9.04C Vancouver 9.04C VancouverSep 30, 2021 9:02 AM -
ਭਾਰਤੀ ਹਾਕੀ ਖਿਡਾਰੀ ਰੁਪਿੰਦਰ ਪਾਲ ਸਿੰਘ ਨੇ ਨੌਜਵਾਨਾਂ ਨੂੰ ਰਾਹ ਦੇਣ ਲਈ ਹਾਕੀ ਛੱਡਣ ਦਾ ਫ਼ੈਸਲਾ ਲਿਆ ਹੈ।
ਟੋਕੀਓ ਓਲੰਪਿਕਸ ਵਿੱਚ ਕਾਂਸੇ ਦਾ ਤਮਗ਼ਾ ਜਿੱਤਣ ਵਾਲੀ ਇਤਿਹਾਸਿਕ ਟੀਮ ਦਾ ਹਿੱਸਾ ਰਹਿਣ ਵਾਲੇ ਰੁਪਿੰਦਰ ਨੇ ਆਖਿਆ ਕਿ ਉਹ ਤਮਗ਼ਾ ਜਿੱਤ ਕੇ ਖੁਸ਼ ਅਤੇ ਸੰਤੁਸ਼ਟ ਹੈ।
ਰੁਪਿੰਦਰ ਨੇ ਅੱਜ ਵੀਰਵਾਰ ਨੂੰ ਟਵਿੱਟਰ 'ਤੇ ਐਲਾਨ ਕੀਤਾ ਹੈ।
"ਮੈਂ ਤੁਹਾਨੂੰ ਆਪਣੇ ਭਾਰਤੀ ਹਾਕੀ ਟੀਮ ਤੋਂ ਰਿਟਾਇਰਮੈਂਟ ਲੈਣ ਦੇ ਫ਼ੈਸਲੇ ਬਾਰੇ ਦੱਸਣਾ ਚਾਹੁੰਦਾ ਹਾਂ। ਬੀਤੇ ਕੁਝ ਮਹੀਨੇ ਬਿਨਾਂ ਸ਼ੱਕ ਮੇਰੀ ਜ਼ਿੰਦਗੀ ਦੇ ਬਿਹਤਰੀਨ ਦਿਨਾਂ ਵਿੱਚੋਂ ਸਨ। ਟੋਕੀਓ ਵਿੱਚ ਆਪਣੀ ਟੀਮ ਦੇ ਮੈਂਬਰਾਂ, ਜਿਨ੍ਹਾਂ ਨਾਲ ਮੈਂ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਸ਼ਾਨਦਾਰ ਤਜ਼ਰਬੇ ਸਾਂਝੇ ਕੀਤੇ, ਉਹਨਾਂ ਨਾਲ ਪੋਡੀਅਮ 'ਤੇ ਖੜੇ ਹੋਇਆਂ ਜੋ ਮੈਂ ਮਹਿਸੂਸ ਕੀਤਾ, ਉਹ ਹਮੇਸ਼ਾ ਲਈ ਹੀ ਯਾਦਗਾਰ ਰਹੇਗਾ। ਮੈਨੂੰ ਲੱਗਦਾ ਹੈ ਕਿ ਇਹੀ ਵੇਲਾ ਹੈ ਕਿ ਮੈਨੂੰ ਨੌਜਵਾਨ ਅਤੇ ਪ੍ਰਤਿਭਾਸ਼ਾਲੀ ਖਿਡਾਰੀਆਂ ਨੂੰ ਉਹ ਸਭ ਤਜ਼ਰਬੇ ਲੈਣ ਲਈ ਰਾਹ ਦੇਣਾ ਚਾਹੀਦਾ ਹੈ, ਜੋ ਮੈਂ ਭਾਰਤ ਦੀ ਨੁਮਾਇੰਦਗੀ ਕਰਦਿਆਂ ਬੀਤੇ 13 ਸਾਲਾਂ ਦੌਰਾਨ ਮਹਿਸੂਸ ਕੀਤਾ। ਮੈਨੂੰ 223 ਮੈਚਾਂ ਵਿੱਚ ਭਾਰਤੀ ਜਰਸੀ ਪਹਿਨਣ ਦਾ ਮਾਨ ਹਾਸਲ ਹੋਇਆ ਹੈ ਅਤੇ ਹਰੇਕ ਮੈਚ ਮੇਰੇ ਲਈ ਬਹੁਤ ਹੀ ਖ਼ਾਸ ਰਿਹਾ, ਕਿਉਂਕਿ ਮੈਨੂੰ ਇਸ ਮਹਾਨ ਖੇਡ-ਪ੍ਰੇਮੀ ਮੁਲਕ ਲਈ ਖੇਡਣ ਦਾ ਸੁਭਾਗ ਹਾਸਲ ਹੈ,"ਉਹਨਾਂ ਲਿਖਿਆ।
