੋਈ। ਦੋਵੇਂ ਕਾਰਾਂ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਅਤੇ ਸੜਕ ਤੋਂ ਉਤਰ ਗਈਆਂ ਸਨ।

ਕੈਨੇਡਾ ਦੀ ਟਰਾਂਸਪੋਰਟ ਅਤੇ ਅੰਦਰੂਨੀ ਵਪਾਰ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਪੀ.ਐਮ. ਕਾਰਨੀ ਦੀ ਕੈਬਨਿਟ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਉਹ ਅਗਲੀਆਂ ਫੈਡਰਲ ਚੋਣਾਂ ਵਿਚ ਹਿੱਸਾ ਵੀ ਨਹੀਂ ਲੈਣਗੇ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੇ ਇੱਕ ਪੱਤਰ ਵਿਚ ਕਿਹਾ ਕਿ ਫ੍ਰੀਲੈਂਡ ਯੂਕਰੇਨ ਦੇ ਪੁਨਰ-ਨਿਰਮਾਣ ਲਈ ਕੈਨੇਡਾ ਦੇ ਨਵੇਂ ਵਿਸ਼ੇਸ਼ ਪ੍ਰਤੀਨਿਧ ਵਜੋਂ ਕੰਮ ਕਰਨਗੇ ਅਤੇ ਅੰਤਰਿਮ ਤੌਰ 'ਤੇ ਐਮ.ਪੀ. ਬਣੇ ਰਹਿਣਗੇ।

ਸਰੀ ਪੁਲਿਸ ਸਰਵਿਸ ਨੇ ਪੀਲ ਰੀਜਨਲ ਪੁਲਿਸ ਵਲੋਂ ਜਬਰੀ ਵਸੂਲੀ ਅਤੇ ਹਥਿਆਰਾਂ ਦੇ ਜੁਰਮ ਨਾਲ ਸਬੰਧਤ ਮਾਮਲੇ ਵਿਚ ਕੈਨੇਡਾ ਵਾਈਡ ਵਾਰੰਟ 'ਤੇ ਵਾਂਟੇਡ ਇੱਕ ਪੰਜਾਬੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਿਸ ਦੀ ਪਛਾਣ ਗੁਰਦੀਪ ਸ਼ੇਰਗਿੱਲ ਵਜੋਂ ਦੱਸੀ ਗਈ ਹੈ। ਐਸ.ਪੀ.ਐਸ. ਨੇ ਕਿਹਾ ਕਿ 11 ਜੁਲਾਈ 2025 ਨੂੰ ਇੱਕ ਸ਼ਿਕਾਇਤਕਰਤਾ ਨੇ ਪੀਲ ਰੀਜਨਲ ਪੁਲਿਸ ਸਰਵਿਸ ਨੂੰ ਜਬਰੀ ਵਸੂਲੀ ਅਤੇ ਸ਼ੂਟਿੰਗ ਦਾ ਸ਼ਿਕਾਰ ਹੋਣ ਦੀ ਰਿਪੋਰਟ ਦਰਜ ਕਰਵਾਈ ਸੀ।

ਕੈਨੇਡਾ ਦੇ ਨਿਆਂ ਮੰਤਰੀ ਸ਼ੌਨ ਫਰੇਜ਼ਰ ਨੇ ਅੱਜ ਕਿਹਾ ਕਿ ਉਹ ਨਫ਼ਰਤ ਅਪਰਾਧ ਕਾਨੂੰਨ ਆਉਣ ਵਾਲੇ ਦਿਨਾਂ ਵਿਚ ਪੇਸ਼ ਕਰਨ ਜਾ ਰਹੇ ਹਨ, ਜਿਸ ਤੋਂ ਬਾਅਦ ਜ਼ਮਾਨਤ ਨਿਯਮਾਂ ਦੇ ਨਾਲ-ਨਾਲ ਹਿੰਸਕ ਅਪਰਾਧਾਂ ਲਈ ਸਜ਼ਾ ਵਿਚ ਸੁਧਾਰ ਲਈ ਕਾਨੂੰਨ ਲਿਆਂਦਾ ਜਾਵੇਗਾ।