News

ਡਿਪਲੋਮੈਟਸ ਵੱਲੋਂ ਕੀਤੇ ਜਾ ਰਹੇ ਵੈਸਟ ਬੈਂਕ ਦੇ ਦੌਰੇ ਦੌਰਾਨ ਇਜ਼ਰਾਈਲ ਦੀ ਡਿਫੈਂਸ ਫੋਰਸਿਸ ਵੱਲੋਂ ਦਾਗੇ ਗਏ ਵਾਰਨਿੰਗ ਸ਼ਾਟਸ ਬਾਰੇ ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਨੀਤਾ ਅਨੰਦ ਨੇ ਕਨੇਡੀਅਨ ਰਾਜਦੂਤਾਂ ਬਾਰੇ ਅਪਡੇਟ ਸਾਂਝੀ ਕੀਤੀ ਹੈ।

ਰਿਚਮੰਡ ਵਿਚ ਸਟੀਵਸਟਨ ਇੰਟਰਚੇਂਜ ਪ੍ਰੋਜੈਕਟ ਦੇ ਚੱਲ ਰਹੇ ਕੰਮ ਦੇ ਮੱਦੇਨਜ਼ਰ ਬੁੱਧਵਾਰ ਰਾਤ ਨੂੰ ਹਾਈਵੇ 99 'ਤੇ ਡਰਾਈਵਰਾਂ ਨੂੰ ਦੇਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹਾਈਵੇ 99 'ਤੇ ਟ੍ਰੈਫਿਕ ਦੋਵੇਂ ਦਿਸ਼ਾਵਾਂ ਵਿਚ ਪ੍ਰਭਾਵਿਤ ਹੋਵੇਗਾ ਅਤੇ ਰਾਤ 11 ਵਜੇ ਤੋਂ ਸਟੀਵਨਸਟਨ ਹਾਈਵੇ ਤੋਂ ਪਹਿਲਾਂ ਆਵਾਜਾਈ ਨੂੰ ਖੱਬੀ ਲੇਨ 'ਤੇ- ਅਤੇ ਬਾਹਰ-ਰੈਂਪ ਵਿਚ ਮੋੜ ਦਿੱਤਾ ਜਾਵੇਗਾ।

ਕੈਮਲੂਪਸ ਆਰਸੀਐਮਪੀ ਨੇ ਬੀਤੇ ਕੱਲ੍ਹ ਐਬਰਡੀਨ ਇਲਾਕੇ ਦੇ ਇੱਕ ਘਰ ਵਿਚ ਛਾਪੇਮਾਰੀ ਦੌਰਾਨ ਇੱਕ ਦਰਜਨ ਤੋਂ ਵੱਧ ਹਥਿਆਰ ਜ਼ਬਤ ਕੀਤੇ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਮੌਕੇ 'ਤੇ ਗਏ ਅਧਿਕਾਰੀਆਂ ਨੇ ਸਿਫਟਨ ਐਵੇਨਿਊ 'ਤੇ ਸਥਿਤ ਘਰ ਤੋਂ ਸ਼ੱਕੀ ਨਸ਼ੀਲੇ ਪਦਾਰਥ ਅਤੇ ਚੋਰੀ ਦੀਆਂ ਗੱਡੀਆਂ ਵੀ ਜ਼ਬਤ ਕੀਤੀਆਂ।

ਅੰਤਰਰਾਸ਼ਟਰੀ ਸਲੈਕਲਾਈਨ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਸਕਵਾਮਿਸ਼ ਕੋਲ ਜਾਨਲੇਵਾ ਘਟਨਾ ਉਸ ਵੇਲੇ ਵਾਪਰੀ ਜਦ ਔਰਤ ਸੇਫਟੀ ਲੀਸ਼ ਨੂੰ ਮੁੜ ਤੋਂ ਬੰਨਣਾ ਭੁੱਲ ਗਈ ਸੀ।

