News

ਭਾਰਤ ਨੇ ਬੁੱਧਵਾਰ ਰਾਤ ਨੂੰ ਪਾਕਿਸਤਾਨ ਅਤੇ ਪੀ.ਓ.ਕੇ. ਜਾਣੀ ਕਿ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਵਿੱਚ ਅੱਤਵਾਦੀ ਕੈਂਪਾਂ 'ਤੇ air strike ਕੀਤੀ ਹੈ। ਇਸ ਆਪ੍ਰੇਸ਼ਨ ਨੂੰ 'ਆਪ੍ਰੇਸ਼ਨ ਸਿੰਦੂਰ' ਦਾ ਨਾਮ ਦਿੱਤਾ ਗਿਆ ਹੈ। ਇਸ ਕਾਰਵਾਈ ਤੋਂ ਬਾਅਦ ਭਾਰਤੀ ਆਰਮੀ ਨੇ ਇੱਕ ਟਵੀਟ ਕਰ ਆਖਿਆ - Justice is served, Jai Hind.'

ਲੇਡੁਕ ਸਿਟੀ ਕੰਮ ਦੌਰਾਨ ਜਿਨਸੀ ਸ਼ੋਸ਼ਣ ਦੀਆਂ ਸ਼ਿਕਾਰ ਹੋਈਆਂ 155 ਔਰਤਾਂ ਨੂੰ $9.5 ਮਿਲੀਅਨ ਦਾ ਮੁਆਵਜ਼ਾ ਦੇਣ ਜਾ ਰਹੀ ਹੈ।ਕੈਨੇਡਾ ਦੇ ਕਾਨੂੰਨੀ ਇਤਿਹਾਸ ਵਿਚ ਪ੍ਰਤੀ ਔਰਤ ਦਿੱਤੇ ਗਏ ਸਭ ਤੋਂ ਵੱਧ ਭੁਗਤਾਨ ਵਿਚੋਂ ਇਹ ਇਕ ਮਾਮਲਾ ਹੈ। 2002 ਤੋਂ 2023 ਵਿਚਕਾਰ ਕੰਮ ਦੌਰਾਨ ਜਿਨ੍ਹਾਂ ਫਾਇਰ ਫਾਈਟਰਜ ਔਰਤਾਂ ਨਾਲ ਗਲਤ ਵਿਵਹਾਰ ਜਾਂ ਭੇਦਭਾਵ ਕੀਤਾ ਗਿਆ, ਉਨ੍ਹਾਂ ਨੇ ਇਹ ਸਾਂਝਾ ਮੁਕੱਦਮਾ ਦਾਇਰ ਕੀਤਾ ਸੀ।

ਬੀ. ਸੀ.ਸਰਕਾਰ ਘਰਾਂ ਅਤੇ ਕਾਰੋਬਾਰਾਂ ਲਈ ਜਲਦ ਹੀ ਨਵੇਂ ਪਾਣੀ ਦੇ ਮੀਟਰ ਸ਼ੁਰੂ ਕਰਨ ਜਾ ਰਹੀ ਹੈ, ਜਿਸ ਨਾਲ ਸੂਬੇ ਦੇ ਪੇਂਡੂ ਭਾਈਚਾਰੇ ਵਿਚ ਸਾਲਾਨਾ 1.5 ਬਿਲੀਅਨ ਲੀਟਰ ਪਾਣੀ ਦੀ ਬਚਤ ਹੋਵੇਗੀ। ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਕਦਮ ਨਾਲ ਛੋਟੇ ਇਲਾਕਿਆਂ ਵਿਚ ਸੋਕੇ ਦੌਰਾਨ ਸਥਿਤੀ ਨਾਲ ਨਜਿੱਠਣ ਵਿਚ ਮਦਦ ਮਿਲੇਗੀ।

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਅਗਲੇ ਸਾਲ ਰਿਫਰੈਂਡਮ ਕਰਵਾਏ ਜਾਣ ਦੇ ਐਲਾਨ ਦੇ ਬਾਅਦ ਕਿਊਬੈਕ ਦੀ ਪ੍ਰਭੂਸੱਤਾਵਾਦੀ ਪਾਰਟੀ ਨੇ ਇਸ ਲਈ ਸਹਿਮਤੀ ਜਤਾਈ ਹੈ। ਇਸ ਦੇ ਮੁਖੀ ਪਾਰਟੀ ਕਿਊਬੈਕਵਾ ਨੇ ਕਿਹਾ ਕਿ ਉਹ ਸਮਿਥ ਦੇ ਨਾਲ ਹਨ। ਉਨ੍ਹਾਂ ਕਿਹਾ ਕਿ ਸਮਿਥ ਨੇ ਫੈਡਰਲ ਸਰਕਾਰ ਤੋਂ ਮੰਗ ਕਰਦੇ ਹੋਏ ਆਪਣੇ ਸੂਬੇ ਨੂੰ ਲਾਭ ਦੇਣ ਲਈ ਰਿਫਰੈਂਡਮ ਦੀ ਸੰਭਾਵਨਾ ਦੀ ਵਰਤੋਂ ਕੀਤੀ ਹੈ।

