News

ਬੀ. ਸੀ. ਸਰਕਾਰ ਨੇ ਕਾਉਵਿਚਨ ਵੈਲੀ ਵਿਚ ਕਈ ਮਹੀਨਿਆਂ ਤੋਂ ਚੱਲ ਰਹੀ ਟਰਾਂਜ਼ਿਟ ਹੜਤਾਲ ਨੂੰ ਖਤਮ ਕਰਨ ਲਈ ਇੱਕ ਹੋਰ ਸਪੈਸ਼ਲ ਮੀਡੀਏਟਰ ਦੀ ਨਿਯੁਕਤੀ ਕੀਤੀ ਹੈ। ਸੂਬੇ ਦੀ ਲੇਬਰ ਮੰਤਰੀ ਜੈਨੀਫਰ ਵ੍ਹਾਈਟਸਾਈਡ ਨੇ ਅੱਜ ਇੱਕ ਬਿਆਨ ਵਿਚ ਕਿਹਾ ਕਿ ਇਸ ਹੜਤਾਲ ਨੇ ਕਾਉਵਿਚਨ ਵੈਲੀ ਵਿਚ ਰਹਿਣ ਵਾਲੇ ਲੋਕਾਂ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕੀਤਾ ਹੈ, ਖਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਨੂੰ ਜੋ ਕੰਮ 'ਤੇ ਜਾਣ ਤੋਂ ਲੈ ਕੇ ਸਕੂਲ ਜਾਣ, ਮੈਡੀਕਲ ਅਪਾਇਟਮੈਂਟਸ ਵਿਚ ਸ਼ਾਮਲ ਹੋਣ ਅਤੇ ਰੋਜ਼ਾਨਾ ਸੇਵਾਵਾਂ ਤੱਕ ਪਹੁੰਚ ਲਈ ਟਰਾਂਜ਼ਿਟ 'ਤੇ ਨਿਰਭਰ ਹਨ।

ਕੈਨੇਡਾ ਵਿਚ ਰੀੜ੍ਹ ਦੀ ਹੱਡੀ ਦੀਆਂ ਸੱਟਾਂ ਵਾਲੇ ਦੋ ਮਰੀਜ਼ਾਂ ਵਿਚ ਈਲੋਨ ਮਸਕ ਦੀ ਨਿਊਰਲਿੰਕ ਬ੍ਰੇਨ ਚਿੱਪ ਇਮਪਲਾਂਟ ਕੀਤੀ ਗਈ ਹੈ, ਜਿਸ ਨਾਲ ਉਹ ਹੁਣ ਆਪਣੇ ਵਿਚਾਰਾਂ ਨਾਲ ਕੰਪਿਊਟਰ ਨੂੰ ਕੰਟਰੋਲ ਕਰ ਸਕਦੇ ਹਨ। ਇਹ ਮਸਕ ਦੀ ਨਿਊਰਲਿੰਕ ਵਾਇਰਲੈੱਸ ਬ੍ਰੇਨ ਚਿੱਪ ਦੀ ਸੇਫਟੀ ਅਤੇ ਪ੍ਰਭਾਵਸ਼ੀਲਤਾ ਦੀ ਟੈਸਟਿੰਗ ਲਈ ਅਮਰੀਕਾ ਤੋਂ ਬਾਹਰ ਪਹਿਲੇ ਕਲੀਨਿਕਲ ਟ੍ਰਾਇਲ ਦਾ ਹਿੱਸਾ ਹਨ। ਇਹ ਚਿੱਪ 2020 ਵਿਚ ਜਨਤਾ ਸਾਹਮਣੇ ਪੇਸ਼ ਕੀਤੀ ਗਈ ਸੀ ਅਤੇ ਇਸ ਨੂੰ ਪਹਿਲੀ ਵਾਰ 2024 ਵਿਚ ਇੱਕ ਪੇਰੇਲਾਈਸਡ ਅਮਰੀਕਾ ਵਿਚ ਲਗਾਇਆ ਗਿਆ ਸੀ।