ਬੀਸੀ ਵਿਚ ਲਾਈਫਲੈਬਜ਼ ਦੇ ਸਾਰੇ ਸਥਾਨਾਂ 'ਤੇ ਵਰਕਰਾਂ ਦੀ ਵਾਰੋ-ਵਾਰੀ ਚੱਲ ਰਹੀ ਹੜਤਾਲ ਸਮਾਪਤ ਹੋ ਗਈ ਹੈ ਕਿਉਂਕਿ ਕੰਪਨੀ ਅਤੇ ਯੂਨੀਅਨ ਸਰਕਾਰ ਵਲੋਂ ਨਿਯੁਕਤ ਵਿਚੋਲੇ ਦੇ ਰਾਹੀਂ ਤਿੰਨ ਸਾਲਾਂ ਲਈ ਇੱਕ ਸਮਝੌਤੇ 'ਤੇ ਪਹੁੰਚ ਗਏ ਹਨ। ਲਾਈਫਲੈਬਜ਼ ਦੇ 1,200 ਵਰਕਰ ਫਰਵਰੀ ਤੋਂ ਹੜਤਾਲ ਵਿਚ ਸ਼ਾਮਲ ਸਨ। ਉਨ੍ਹਾਂ ਵਲੋਂ ਰੋਟੇਟਿੰਗ ਵਿਚ ਕੰਮ ਬੰਦ ਕੀਤਾ ਜਾ ਰਿਹਾ ਸੀ।

ਕੈਨੇਡਾ ਪੋਸਟ ਦੇ ਡਾਕ ਕਰਮਚਾਰੀਆਂ ਦੀ ਸੰਭਾਵਿਤ ਹੜਤਾਲ ਤੋਂ ਦੋ ਦਿਨ ਪਹਿਲਾਂ ਕਰਾਊਨ ਕਾਰਪੋਰੇਸ਼ਨ ਨੇ ਯੂਨੀਅਨ ਨੂੰ ਇੱਕ ਨਵਾਂ ਆਫਰ ਭੇਜਿਆ ਹੈ। 55 ਹਜ਼ਾਰ ਤੋਂ ਵੱਧ ਡਾਕ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਇਸ ਦੀ ਪੁਸ਼ਟੀ ਕਰਦਿਆਂ ਕਿਹਾ ਹੈ ਕਿ ਉਸ ਦੀ ਗੱਲਬਾਤ ਕਰਨ ਵਾਲੀ ਟੀਮ ਜਲਦ ਹੀ ਪ੍ਰਸਤਾਵ ਦਾ ਰੀਵਿਊ ਕਰੇਗੀ।

ਕੈਨੇਡੀਅਨ ਸ਼ੇਅਰ ਬਾਜ਼ਾਰ ਦੇ ਪ੍ਰਮੁੱਖ ਇੰਡੈਕਸ ਨੇ ਅੱਜ ਕਾਰੋਬਾਰ ਦੌਰਾਨ 100 ਤੋਂ ਵੱਧ ਅੰਕ ਦੀ ਗਿਰਾਵਟ ਦਰਜ ਕੀਤੀ, S&P/TSX ਵਿਚ ਇਹ ਕਮਜ਼ੋਰੀ ਅਮਰੀਕੀ ਬਾਜ਼ਾਰਾਂ ਵਿਚ ਗਿਰਾਵਟ ਦੇ ਮੱਦੇਨਜ਼ਰ ਦੇਖਣ ਨੂੰ ਮਿਲੀ, ਦਰਅਸਲ, ਟਰੰਪ ਪ੍ਰਸ਼ਾਸਨ ਟੈਕਸ ਘਟਾਉਣ ਵਾਲੇ ਬਜਟ ਨੂੰ ਅੰਤਿਮ ਰੂਪ ਦੇਣ ਲਈ ਕੰਮ ਕਰ ਰਿਹਾ ਹੈ।

