17.47C Vancouver 17.47C VancouverMay 12, 2026 4:11 PM - Connect Newsroom - Ramandeep Kaur with files from The Canadian Press
ਵੈਨਕੂਵਰ ਵਿਚ ਬਣਾਏ ਜਾ ਰਹੇ ਨੌਰਥ ਅਮਰੀਕਾ ਦੇ ਸਭ ਤੋਂ ਵੱਡੇ ਰਿਟੇਲ ਅਤੇ ਰਿਹਾਇਸ਼ੀ ਪ੍ਰੋਜੈਕਟ ਦਾ ਓਕਰਿਜ ਪਾਰਕ ਸ਼ਾਪਿੰਗ ਮਾਲ ਆਉਣ ਵਾਲੀ 28 ਮਈ ਨੂੰ ਸਵੇਰੇ 11 ਵਜੇ ਆਮ ਪਬਲਿਕ ਲਈ ਖੋਲ੍ਹਿਆ ਜਾ ਰਿਹਾ ਹੈ। ਕਰੀਬ 5 ਮਿਲੀਅਨ ਵਰਗ ਫੁੱਟ ਦੇ ਖੇਤਰ ਵਿਚ ਫੈਲੇ ਇਸ ਵਿਸ਼ਾਲ ਪ੍ਰੋਜੈਕਟ 'ਤੇ ਕੁੱਲ $6.5 ਬਿਲੀਅਨ ਦੀ ਲਾਗਤ ਆਉਣ ਦਾ ਅਨੁਮਾਨ ਹੈ ਅਤੇ ਇਹ ਪੂਰਾ ਪ੍ਰੋਜੈਕਟ ਸਾਲ 2029 ਤੱਕ ਮੁਕੰਮਲ ਹੋਵੇਗਾ।
ਅਗਲੇ ਦੋ ਹਫ਼ਤਿਆਂ ਵਿਚ ਸ਼ੁਰੂ ਹੋਣ ਵਾਲੇ ਪਹਿਲੇ ਫੇਜ਼ ਤਹਿਤ ਕਰੀਬ 2.8 ਮਿਲੀਅਨ ਵਰਗ ਫੁੱਟ ਦਾ ਹਿੱਸਾ ਖੋਲ੍ਹਿਆ ਜਾ ਰਿਹਾ ਹੈ, ਜਿਸ ਵਿਚ ਲੂਈ Vuitton ਅਤੇ Aritzia ਵਰਗੇ ਨਾਮਵਰ ਬ੍ਰਾਂਡਸ ਦੇ ਸ਼ੋਰੂਮ ਸ਼ਾਮਲ ਹੋਣਗੇ। ਇਸ ਪਹਿਲੇ ਫੇਜ਼ ਵਿਚ 650,000 ਵਰਗ ਫੁੱਟ ਦੀ ਜਗ੍ਹਾ ਰਿਟੇਲ ਸਪੇਸ ਲਈ ਅਤੇ ਕਰੀਬ 1,400 ਰਿਹਾਇਸ਼ੀ ਯੂਨਿਟ ਬਣਾਏ ਗਏ ਹਨ।
ਇਸ ਮਾਲ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ ਛੱਤ 'ਤੇ ਬਣਿਆ 3.6 ਹੈਕਟੇਅਰ ਦਾ ਮਿਊਂਸੀਪਲ ਪਾਰਕ ਹੈ, ਜਿਸ ਦਾ ਇੱਕ ਹਿੱਸਾ mall ਦੇ ਉਦਘਾਟਨ ਵਾਲੇ ਦਿਨ ਲੋਕਾਂ ਲਈ ਖੋਲ੍ਹ ਦਿੱਤਾ ਜਾਵੇਗਾ। ਆਉਣ ਵਾਲੇ ਸਮੇਂ ਵਿਚ ਇਸ ਪੂਰੇ ਕੰਪਲੈਕਸ ਅੰਦਰ 3,300 ਤੋਂ ਵੱਧ ਰਿਹਾਇਸ਼ੀ ਅਤੇ ਰੈਂਟਲ ਯੂਨਿਟ ਤਿਆਰ ਕੀਤੇ ਜਾਣਗੇ,ਜਿੱਥੇ 6,000 ਤੋਂ ਵੱਧ ਲੋਕ ਰਹਿ ਸਕਣਗੇ।