ਬੀ. ਸੀ. ਵਿਚ ਅੱਜ ਸਵੇਰ ਇੱਕ ਵੱਡਾ ਹਾਦਸਾ ਹੋਇਆ, ਹੋਪ ਅਤੇ ਯੇਲ ਵਿਚਕਾਰ ਸਵੇਰੇ 6:00 ਵਜੇ ਦੇ ਕਰੀਬ ਇੱਕ ਟਰੈਕਟਰ-ਟ੍ਰੇਲਰ ਅਤੇ ਇੱਕ ਪਿਕਅੱਪ ਟਰੱਕ ਆਹਮੋ-ਸਾਹਮਣੇ ਟਕਰਾ ਗਏ। ਇਸ ਹਾਦਸੇ ਵਿਚ ਹਾਲਾਂਕਿ, ਟਰੈਕਟਰ ਟ੍ਰੇਲਰ ਦੇ ਡਰਾਈਵਰ ਨੂੰ ਕੋਈ ਸੱਟ ਨਹੀਂ ਲੱਗੀ ਪਰ ਪਿਕਅੱਪ ਦੇ ਡਰਾਈਵਰ ਨੂੰ ਗੰਭੀਰ ਸੱਟਾਂ ਲੱਗੀਆਂ, ਜਿਸ ਕਾਰਨ ਉਸ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ।

ਐਲਬਰਟਾ ਸਰਕਾਰ ਵੱਲੋਂ ਹਫ਼ਤੇ ਦੇ ਸ਼ੁਰੂ ਵਿੱਚ ਐਲਬਰਟਾ ਦੀਆਂ ਸਕੂਲ ਲਾਇਬ੍ਰੇਰੀਆਂ ਵਿੱਚ ਜਿਨਸੀ ਸੰਬੰਧਾਂ ਦਾ ਪ੍ਰਗਟਾਵਾ ਕਰਨ ਦੀ ਸਮੱਗਰੀ ਵਾਲੀਆਂ ਕਿਤਾਬਾਂ 'ਤੇ ਪਾਬੰਦੀ ਲਗਾਉਣ ਦੇ ਮਿਨੀਸਟਰੀਅਲ ਓਡਰ ਨੂੰ ਰੀਰਾਈਟ ਕਰਨ ਦੀ ਗੱਲ ਕਹੀ ਸੀ। ਅੱਜ ਸਰਕਾਰ ਜਿਨਸੀ ਸੰਬੰਧਾਂ ਦਾ ਪ੍ਰਗਟਾਵਾ ਕਰਨ ਦੀ ਸਮੱਗਰੀ ਵਾਲੀਆਂ ਕਿਤਾਬਾਂ ‘ਤੇ ਪਾਬੰਦੀ ਸਬੰਧੀ ਨਵੇਂ ਵੇਰਵਿਆਂ ਦਾ ਐਲਾਨ ਕਰੇਗੀ ।

ਕੈਨੇਡਾ ਨੂੰ ਅਗਸਤ ਵਿਚ ਕਰੀਬ 66,000 ਜੌਬਸ ਦਾ ਨੁਕਸਾਨ ਹੋਇਆ ਹੈ ਅਤੇ ਬੇਰੁਜ਼ਗਾਰੀ ਦਰ 7.1 ਫੀਸਦੀ 'ਤੇ ਪਹੁੰਚ ਗਈ ਹੈ ਜੋ ਮਹਾਂਮਾਰੀ ਸਮੇਂ ਨੂੰ ਛੱਡ ਕੇ ਨੌਂ ਸਾਲਾਂ ਵਿਚ ਸਭ ਤੋਂ ਉਚ ਦਰ ਹੈ। ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਪਿਛਲੇ ਮਹੀਨੇ ਕੈਨੇਡੀਅਨ ਅਰਥਵਿਵਸਥਾ ਵਿਚ ਜ਼ਿਆਦਾਤਰ ਪਾਰਟ-ਟਾਈਮ ਜੌਬਸ ਵਿਚ ਗਿਰਾਵਟ ਆਈ।