News

ਕੈਨੇਡਾ ਦੀ ਜੀ. ਡੀ. ਪੀ. ਵਿਚ ਅਕਤੂਬਰ ਦੌਰਾਨ 0.3 ਫੀਸਦੀ ਦੀ ਗਿਰਾਵਟ ਆਈ ਹੈ, ਇਹ ਪ੍ਰਮੁੱਖ ਤੌਰ 'ਤੇ ਨਿਰਮਾਣ ਖੇਤਰ ਦੀ ਗਤੀਵਿਧੀ ਸਲੌ ਹੋਣ ਕਾਰਨ ਹੋਇਆ ਹੈ।ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ,ਐਲਬਰਟਾ ਵਿਚ ਤਿੰਨ ਹਫ਼ਤੇ ਤੋਂ ਵੱਧ ਚੱਲੀ ਅਧਿਆਪਕਾਂ ਦੀ ਸੂਬਾ ਪੱਧਰੀ ਹੜਤਾਲ ਦਾ ਵੀ ਆਰਥਿਕਤਾ 'ਤੇ ਅਸਰ ਪਿਆ, ਜਿਸ ਕਾਰਨ ਅਕਤੂਬਰ ਵਿਚ ਪਬਲਿਕ ਸੈਕਟਰ ਦੀ ਆਊਟਪੁੱਟ ਵਿਚ ਓਵਰਔਲ ਕਮੀ ਆਈ।

ਰੂਸ ਨੇ ਸੋਮਵਾਰ ਰਾਤ ਨੂੰ ਯੂਕਰੇਨ ਦੇ ਕਈ ਸ਼ਹਿਰਾਂ 'ਤੇ ਵੱਡੇ ਹਮਲੇ ਕੀਤੇ। ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਕਿਹਾ ਕਿ ਇਹ ਹਮਲੇ ਕ੍ਰਿਸਮਸ ਦੇ ਸਮੇਂ ਦੌਰਾਨ ਹਮਲੇ ਨਾ ਕਰਨ ਦੀ ਚੇਤਾਵਨੀ ਦੇਣ ਤੋਂ ਇੱਕ ਦਿਨ ਬਾਅਦ ਕੀਤੇ ਗਏ ਹਨ। ਯੂਕਰੇਨ ਦੇ ਅਧਿਕਾਰੀਆਂ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਇਨ੍ਹਾਂ ਹਮਲਿਆਂ ਵਿੱਚ ਲਗਭਗ ਤਿੰਨ ਲੋਕ ਮਾਰੇ ਗਏ, ਜਿਨ੍ਹਾਂ ਵਿੱਚ ਇੱਕ ਚਾਰ ਸਾਲ ਦਾ ਬੱਚਾ ਵੀ ਸ਼ਾਮਲ ਹੈ।

ਐਲਬਰਟਾ ਦੀ ਇਲੈਕਸ਼ਨ ਏਜੰਸੀ ਨੇ ਸੂਬੇ ਦੇ ਕੈਨੇਡਾ ਤੋਂ ਵੱਖ ਹੋਣ ਦੇ ਸਬੰਧ 'ਚ ਪ੍ਰਸਤਾਵਿਤ ਰਿਫਰੈਂਡਮ ਸਵਾਲ ਨੂੰ ਮਨਜੂਰੀ ਦੇ ਦਿੱਤੀ ਹੈ। ਪ੍ਰਸ਼ਨ ਇਹ ਹੈ ਕਿ ਕੀ ਤੁਸੀਂ ਇਸ ਗੱਲ ਨਾਲ ਸਹਿਮਤ ਹੋ ਕਿ ਐਲਬਰਟਾ ਕੈਨੇਡਾ ਦਾ ਹਿੱਸਾ ਨਾ ਰਹਿ ਕੇ ਇਕ ਇਨਡੀਪੈਂਡੇਟ ਸਟੇਟ ਬਣ ਜਾਵੇ? ਇਲੈਕਸ਼ਨ ਐਲਬਰਟਾ ਦਾ ਕਹਿਣਾ ਹੈ ਕਿ ਪ੍ਰਸਤਾਵਿਤ ਐਲਬਰਟਾ ਪ੍ਰੋਸਪੈਰਟੀ ਪ੍ਰੋਜੈਕਟ ਕੋਲ ਪਟੀਸ਼ਨ ਲਈ ਵਿੱਤੀ ਅਧਿਕਾਰੀ ਨਿਯੁਕਤ ਕਰਨ ਲਈ ਜਨਵਰੀ ਦੀ ਸ਼ੁਰੂਆਤ ਤੱਕ ਦਾ ਸਮਾਂ ਹੈ,ਜਿਸ ਤੋਂ ਬਾਅਦ ਸਿਗਨੇਚਰ ਕੁਲੈਕਸ਼ਨ ਸ਼ੁਰੂ ਹੋ ਸਕਦੀ ਹੈ।