ਪੰਜਾਬ ਦੇ ਜਲੰਧਰ ਦੇ ਛਾਉਣੀ ਖੇਤਰ ਵਿਚ ਅੱਜ ਫੌਜ ਵਲੋਂ ਮੌਕ ਡ੍ਰਿਲ ਕੀਤੀ ਗਈ। ਜਿਸ ਵਿਚ ਫਾਇਰ ਬ੍ਰਿਗੇਡ ਟੀਮਾਂ ਸਮੇਤ ਹੋਰ ਰੱਖਿਆ ਟੀਮਾਂ ਮੌਜੂਦ ਸਨ। ਰਾਤ ਲਗਭਗ 8.15 ਵਜੇ ਪੂਰੇ ਛਾਉਣੀ ਇਲਾਕੇ ਵਿਚ ਹਨੇਰਾ ਛਾ ਗਿਆ ਅਤੇ ਇਲਾਕੇ ਵਿਚ ਸਾਇਰਨ ਵੱਜਣੇ ਸ਼ੁਰੂ ਹੋ ਗਏ।

ਪੰਜਾਬ-ਹਰਿਆਣਾ ਵਿਚਾਲੇ ਚੱਲ ਰਹੇ ਪਾਣੀ ਵਿਵਾਦ ਵਿਚਕਾਰ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਭੁਪੇਂਦਰ ਸਿੰਘ ਹੁੱਡਾ ਦਾ ਕਹਿਣਾ ਹੈ ਕਿ ਕੇਂਦਰ ਸਰਕਾਰ ਨੂੰ ਇਸ ਮਾਮਲੇ ਵਿਚ ਆਪਣੀ ਜ਼ਿੰਮੇਵਾਰੀ ਨਿਭਾਉਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਪੀਣ ਵਾਲੇ ਪਾਣੀ ਨੂੰ ਰੋਕਣ ਦਾ ਕਦਮ ਗੈਰ-ਸੰਵਿਧਾਨਕ, ਅਸਵੀਕਾਰਨਯੋਗ ਅਤੇ ਗੈਰ-ਲੋਕਤੰਤਰੀ ਹੈ।

ਬੀ.ਸੀ. ਸਰਕਾਰ ਨੇ ਕਾਰਨੀ ਦੇ ਵ੍ਹਾਈਟ ਹਾਊਸ ਦੌਰੇ ਦੌਰਾਨ ਵਪਾਰ ਯੁੱਧ ਖਤਮ ਹੋਣ ਲਈ ਤੁਰੰਤ ਕੋਈ ਸਮਝੌਤਾ ਨਾ ਹੋਣ ਦੀ ਸੰਭਾਵਨਾ ਜਤਾਈ ਹੈ। ਸੂਬੇ ਦੇ ਹਾਊਸਿੰਗ ਮਿਨਿਸਟਰ ਰਵੀ ਕਾਹਲੋਂ ਨੇ ਕਿਹਾ ਕਿ ਅਸੀਂ ਕਿਸੇ ਸਮਝੌਤੇ ਦੀ ਉਮੀਦ ਨਹੀਂ ਕਰ ਰਹੇ ਹਾਂ ਅਤੇ ਅਸੀਂ ਇਸ ਗੱਲ ਨੂੰ ਵੀ ਮੰਨ ਕੇ ਚੱਲ ਰਹੇ ਹਾਂ ਕਿ ਰਾਸ਼ਟਰਪਤੀ ਟਰੰਪ ਵਲੋਂ ਕੀਤੇ ਗਏ ਕਿਸੇ ਵੀ ਸਮਝੌਤੇ ਨੂੰ ਅਗਲੇ ਦਿਨ ਇੱਕ ਟਵੀਟ ਨਾਲ ਬਦਲਿਆ ਜਾ ਸਕਦਾ ਹੈ।

ਜਰਮਨੀ ਵਿਚ ਕ੍ਰਿਸ਼ਚੀਅਨ ਡੈਮੋਕ੍ਰੇਟਿਕ ਯੂਨੀਅਨ ਦੇ ਲੀਡਰ ਫਰੈਡਰਿਕ ਮਰਜ਼ ਸੰਸਦ ਵਿਚ ਦੂਜੇ ਰਾਊਂਡ ਦੀ ਵੋਟਿੰਗ ਵਿਚ ਦੇਸ਼ ਦੇ ਨਵੇਂ ਚਾਂਸਲਰ ਚੁਣੇ ਗਏ ਹਨ। ਪਹਿਲੇ ਰਾਊਂਡ ਦੀ ਵੋਟਿੰਗ ਵਿਚ ਉਹ ਜਿੱਤ ਲਈ ਜ਼ਰੂਰੀ 316 ਵੋਟਾਂ ਤੋਂ 6 ਵੋਟਾਂ ਨਾਲ ਖੁੰਝ ਗਏ ਸਨ।

ਕੈਨੇਡੀਅਨ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਟਰੰਪ ਦੀ ਓਵਲ ਦਫ਼ਤਰ ਵਿਚ ਮੁਲਾਕਾਤ ਦੌਰਾਨ ਕੈਨੇਡਾ ਨੂੰ 51ਵਾਂ ਸੂਬਾ ਬਣਾਉਣ ਦਾ ਮੁੱਦਾ ਵੀ ਉੱਠਿਆ। ਪੱਤਰਕਾਰਾਂ ਦੇ ਸਵਾਲ ਦਾ ਜਵਾਬ ਦਿੰਦੇ ਟਰੰਪ ਦਾ ਕਹਿਣਾ ਸੀ ਕਿ ਉਹ ਅਜੇ ਵੀ ਮੰਨਦੇ ਹਨ ਕਿ ਇਹ ਕੈਨੇਡੀਅਨਾਂ ਲਈ ਫਾਇਦੇਮੰਦ ਹੋਵੇਗਾ, ਜਿਸ ਨਾਲ ਉਨ੍ਹਾਂ ਨੂੰ ਟੈਕਸਾਂ ਵਿਚ ਵੱਡੀ ਕਟੌਤੀ ਵੀ ਮਿਲੇਗੀ।