19.39C Vancouver 19.39C VancouverSep 18, 2020 1:28 AM -
ਅੱਜ ਬੀ.ਸੀ. 'ਚ ਕੋਰੋਨਾ ਵਾਇਰਸ ਦੇ 165 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਸੂਬੇ 'ਚ ਇੱਕੋ ਦਿਨ 'ਚ ਦਰਜ ਕੀਤਾ ਗਿਆ ਵਾਇਰਸ ਸੰਬੰਧੀ ਮਾਮਲਿਆਂ ਦਾ ਰਿਕਾਰਡਤੋੜ ਵਾਧਾ ਹੈ।
ਇੱਕ ਵਾਇਰਸ ਪੀੜਤ ਦੇ ਦਮ ਤੋੜਨ ਬਾਰੇ ਵੀ ਦੱਸਿਆ ਗਿਆ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 7,663 ਹੋ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 220 ਹੈ। ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 1,705 ਤੱਕ ਪਹੁੰਚ ਗਏ ਹਨ।
ਬੀ.ਸੀ. ਦੇ 57 ਵਾਇਰਸ ਪੀੜਤ ਹਸਪਤਾਲ 'ਚ ਦਾਖਿਲ ਹਨ, ਜਿੰਨਾ 'ਚ 22 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਡਾ. ਹੈਨਰੀ ਨੇ ਜ਼ੋਰ ਦਿੱਤਾ ਕਿ ਇਕੱਠਾਂ ਦੀ ਗਿਣਤੀ 50, ਵੱਧ ਤੋਂ ਵੱਧ ਹੈ, ਅਤੇ ਛੋਟੀਆਂ ਥਾਵਾਂ 'ਤੇ ਅਜਿਹੇ ਇਕੱਠਾਂ ਤੋਂ ਬਚਾਅ ਕੀਤਾ ਜਾਵੇ।
ਡਾ. ਹੈਨਰੀ ਨੇ ਸੂਬੇ ਦੇ ਦੋ ਹੋਰ ਐਕਿਊਟ ਕੇਅਰ ਸੈਂਟਰਾਂ 'ਚ ਨਵੇਂ ਆਊਟਬ੍ਰੇਕ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਹੈ। ਦੋਨੋਂ ਮਾਮਲੇ ਫਰੇਜ਼ਰ ਹੈਲਥ ਰਿਜਨ ਨਾਲ ਸੰਬੰਧਤ ਹਨ।
ਡੈਲਟਾ ਹਸਪਤਾਲ ਅਤੇ ਪੀਸ ਆਰਚ ਹਸਪਤਾਲ ਦੇ ਰੀਹੈਬ ਯੂਨਿਟ 'ਚ ਆਊਟਬ੍ਰੇਕ ਐਲਾਨੇ ਗਏ ਹਨ।