ਬੀ.ਸੀ.ਦੇ ਮੇਪਲ ਰਿਜ ਦੇ ਇਕ ਜੰਗਲੀ ਇਲਾਕੇ 'ਚ ਇਕ ਨੌਜਵਾਨ ਦੀ ਲਾਸ਼ ਮਿਲਣ ਤੋਂ ਕਰੀਬ 6 ਸਾਲ ਬਾਅਦ ਇਕ ਸ਼ੱਕੀ 'ਤੇ ਉਸ ਦੇ ਕਤਲ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਨਵੈਸਟੀਗੇਟਰਸ ਮੁਤਾਬਕ 24 ਸਾਲਾ ਐਡੀ ਬੋਗੇਇਰ ਨੂੰ ਆਖਰੀ ਵਾਰ 27 ਦਸੰਬਰ, 2029 ਦੀ ਸ਼ਾਮ ਕੋਕੁਇਟਲਮ ਸਥਿਤ ਉਸ ਦੇ ਘਰ ਤੋਂ ਨਿਕਲਦੇ ਦੇਖਿਆ ਗਿਆ ਸੀ।

ਵੈਨਕੂਵਰ ਪੁਲਿਸ ਵਲੋਂ ਤੜਕਸਾਰ ਈਸਟ ਵੈਨਕੂਵਰ ਵਿਚ ਵਾਪਰੇ ਇੱਕ 'ਹਿੱਟ ਐਂਡ ਰਨ' ਹਾਦਸੇ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਜਿਸ ਵਿਚ ਪੈਦਲ ਜਾ ਰਹੀ ਇੱਕ 81 ਸਾਲਾ ਬਜ਼ੁਰਗ ਮਹਿਲਾ ਦੀ ਮੌਤ ਹੋ ਗਈ। ਪੁਲਿਸ ਨੇ ਫ਼ਰਾਰ ਹੋਏ ਡਰਾਈਵਰ ਨੂੰ ਫੜਨ ਲਈ ਜਨਤਾ ਤੋਂ ਮਦਦ ਦੀ ਅਪੀਲ ਕੀਤੀ ਹੈ। ਹਾਦਸਾ ਸਵੇਰੇ 6:30 ਵਜੇ ਦੇ ਕਰੀਬ ਬਾਅਦ ਵਾਪਰਿਆ। ਵੈਨਕੂਵਰ ਪੁਲਿਸ ਅਤੇ ਬੀ.ਸੀ.ਐਮਰਜੈਂਸੀ ਹੈਲਥ ਸਰਵਿਸਸ ਨੂੰ ਸੂਚਨਾ ਮਿਲੀ ਸੀ ਕਿ ਯੂਕਲਿਡ ਐਵੇਨਿਊ ਨੇੜੇ ਰੂਪਰਟ ਸਟ੍ਰੀਟ 'ਤੇ ਇੱਕ ਕਾਰ ਨੇ ਪੈਦਲ ਜਾ ਰਹੀ ਬਜ਼ੁਰਗ ਮਹਿਲਾ ਨੂੰ ਟੱਕਰ ਮਾਰ ਦਿੱਤੀ ਹੈ।