ਰੁਪਿੰਦਰ ਨੇ ਆਪਣੇ ਚਾਹੁਣ ਵਾਲਿਆਂ, ਭਾਰਤੀ ਹਾਕੀ, ਆਪਣੇ ਕੋਚਾਂ ਅਤੇ ਦੋਸਤਾਂ ਦਾ ਸ਼ੁਕਰੀਆ ਅਦਾ ਕੀਤਾ, ਜਿਨ੍ਹਾਂ ਨੇ ਉਸਦੀ ਜ਼ਿੰਦਗੀ 'ਚ ਵੱਡੀ ਭੂਮਿਕਾ ਅਦਾ ਕੀਤੀ ਹੈ।
ਦੱਸਣਯੋਗ ਹੈ ਕਿ ਭਾਰਤੀ ਹਾਕੀ ਟੀਮ ਨੂੰ ਟੋਕੀਓ ਓਲੰਪਿਕਸ ਵਿੱਚ ਜਰਮਨੀ ਨੂੰ 5-4 ਨਾਲ ਹਰਾ ਕੇ, ਇਤਿਹਾਸਕ ਤਾਂਸੇ ਦਾ ਤਮਗ਼ਾ ਜਿੱਤਿਆਂ ਇੱਕ ਮਹੀਨੇ ਤੋਂ ਵੀ ਉੱਤੇ ਹੋ ਗਿਆ ਹੈ।
ਉੱਧਰ ਹੀ, ਸਕਿੱਪਰ ਮਨਪ੍ਰੀਤ ਸਿੰਘ ਦਾ ਮੰਨਣਾ ਹੈ ਕਿ ਹੁਣ ਟੋਕੀਓ ਵਿੱਚ ਮਾਰੀਆਂ ਮੱਲਾਂ ਬਾਰੇ ਖੁਸ਼ ਹੋਣਾ ਬੰਦ ਕਰ ਦੇਣਾ ਚਾਹੀਦਾ ਹੈ ਅਤੇ ਇਹ ਵੇਲਾ ਹੁਣ 2022 ਦੇ ਕੈਲੈਂਡਰ 'ਤੇ ਧਿਆਨ ਦੇਣ ਅਤੇ ਉਸ ਲਈ ਯੋਜਨਾ ਬਣਾਉਣ ਦਾ ਹੈ।
"ਮੈਨੂੰ ਲੱਗਦੈ ਕਿ ਬੀਤੇ ਕੁਝ ਹਫ਼ਤੇ, ਲੋਕਾਂ ਵੱਲੋਂ ਪਿਆਰ ਅਤੇ ਸ਼ਲਾਘਾ ਨਾਲ ਭਰੇ ਹੋਣ ਕਰਕੇ ਬਹੁਤ ਵਧੀਆ ਸਨ। ਹੁਣ, ਮੈਨੂੰ ਲੱਗਦਾ ਹੈ ਕਿ ਸਾਨੂੰ ਆਪਣੇ ਸਰੀਰਾਂ ਅਤੇ ਦਿਮਾਗ਼ ਨੂੰ ਅਰਾਮ ਦੇਣਾ ਚਾਹੀਦਾ ਹੈ। ਜੋ ਸਨਮਾਨ, ਸ਼ਲਾਘਾ ਸਾਨੂੰ ਮਿਲੀ, ਉਹ ਸ਼ਾਨਦਾਰ ਸੀ ਅਤੇ ਅਸੀਂ ਇਹ ਸਾਰਾ ਮਾਣ-ਤਾਣ ਨੂੰ ਵਧੀਆ ਮਾਣਿਆ ਹੈ ਪਰ ਹੁਣ ਸਾਨੂੰ 2022 ਦੇ ਕੈਲੰਡਰ ਨੂੰ ਲੈਕੇ ਆਪਣੇ ਆਪ ਨੂੰ ਹੋਰ ਬਿਹਤਰ ਬਣਾਉਣ ਬਾਰੇ ਸੋਚਣਾ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ,"ਇਸ ਮਹੀਨੇ ਦੀ ਸ਼ੁਰੂਆਤ ਵਿੱਚ ਹਾਕੀ ਇੰਡੀਆ ਵੱਲੋਂ ਜਾਰੀ ਬਿਆਨ ਵਿੱਚ ਕੈਪਟਨ ਵੱਲੋਂ ਆਖਿਆ ਗਿਆ ਸੀ।
ਸਾਰੀਆਂ ਹੀ ਅਹਿਮ ਏਸ਼ੀਅਨ ਖੇਡਾਂ, ਜੋ 2022 ਦੀ 10 ਸਤੰਬਰ ਤੋਂ 25 ਤੱਕ ਚੀਨ ਦੇ ਹੈਨਜ਼ੋਊ, ਯਜਾਂ ਵਿੱਚ ਹੋਣੀਆਂ ਹਨ ਅਤੇ ਟੀਮ ਏਸ਼ੀਆਈ ਖੇਡਾਂ ਵਿੱਚ ਸੋਨ ਤਮਗ਼ਾ ਲੈਕੇ, ਪੈਰਿਸ ਓਲੰਪਿਕਸ ਕੁਆਲੀਫਾਈ ਕਰਨ ਵੱਲ ਧਿਆਨ ਦੇਵੇਗੀ।