ਚਿਲੀਵੈਕ ਵਿਚ ਇੱਕ ਵਿਅਕਤੀ ਨੂੰ ਪੁਲਿਸ ਵਾਹਨ ਨਾਲ ਟੱਕਰ ਮਾਰਨ ਮਗਰੋਂ ਕਈ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪੁਲਿਸ ਨੇ ਕਿਹਾ ਕਿ 16 ਮਈ 2025 ਨੂੰ ਤੜਕੇ ਇੱਕ ਆਰਸੀਐਮਪੀ ਫਰੰਟ-ਲਾਈਨ ਅਫਸਰ ਗਸ਼ਤ ਕਰ ਰਿਹਾ ਸੀ ਜਦੋਂ ਉਸ ਨੇ ਯੇਲ ਰੋਡ ਅਤੇ ਹੋਜਨਸ ਰੋਡ ਦੇ ਇੰਟਰਸੈਕਸ਼ਨ ਨੇੜੇ ਇੱਕ ਨੀਲੇ ਰੰਗ ਦੀ ਬੀ.ਐਮ.ਡਬਲਿਊ ਦੇ ਡਰਾਈਵਰ ਨੂੰ ਖਰਾਬ ਡਰਾਈਵਿੰਗ ਕਰਦੇ ਦੇਖਿਆ ਅਤੇ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਪੁਲਿਸ ਵਾਹਨ ਅਤੇ ਦੋ ਹੋਰ ਖੜ੍ਹੀਆਂ ਕਾਰਾਂ ਨੂੰ ਟੱਕਰ ਮਾਰ ਕੇ ਭੱਜ ਨਿਕਲਿਆ, ਇਸ ਮਗਰੋਂ ਇਹ ਬੀ.ਐਮ.ਡਬਲਿਊ ਇੱਕ ਹੋਰ ਗੱਡੀ ਨੂੰ ਟੱਕਰ ਮਾਰਨ ਤੋਂ ਬਾਅਦ ਲਾਈਟ ਪੋਲ ਨਾਲ ਟਕਰਾਈ ਅਤੇ ਇਸ ਦੌਰਾਨ ਡਰਾਈਵਰ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ।

ਬੀਸੀ ਸਰਕਾਰ ਅਤੇ ਅਮਰੀਕੀ ਪ੍ਰਸ਼ਾਸਨ ਫੈਂਟਾਨਿਲ ਡਰੱਗ ਦੇ ਮੁੱਦੇ 'ਤੇ ਆਹਮੋ-ਸਾਹਮਣੇ ਹਨ। ਟਰੰਪ ਦੇ ਐਫਬੀਆਈ ਦੇ ਮੁਖੀ ਨੇ ਵੈਨਕੂਵਰ 'ਤੇ ਅਮਰੀਕਾ ਵਿਚ ਫੈਂਟਾਨਿਲ ਸੰਕਟ ਵਧਾਉਣ ਦਾ ਦੋਸ਼ ਲਗਾਇਆ ਹੈ। ਕੈਸ਼ ਪਟੇਲ ਨੇ ਇੱਕ ਇੰਟਰਵਿਊ ਵਿਚ ਦਾਅਵਾ ਕੀਤਾ ਕਿ ਚੀਨ, ਰੂਸ ਅਤੇ ਈਰਾਨ ਸਮੇਤ ਹੋਰ ਵਿਦੇਸ਼ੀ ਤਾਕਤਾਂ ਦੇ ਸਮਰਥਨ ਵਾਲੇ ਕ੍ਰਿਮੀਨਲ ਨੈੱਟਵਰਕ ਕੈਨੇਡੀਅਨ ਰੂਟ ਰਾਹੀਂ ਖਾਸ ਕਰ ਵੈਨਕੂਵਰ ਦੇ ਆਸਪਾਸ ਹਵਾਈ ਤੇ ਸਮੁੰਦਰੀ ਰਸਤੇ ਫੈਂਟਾਨਿਲ ਦੀ ਤਸਕਰੀ ਕਰ ਰਹੇ ਹਨ।