News

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਇੱਕ ਅਹਿਮ ਐਲਾਨ ਕਰਦਿਆਂ ਕਿਹਾ ਹੈ ਕਿ ਦੇਸ਼ ਦਾ ਅਗਲਾ ਗਵਰਨਰ ਜਨਰਲ ਲਾਜ਼ਮੀ ਤੌਰ 'ਤੇ ਸਰਕਾਰੀ ਭਾਸ਼ਾ ਜਾਣਨ ਵਾਲਾ ਦੋਭਾਸ਼ੀ ਹੋਵੇਗਾ, ਯਾਨੀ ਉਸ ਦੀ ਇੰਗਲਿਸ਼ ਅਤੇ ਫਰੈਂਚ ਦੋਵਾਂ ਸਰਕਾਰੀ ਭਾਸ਼ਾਵਾਂ 'ਤੇ ਪੂਰਨ ਪਕੜ ਹੋਵੇਗੀ। ਇੱਕ ਇੰਟਰਵਿਊ ਵਿਚ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਨਵੀਂ ਨਿਯੁਕਤੀ ਸਮੇਂ ਭਾਸ਼ਾਈ ਮੁਹਾਰਤ ਨੂੰ ਪਹਿਲ ਦਿੱਤੀ ਜਾਵੇਗੀ।

ਵੈਨਕੂਵਰ ਦੇ ਫੇਅਰਵਿਊ ਇਲਾਕੇ ਵਿਚ ਵਾਪਰੀ ਇੱਕ ‘ਹਿੱਟ ਐਂਡ ਰਨ’ ਘਟਨਾ ਵਿਚ ਇੱਕ ਪੈਦਲ ਜਾ ਰਹੇ 68 ਸਾਲਾ ਬਜ਼ੁਰਗ ਨੂੰ ਗੰਭੀਰ ਅਤੇ ਜਿੰਦਗੀ ਬਦਲ ਦੇਣ ਵਾਲੀਆਂ ਸੱਟਾਂ ਲੱਗੀਆਂ ਹਨ, ਜੋ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹਨ।

ਕੈਲਗਰੀ ਸਟੈਂਪੀਡ ਦੀ ਕੈਨਵਸ ਨਿਲਾਮੀ ਵਿੱਚ ਇਸ ਸਾਲ ਪਿਛਲੇ ਸਾਰੇ ਰਿਕਾਰਡ ਟੁੱਟ ਗਏ। ਵੀਰਵਾਰ ਰਾਤ ਹੋਈ ਇਸ ਨਿਲਾਮੀ ਵਿੱਚ ਬੋਲੀ ਲਗਾਉਣ ਵਾਲਿਆਂ ਨੇ ਕੁੱਲ $6 ਮਿਲੀਅਨ ਤੋਂ ਵੱਧ ਦੀ ਰਾਸ਼ੀ ਦਾ ਵਾਅਦਾ ਕੀਤਾ, ਜੋ ਕਿ ਇੱਕ ਇਤਿਹਾਸਕ ਅੰਕੜਾ ਹੈ। ਪਿਛਲੇ ਸਾਲ $3.8 ਮਿਲੀਅਨ ਦੀ ਬੋਲੀ ਲੱਗੀ ਸੀ। ਡਰਾਈਵਰ ਰੇ ਕਰੋਟੋ ਜੂਨੀਅਰ ਲਈ ਸਭ ਤੋਂ ਵੱਧ $550,000 ਦੀ ਬੋਲੀ ਲਗਾਈ ਗਈ, ਜਿਸ ਦਾ ਸਪਾਂਸਰ 'Bar L5 Ranch' ਹੋਵੇਗਾ।

ਬੀ. ਸੀ. ਦੇ ਟੰਬਲਰ ਰਿਜ ਸਕੂਲ ਦੀ ਸਮੂਹਿਕ ਗੋਲੀਬਾਰੀ ਦੀ ਪੀੜਤ 12 ਸਾਲਾ ਮਾਇਆ ਗੇਬਾਲਾ ਹੁਣ ਇੱਕ ਨਵੀਂ ਉਮੀਦ ਨਾਲ ਵਿਸ਼ੇਸ਼ ਇਲਾਜ ਲਈ ਲਾਸ ਏਂਜਲਸ ਰਵਾਨਾ ਹੋ ਰਹੀ ਹੈ। ਮਾਇਆ ਦੀ ਮਾਂ ਸੀਆ ਐਡਮੰਡਸ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਭਾਵੁਕ ਪੋਸਟ ਸਾਂਝੀ ਕਰਦਿਆਂ ਦੱਸਿਆ ਕਿ ਫਰਵਰੀ ਵਿਚ ਗੰਭੀਰ ਰੂਪ ਵਿਚ ਜ਼ਖਮੀ ਹੋਈ ਉਨ੍ਹਾਂ ਦੀ ਧੀ ਹੁਣ ਆਈ.ਸੀ.ਯੂ. ਤੋਂ ਬਾਹਰ ਹੈ ਅਤੇ ਉਸ ਦੀ ਹਾਲਤ ਸਥਿਰ ਲੱਗਦੀ ਹੈ।

ਲੈਂਗਲੀ ਵਿਚ ਵੀਰਵਾਰ ਨੂੰ ਇੱਕ ਕਾਰ ਦੇ ਹਾਦਸਾਗ੍ਰਸਤ ਹੋਣ ਨਾਲ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਪੁਲਿਸ ਮੁਤਾਬਕ,ਇਹ ਘਟਨਾ ਸ਼ਾਮ ਕਰੀਬ 5 ਵਜੇ 264th ਸਟ੍ਰੀਟ ਦੇ 3300 ਬਲੌਕ ਵਿਚ ਵਾਪਰੀ। ਲੈਂਗਲੀ ਆਰ.ਸੀ.ਐਮ.ਪੀ. ਦੇ ਸਾਰਜੈਂਟ ਜ਼ਾਈਨਲ ਸ਼ਾਰੂਮ ਨੇ ਇਸ ਨੂੰ ਦੁਖ਼ਦਾਈ ਘਟਨਾ ਦੱਸਦੇ ਹੋਏ ਕਿਹਾ ਕਿ ਐਮਰਜੈਂਸੀ ਸਰਵਿਸ ਦੇ ਅਧਿਕਾਰੀਆਂ ਵਲੋਂ ਪੀੜਤ ਬਚਾਉਣ ਦੇ ਯਤਨਾਂ ਦੇ ਬਾਵਜੂਦ ਉਸ ਨੇ ਮੌਕੇ 'ਤੇ ਦਮ ਤੋੜ ਦਿੱਤਾ,ਉਸ ਤੋਂ ਇਲਾਵਾ ਇੱਕ ਹੋਰ ਵਿਅਕਤੀ ਨੂੰ ਏਅਰ ਐਂਬੂਲੈਂਸ ਦੀ ਮਦਦ ਨਾਲ ਰਾਇਲ ਕੋਲੰਬੀਅਨ ਹਸਪਤਾਲ ਪਹੁੰਚਾਇਆ ਗਿਆ,ਜਿੱਥੇ ਉਹ ਜ਼ੇਰੇ ਇਲਾਜ ਹੈ।